ಬಯೋಬಬಲ್ಗೆ ಕರೊನಾ ಪ್ರವೇಶಿಸುವ ಮುನ್ನವೇ ಐಪಿಎಲ್ ಟೂರ್ನಿಯನ್ನು ಸ್ಥಗಿತಗೊಳಿಸಬೇಕಾಗಿತ್ತು ಎಂಬ ಅಭಿಪ್ರಾಯವನ್ನು ಒಪ್ಪದ ಗಂಗೂಲಿ, ಹೇಳುವವರು ಏನು ಬೇಕಾದರೂ ಹೇಳಬಹುದು. ಮುಂಬೈ, ಚೆನ್ನೈನಲ್ಲಿ ಐಪಿಎಲ್ ಪಂದ್ಯಗಳು ನಡೆದಾಗ ಯಾವುದೇ ಪ್ರಕರಣಗಳು ಬರಲಿಲ್ಲ. ದೆಹಲಿ, ಅಹಮದಾಬಾದ್ನಲ್ಲಿ ಪಂದ್ಯಗಳು ನಡೆದಾಗ ಪ್ರಕರಣಗಳು ದಾಖಲಾದವು. ಇಂಗ್ಲಿಷ್ ಪ್ರೀಮಿಯರ್ ಲೀಗ್ ಪಂದ್ಯಗಳು ಕರೊನಾ ಅಬ್ಬರದ ನಡುವೆಯೇ ನಡೆದಿವೆ. ಅಲ್ಲಿ ಕೆಲವೊಂದು ಪಂದ್ಯಗಳೂ ಮರುನಿಗದಿಯಾಗಿವೆ. ಅದು 6 ತಿಂಗಳ ಕಾಲ ನಡೆಯುವ ಟೂರ್ನಿ. ಆದರೆ ಐಪಿಎಲ್ನಲ್ಲಿ ಆ ರೀತಿ ವೇಳಾಪಟ್ಟಿ ಬದಲಾವಣೆ ಮಾಡಲು ಸಾಧ್ಯವಿಲ್ಲ. ಬಯೋಬಬಲ್ನಲ್ಲಿ ಯಾವುದೇ ಪ್ರಕರಣಗಳು ಬರದಿದ್ದರೆ, ಈಗಲೂ ಐಪಿಎಲ್ ನಡೆಯುತ್ತಿತ್ತು. ಕ್ರೀಡಾಂಗಣಕ್ಕೆ ಪ್ರೇಕ್ಷಕರ ಪ್ರವೇಶ ಇರದಿದ್ದ ಕಾರಣ ಆಟಗಾರರಿಗೆ ಭೀತಿ ಇರಲಿಲ್ಲ. ಆದರೆ ಆಟಗಾರರಿಗೇ ಕರೊನಾ ಸೋಂಕು ಬಂದ ಬಳಿಕ ಟೂರ್ನಿಯನ್ನು ನಿಲ್ಲಿಸಲೇಬೇಕಾಯಿತು ಎಂದು ಹೇಳಿದ್ದಾರೆ.
