ನವದೆಹಲಿ: 2008ರಿಂದ ಒಂದು ಬಾರಿಯೂ ಕಪ್ ಗೆಲ್ಲದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಡೆಗೆ, ಟೀಮ್ ಇಂಡಿಯಾದ ಶ್ರೇಷ್ಠ, ದಿಗ್ಗಜ ಆಟಗಾರ, 'ರನ್ ಮಷಿನ್' ಅವರ ಕೊಡುಗೆ ಅಪಾರ. ನಾಯಕನಾಗಿ ತಂಡವನ್ನು ಮುನ್ನಡೆಸಿರುವ ಕೊಹ್ಲಿ, ಇದೀಗ ಇತರರ ನಾಯಕತ್ವದಡಿ ತಂಡದಲ್ಲಿ ಆಡುವುದರ ಜತೆಗೆ ಉತ್ತಮ ಪ್ರದರ್ಶನ ನೀಡುವಲ್ಲಿ ಮುಂಚೂಣಿಯಲ್ಲಿದ್ದಾರೆ. ಕಳೆದ ಐಪಿಎಲ್ ಆವೃತ್ತಿಯಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದ ವಿರಾಟ್, ಅತ್ಯಧಿಕ ರನ್ಗಳನ್ನು ಕಲೆಹಾಕುವ ಮುಖೇನ ಆರೆಂಜ್ ಕ್ಯಾಪ್ ಗಿಟ್ಟಿಸಿಕೊಂಡರು. ಒಂದೆಡೆ ತಾವು ರನ್ಮಷಿನ್ ಎಂಬುದನ್ನು ಈಗಾಗಲೇ ಸಾಬೀತುಪಡಿಸಿರುವ ಕೊಹ್ಲಿಗೆ, ಉತ್ತಮ ಜತೆಯಾಟ ಸಿಗುತ್ತಿಲ್ಲ. ಈ ಸಮಸ್ಯೆ 17ನೇ ಆವೃತ್ತಿಯಲ್ಲಿ ಸ್ಪಷ್ಟವಾಗಿ ಕಾಣಿಸಿತು.
