ಬರೋಬ್ಬರಿ 632 ದಿನಗಳ ಬಳಿಕ ಟೆಸ್ಟ್​ ಪಂದ್ಯ ಆಡಲಿದ್ದಾರೆ ರಿಷಭ್​ ಪಂತ್​!

ಚೆನ್ನೈ: ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್​ ಸರಣಿಯ ಮೊದಲ ಪಂದ್ಯದೊಂದಿಗೆ ಭಾರತ ತಂಡದ ವಿಕೆಟ್​ ಕೀಪರ್​-ಬ್ಯಾಟರ್​ ರಿಷಭ್​ ಪಂತ್​ 632 ದಿನಗಳ ಬಳಿಕ ಟೆಸ್ಟ್​ ಪಂದ್ಯ ಆಡಲಿದ್ದಾರೆ.

2022ರ ಅಂತ್ಯದಲ್ಲಿ ಭೀಕರ ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದ ಪಂತ್​, ಅದಕ್ಕೆ ಮುನ್ನ 2022ರ ಡಿಸೆಂಬರ್​ 22ರಿಂದ 25ರವರೆಗೆ ಬಾಂಗ್ಲಾ ವಿರುದ್ಧವೇ ಮೀರ್ಪುರದಲ್ಲಿ ಕೊನೇ ಟೆಸ್ಟ್​ ಆಡಿದ್ದರು. ನಂತರದಲ್ಲಿ ಪಂತ್​ ಗೈರಿನ ಸಮಯದಲ್ಲಿ ಇಶಾನ್​ ಕಿಶನ್​, ಕೆಎಲ್​ ರಾಹುಲ್​, ಕೆಎಸ್​ ಭರತ್​, ಧ್ರುವ ಜುರೆಲ್​ ಟೆಸ್ಟ್​ನಲ್ಲಿ ಕೀಪಿಂಗ್​ ಜವಾಬ್ದಾರಿ ನಿರ್ವಹಿಸಿದ್ದರು. ಆದರೆ 26 ವರ್ಷದ ಪಂತ್​ ಟೆಸ್ಟ್​ನಲ್ಲಿ ತೋರುವ ನಿರ್ಭೀತಿಯ ಆಕ್ರಮಣಕಾರಿ ಆಟವನ್ನು ತುಂಬಲು ಯಾರಿಂದಲೂ ಸಾಧ್ಯವಾಗಿಲಿಲ್ಲ.

2018ರಲ್ಲಿ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಪಂತ್ ಇದುವರೆಗೆ 33 ಪಂದ್ಯ ಆಡಿದ್ದು, 5 ಶತಕಗಳ ಸಹಿತ 2,271 ರನ್​ ಬಾರಿಸಿದ್ದಾರೆ. ಅಜೇಯ 159 ಅವರ ಗರಿಷ್ಠ ಗಳಿಕೆಯಾಗಿದ್ದು, 119 ಕ್ಯಾಚ್​ಗಳನ್ನು ಹಿಡಿದಿದ್ದಾರೆ.

https://www.vijayavani.net/use-of-artificial-intelligence-for-scoring-in-boxing-new-scheme-to-bring-transparency-in-scoring-system