ಹರಾಜಿನಲ್ಲಿ 27 ಕೋಟಿ ರೂ.! ಆವೃತ್ತಿ ಪೂರ ಅತ್ಯಂತ ಕಳಪೆ ಪ್ರದರ್ಶನ: ಮಾಜಿ ಕ್ರಿಕೆಟಿಗ ಬಿಚ್ಚುನುಡಿ | Rishabh Pant

Rishabh Pant: ಐಪಿಎಲ್​ 18ನೇ ಆವೃತ್ತಿಯಲ್ಲಿ ಸತತ ಸೋಲಿಗಳಿಂದ ಕಂಗೆಟ್ಟಿರುವ ಲಖನೌ ಸೂಪರ್​ ಜೈಂಟ್ಸ್​, ಸದ್ಯ ಪ್ಲೇಆಫ್​ ರೇಸ್​ನಿಂದ ಬಹಳ ದೂರ ಉಳಿದಿದೆ. ಪ್ರಸ್ತುತ ಸೋಲು-ಗೆಲುವು ಲೆಕ್ಕಾಚಾರಗಳಲ್ಲಿ ರಿಷಭ್ ಪಂತ್ ಪಡೆಯ ಪ್ಲೇಆಫ್ ಕನಸು ಭಗ್ನ ಎಂದೇ ಹೇಳಬಹುದು. ಆಡಿರುವ 11 ಪಂದ್ಯಗಳಲ್ಲಿ ಕೇವಲ 5 ಪಂದ್ಯಗಳಲ್ಲಿ ಮಾತ್ರ ಗೆಲುವು ಸಾಧಿಸಿದೆ. ಒಂದೆಡೆ ಲಖನೌ ಹೀನಾಯ ಸೋಲು ಕಾಣುತ್ತಿದ್ದರೆ, ಅತ್ತ ಪಂತ್ ನಾಯಕತ್ವದಲ್ಲಿ ಹಾಗೂ ಬ್ಯಾಟಿಂಗ್ ಪ್ರದರ್ಶನದಲ್ಲಿ ಸೋಲು ಅನುಭವಿಸುತ್ತಿದ್ದಾರೆ. ಇದು ಸದ್ಯ ಮಾಜಿ ಕ್ರಿಕೆಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ‘ಆಪರೇಷನ್​ ಸಿಂಧೂರ’ ಸಂಭವಿಸಿದ ದಿನವೇ ಹುಟ್ಟಿದ 12 ನವಜಾತ ಶಿಶುಗಳಿಗೆ ‘ಸಿಂಧೂರ’ ಹೆಸರು! ಪೋಷಕರು ಸಂತಸ | Operation Sindoor

ಹರಾಜಿನಲ್ಲಿ ಬರೋಬ್ಬರಿ 27 ಕೋಟಿ ರೂ.ಗೆ ಖರೀದಿಯಾದ ರಿಷಭ್ ಪಂತ್​, ಐಪಿಎಲ್​ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಮೊತ್ತಕ್ಕೆ ಖರೀದಿಯಾದ ಆಟಗಾರ ಎಂಬ ಹೆಗ್ಗಳಿಕೆಗೆ ಸಾಕ್ಷಿಯಾದರು. ಇದೇ ಸಂತಸದಲ್ಲಿದ್ದ ಎಲ್​ಎಸ್​ಜಿ ಮಾಲೀಕ ಸಂಜೀವ್​ ಗೋಯಿಂಕಾ, ಪಂತ್​ ತಮ್ಮ ತಂಡಕ್ಕೆ ಚೊಚ್ಚಲ ಐಪಿಎಲ್​ ಟ್ರೋಫಿಯನ್ನು ತಂದುಕೊಡಲಿದ್ದಾರೆ ಎಂಬ ಅಪಾರ ಭರವಸೆಯನ್ನು ಹೊಂದಿದ್ದರು. ಆದರೆ, ಆ ಭರವಸೆ, ಲೆಕ್ಕಾಚಾರಗಳೆಲ್ಲವೂ ಇದೀಗ ತಲೆಕೆಳಗಾಗಿದೆ.

ಸತತ ಕಳಪೆ ಬ್ಯಾಟಿಂಗ್ ಪ್ರದರ್ಶನ ನೀಡುತ್ತಿರುವ ರಿಷಭ್ ಪಂತ್​, ಲಖನೌ ಸೂಪರ್ ಜೈಂಟ್ಸ್​ ತಂಡವನ್ನು ಗೆಲುವಿನ ಲಯಕ್ಕೆ ತರುವಲ್ಲಿ ಮುಗ್ಗರಿಸಿದ್ದಾರೆ. ನಾಯಕತ್ವದ ಜವಾಬ್ದಾರಿ ಹೊರುವಲ್ಲಿ ಸಾಕಷ್ಟು ಎಡವಟ್ಟು ಮಾಡಿಕೊಂಡಿರುವ ಪಂತ್​, ಬೌಲಿಂಗ್ ಸೇರಿದಂತೆ ಫೀಲ್ಡ್​ನಲ್ಲಿ ಒಂದಷ್ಟು ಬದಲಾವಣೆಗಳು ಮಾಡುವಲ್ಲಿಯೂ ಪರದಾಡಿದ್ದಾರೆ. ಈ ಎಲ್ಲಾ ತಪ್ಪುಗಳು ಇದೀಗ ಅವರ ಸ್ಥಾನಕ್ಕೆ ಕುತ್ತು ತಂದಿದ್ದು, ಫ್ರಾಂಚೈಸಿಯ ಮಾಲೀಕರ ಕಣ್ಣನ್ನು ಕೆಂಪಗಾಗಿಸಿದೆ.

ಇದನ್ನೂ ಓದಿ: ನಿತ್ಯ ಭವಿಷ್ಯ: ಈ ರಾಶಿಯವರಿಗಿಂದು ಬಂಧು ವರ್ಗದವರಿಂದ ಆರ್ಥಿಕ ಸಹಾಯ

"ಪಂತ್ ಇಷ್ಟೊಂದು ಪರದಾಡುತ್ತಾರೆ ಎಂದು ನಾನು ನಿರೀಕ್ಷಿಸಿರಲಿಲ್ಲ. ತೀರ ಕೋಪಕ್ಕೆ ತುತ್ತಾಗುತ್ತಿದ್ದಾರೆ. 27 ಕೋಟಿ ರೂ.ಗೆ ಖರೀದಿಸಿದಾಗ ಅದೊಂದು ದೊಡ್ಡ ಘಳಿಗೆ ಆಗಿತ್ತು ಅವರಿಗೆ. ಜೀವನದಲ್ಲಿ ಕಷ್ಟ-ಸುಖ ಎರಡನ್ನೂ ನೋಡಿರುವ ರಿಷಭ್, ಕಾರು ಅಪಘಾತದಿಂದ ಸಾಕಷ್ಟು ಬಳಲಿದರು. ನಂತರ ಚೇತರಿಸಿಕೊಂಡು ಮೈದಾನಕ್ಕೆ ಮರಳಿದರು. ಆದರೆ, ಪ್ರದರ್ಶನದಲ್ಲಿ ಅವರ ಗ್ರಾಫ್​ ಈಗ ಕೆಳಗಿಳಿದಿದೆ" ಎಂದು ಬೇಸರ ಹೊರಹಾಕಿದರು,(ಏಜೆನ್ಸೀಸ್).

https://www.vijayavani.net/12-babies-got-name-from-operation-sindoor