ಟೀಂ ಇಂಡಿಯಾ ಅಭ್ಯಾಸ ಪಂದ್ಯದಲ್ಲಿ ಸ್ಫೋಟಿಸಿದ ರಿಷಭ್​ ಪಂತ್​

ಸೌಥಾಂಪ್ಟನ್​: ಕಳೆದ ವರ್ಷದಿಂದಲೂ ಭರ್ಜರಿ ಫಾರ್ಮ್ ನಲ್ಲಿರುವ ಸ್ಫೋಟಕ ಬ್ಯಾಟ್ಸ್​ಮನ್​ ರಿಷಭ್​ ಪಂತ್​ ಇದೇ ಲಯ ಮುಂದುವರಿಸಿದ್ದಾರೆ. ಶನಿವಾರ ಭಾರತ ಆಟಗಾರರ ನಡುವಿನ ಅಭ್ಯಾಸದ ಪಂದ್ಯದಲ್ಲಿ ರಿಷಭ್​ ಪಂತ್​ ಕೇವಲ 94 ಎಸೆತಗಳಲ್ಲಿ ಅಜೇಯ 121 ರನ್​ ಸಿಡಿಸಿ ಮಿಂಚಿದ್ದಾರೆ. ಇದರೊಂದಿಗೆ ಚೊಚ್ಚಲ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ ಫೈನಲ್​ ಪಂದ್ಯಕ್ಕೆ ಭರ್ಜರಿ ಸಿದ್ಧತೆ ಕೈಗೊಂಡಿದ್ದಾರೆ. ರಿಷಭ್​ ಪಂತ್​ ಸ್ಫೋಟಕ ಬ್ಯಾಟಿಂಗ್​ ಕುರಿತು ಬಿಸಿಸಿಐ ಟ್ವಿಟರ್​ನಲ್ಲಿ ಮಾಹಿತಿ ಹಂಚಿಕೊಂಡಿದೆ. ಟೆಸ್ಟ್​ ಪಂದ್ಯಕ್ಕೆ ಟಿ20 ಮಾದರಿಯಲ್ಲಿ ಬ್ಯಾಟಿಂಗ್​ ಮಾಡುವಂತೆ ಸ್ಫೋಟಿಸಿ ರಿಷಭ್​ ಪಂತ್​ ಗಮನಸೆಳೆದರು.

ಇದನ್ನೂ ಓದಿ: ಯುರೋ ಕಪ್​ ಫುಟ್​ಬಾಲ್​ ಟೂರ್ನಿ; ಡ್ರಾ ಪಂದ್ಯದಲ್ಲಿ ವೇಲ್ಸ್​- ಸ್ವಿಜರ್ಲೆಂಡ್​, 

ರಿಷಭ್​ ಪಂತ್​ ಹಾಗೂ ವೃದ್ಧಿಮಾನ್​ ಸಾಹ ನಡುವೆ ಡಬ್ಲ್ಯುಟಿಸಿ ಫೈನಲ್​ ಪಂದ್ಯದ ವಿಕೆಟ್​ ಕೀಪಿಂಗ್​ ಸ್ಥಾನಕ್ಕೆ ಪೈಪೋಟಿ ಏರ್ಪಟ್ಟರೂ, ರಿಷಭ್​ ಪಂತ್​ ಮೊದಲ ಆಯ್ಕೆ ಯಾಗಿದ್ದಾರೆ. ಆರಂಭಿಕ ಬ್ಯಾಟ್ಸ್​ಮನ್​ ಶುಭಮಾನ್​ ಗಿಲ್​ 135 ಎಸೆತಗಲ್ಲಿ 85 ರನ್​ ಕಲೆಹಾಕಿದ್ದಾರೆ. ಗಿಲ್​ ಹಾಗೂ ಕನ್ನಡಿಗ ಮಯಾಂಕ್​ ಅಗರ್ವಾಲ್​ ನಡುವೆ ಆರಂಭಿಕ ಸ್ಥಾನಕ್ಕೆ ಪೈಪೋಟಿ ಏರ್ಪಟ್ಟಿದೆ.

ಇದನ್ನೂ ಓದಿ: ಕರ್ನಾಟಕದ ಮನೀಷ್ ಪಾಂಡೆ ಲಂಕಾ ಪ್ರವಾಸಕ್ಕೆ ನಾಯಕನಾಗಬೇಕಿತ್ತು ಎಂದ ಭಾರತ ತಂಡದ ಮಾಜಿ ವೇಗಿ

ಜೂನ್​ 18 ರಿಂದ 22 ರವರೆಗೆ ಸೌಥಾಂಪ್ಟನ್​ನಲ್ಲಿ ಚೊಚ್ಚಲ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ ಫೈನಲ್​ ಪಂದ್ಯ ನಡೆದರೆ, ಆಗಸ್ಟ್​ 4 ರಿಂದ ಇಂಗ್ಲೆಂಡ್​ ಎದುರು 5 ಪಂದ್ಯಗಳ ಟೆಸ್ಟ್​ ಸರಣಿ ನಡೆಯಲಿದೆ.