VIDEO| ಚೆನ್ನೈ ಟೆಸ್ಟ್​ನಲ್ಲಿ ಎದುರಾಳಿ ಬಾಂಗ್ಲಾದೇಶದ ಫೀಲ್ಡಿಂಗ್​ ಸೆಟ್​ ಮಾಡಿದ ರಿಷಭ್​ ಪಂತ್​!

ಚೆನ್ನೈ: ಆತಿಥೇಯರ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದ ಮೂರನೇ ದಿನದಾಟದಲ್ಲಿ ವಿಕೆಟ್​ಗಾಗಿ ಪರದಾಡುತ್ತಿದ್ದ ಪ್ರವಾಸಿ ಬಾಂಗ್ಲಾದೇಶ ತಂಡಕ್ಕೆ ಫೀಲ್ಡಿಂಗ್​ ಸೆಟ್​ ಮಾಡಲು ಭಾರತದ ವಿಕೆಟ್​ ಕೀಪರ್​-ಬ್ಯಾಟರ್​ ರಿಷಭ್​ ಪಂತ್​ ನೆರವಾಗಿದ್ದು ವಿಚಿತ್ರವೆನಿಸಿತು!

ಶುಭಮಾನ್​ ಗಿಲ್​ ಜತೆಗೂಡಿ ಶತಕ ಸಿಡಿಸಿದ ಪಂತ್​, ಈ ಜತೆಯಾಟದ ವೇಳೆ​, "ಓರ್ವ ಫೀಲ್ಡರ್​ ಇಲ್ಲಿಗೆ ಬೇಕು' ಎಂದು ಮಿಡ್​ವಿಕೆಟ್​ನತ್ತ ತೋರಿಸಿದರು. ಅದರಂತೆ ಬಾಂಗ್ಲಾ ನಾಯಕ ನಜ್ಮುಲ್​ ಹೊಸೈನ್​ ಶಾಂಟೊ, ಮಿಡ್​ವಿಕೆಟ್​ಗೆ ಫೀಲ್ಡರ್​ ಕಳುಹಿಸಿದರು. ಈ ಕುತೂಹಲಕಾರಿ ಪ್ರಸಂಗದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಧೋನಿ ಸಾಧನೆ ಸರಿಗಟ್ಟಿದ ಪಂತ್​

ಟೆಸ್ಟ್​ ಕ್ರಿಕೆಟ್​ನಲ್ಲಿ ಗರಿಷ್ಠ ಶತಕ ಸಿಡಿಸಿದ ಭಾರತೀಯ ವಿಕೆಟ್​ ಕೀಪರ್​ ಎಂಬ ಎಂಎಸ್​ ಧೋನಿ ಅವರ ದಾಖಲೆಯನ್ನು ರಿಷಭ್​ ಪಂತ್​ ಸರಿಗಟ್ಟಿದರು. ಧೋನಿ 6 ಶತಕ ಸಿಡಿಸಲು 144 ಇನಿಂಗ್ಸ್​ ಆಡಿದ್ದರೆ, ಪಂತ್​ 58 ಇನಿಂಗ್ಸ್​ಗಳಲ್ಲೇ ಈ ಸಾಧನೆ ಮಾಡಿರುವುದು ವಿಶೇಷವೆನಿಸಿದೆ. ಪಂತ್​ 2018ರಲ್ಲಿ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಬಳಿಕ ವಿಶ್ವದ ಬೇರಾವುದೇ ತಂಡದ ವಿಕೆಟ್​ ಕೀಪರ್​ ಅವರಷ್ಟು ಶತಕ ಸಿಡಿಸಿಲ್ಲ ಎಂಬುದು ಗಮನಾರ್ಹ. ಕ್ವಿಂಟನ್​ ಡಿಕಾಕ್​, ಲಿಟನ್​ ದಾಸ್​ ಮತ್ತು ಮೊಹಮದ್​ ರಿಜ್ವಾನ್​ ತಲಾ 3 ಶತಕ ಸಿಡಿಸಿರುವುದು ನಂತರದ ಗರಿಷ್ಠವಾಗಿದೆ.

https://www.vijayavani.net/hardik-pandya-to-make-red-ball-return-soon-could-be-in-team-for-border-gavaskar-trophy