ರಾಷ್ಟ್ರೀಯ ಕ್ರಿಕೆಟ್​ ಆಯ್ಕೆ ಸಮಿತಿಯಿಂದ ಪ್ರಾದೇಶಿಕ ತಾರತಮ್ಯ; ಎಸ್​. ಬದ್ರಿನಾಥ್​ ಆರೋಪ

ಚೆನ್ನೈ: ಭಾರತ ತಂಡಕ್ಕೆ ಆಟಗಾರರ ಆಯ್ಕೆ ವಿಚಾರದಲ್ಲಿ ರಾಷ್ಟ್ರೀಯ ಕ್ರಿಕೆಟ್​ ಆಯ್ಕೆ ಸಮಿತಿ ಪ್ರಾದೇಶಿಕ ತಾರತಮ್ಯ ಮಾಡುತ್ತಿದೆ ಎಂದು ಮಾಜಿ ಕ್ರಿಕೆಟಿಗ ಎಸ್​. ಬದ್ರಿನಾಥ್​ ಆರೋಪಿಸಿದ್ದಾರೆ. ಶುಭಮಾನ್​ ಗಿಲ್​ ಸತತ ವೈಫಲ್ಯ ಕಾಣುತ್ತಿದ್ದರೂ ಅವರಿಗೆ ಸುದೀರ್ ಅವಕಾಶವನ್ನು ನೀಡಲಾಗುತ್ತಿದೆ. ಅವರೇನಾದರೂ ತಮಿಳುನಾಡಿನ ಆಟಗಾರರಾಗಿದ್ದರೆ ಈಗಾಗಲೆ ತಂಡದಿಂದ ಹೊರಬಿದ್ದಿರುತ್ತಿದ್ದರು ಎಂದು ಬದ್ರಿನಾಥ್​ ದೂರಿದ್ದಾರೆ.

ಗಿಲ್​ ಕಳೆದ ಬಾರ್ಡರ್​&ಗಾವಸ್ಕರ್​ ಟ್ರೋಫಿಯಲ್ಲಿ 18.60ರ ಸರಾಸರಿಯಲ್ಲಿ ಕೇವಲ 93 ರನ್​ ಗಳಿಸಿದ್ದರು. "ಒಂದು ವೇಳೆ ರನ್​ ಗಳಿಸದಿದ್ದರೆ, ಬೌಲರ್​ಗಳನ್ನು ಸತಾಯಿಸಿ ಚೆಂಡನ್ನು ಹಳೆಯದಾಗಿಸುವ ಪ್ರಯತ್ನವನ್ನಾದರೂ ಮಾಡಬೇಕು. ಇದು ತಂಡದ ಇತರ ಆಟಗಾರರಿಗಾದರೂ ರನ್​ ಗಳಿಸಲು ನೆರವಾಗುತ್ತದೆ. ಇದೂ ತಂಡಕ್ಕೆ ಉತ್ತಮ ಕೊಡುಗೆಯೇ ಆಗುತ್ತದೆ. ಲಬುಶೇನ್​, ಮೆಕ್​ಸ್ವೀನ್​ ಆಸೀಸ್​ ಪರ ಇಂಥದ್ದೇ ಕೆಲಸ ಮಾಡಿದರು. ಹೆಚ್ಚಿನ ಡಾಟ್​ಬಾಲ್​ ಆಡುವ ಮೂಲಕ ಅವರು ಬುಮ್ರಾ ಗಾಯಗೊಳ್ಳುವಂತೆ ಮಾಡಿದರು. ಗಿಲ್​ ಇಂಥದ್ದೇ ಕೆಲಸ ಮಾಡಬೇಕಾಗಿತ್ತು' ಎಂದು ಬದ್ರಿನಾಥ್​ ವಿವರಿಸಿದ್ದಾರೆ.

ಕಳೆದ ವರ್ಷಾರಂಭದಿಂದ ವಿದೇಶದಲ್ಲಿ ಆಡಿರುವ 7 ಟೆಸ್ಟ್​ಗಳಲ್ಲಿ ಒಂದೂ ಶತಕ ಅಥವಾ ಅರ್ಧಶತಕ ಬಾರಿಸಿಲ್ಲ ಮತ್ತು ಕೇವಲ 139 ರನ್​ ಗಳಿಸಿದ್ದಾರೆ.

https://www.vijayavani.net/gavaskar-upset-about-not-being-invited-to-the-trophy-distribution-cricket-australias-explanation-is-as-follows