RCB ನನ್ನ ಕನಸು... ಚಾಂಪಿಯನ್ಸ್​ ತಂಡಕ್ಕೆ ಭಾವುಕ ಸಂದೇಶ ರವಾನಿಸಿದ ವಿಜಯ್​​ಮಲ್ಯ

RCB : ರಾಯಲ್​​ ಚಾಲೆಂಜರ್ಸ್​​ ಬೆಂಗಳೂರು ತಂಡ 18 ವರ್ಷಗಳ ಬಳಿಕ IPL 2025ರ ಟ್ರೋಫಿಗೆ ಮುತ್ತಿಟ್ಟಿದೆ. ಈ ಮೂಲಕ ಅಭಿಮಾನಿಗಳ ಸಂಭ್ರಮ ಇಮ್ಮಡಿಸಿದೆ. ಇದೀಗ ತಂಡದ ಗೆಲುವು ಅನ್ನು ಸಂಭ್ರಮಿಸಿದ RCBಯ ಮಾಜಿ ಮಾಲೀಕ ವಿಜಯ್​ಮಲ್ಯ ಭಾವುಕ ಪೋಸ್ಟ್​​ವೊಂದನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:IPL 2025 | ರೋಚಕ ಗೆಲುವು: ಮುಗಿಲು ಮುಟ್ಟಿದ RCB ಅಭಿಮಾನಿಗಳ ಸಂಭ್ರಮ

"ನಾನು ಆರ್‌ಸಿಬಿಯನ್ನು ಸ್ಥಾಪಿಸಿದಾಗ, ಐಪಿಎಲ್ ಟ್ರೋಫಿ ಒಂದು ದಿನ ಬೆಂಗಳೂರಿಗೆ ಬರಬೇಕು ಎಂಬುದು ನನ್ನ ಕನಸಾಗಿತ್ತು" ಎಂದು ಮಲ್ಯ ಎಕ್ಸ್‌ನಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ. "ಯುವಕನಾಗಿದ್ದ ಕ್ರಿಕೆಟ್​​ ದಂತಕಥೆಯ ಕಿಂಗ್ ಕೊಹ್ಲಿಯನ್ನು ಆಯ್ಕೆ ಮಾಡುವ ಸೌಭಾಗ್ಯ ನನಗೆ ಸಿಕ್ಕಿತ್ತು, ಮತ್ತು ಅವರು 18 ವರ್ಷಗಳ ಕಾಲ ಆರ್‌ಸಿಬಿಯೊಂದಿಗೆ ಇದ್ದರು ಎಂಬುದು ಗಮನಾರ್ಹ." ಎಂದಿದ್ದಾರೆ.

2008 ರಲ್ಲಿ ನಡೆದ ಉದ್ಘಾಟನಾ ಐಪಿಎಲ್ ಫ್ರಾಂಚೈಸಿ ಹರಾಜಿನಲ್ಲಿ ಮಲ್ಯ 111.6 ಮಿಲಿಯನ್ ಡಾಲರ್‌ಗೆ ಖರೀದಿಸಿದ ಆರ್‌ಸಿಬಿ, ಆ ವರ್ಷದ ಜನವರಿಯಲ್ಲಿ ನಡೆದ ಮೊದಲ ಆಟಗಾರರ ಹರಾಜಿನಲ್ಲಿ ಕೊಹ್ಲಿಯನ್ನು ಆಯ್ಕೆ ಮಾಡಿತು. ಅಂದಿನಿಂದ ಕೊಹ್ಲಿ ಬೆಂಗಳೂರು ಮೂಲದ ಫ್ರಾಂಚೈಸಿಗಾಗಿ ಮಾತ್ರ ಆಡುತ್ತಿದ್ದಾರೆ.

ಇದನ್ನೂ ಓದಿ:ಆರ್​ಸಿಬಿ ವಿಜಯೋತ್ಸವ ಮೆರವಣಿಗೆ: ಸಿಎಂ ಸನ್ಮಾನ ಸೇರಿದಂತೆ ಏನೆಲ್ಲ ನಡೆಯಲಿದೆ? ಇಲ್ಲಿದೆ ಮಾಹಿತಿ…. RCB

ಮತ್ತೊಂದು ಪೋಸ್ಟ್​​ನಲ್ಲಿ "ಯೂನಿವರ್ಸ್ ಬಾಸ್ ಕ್ರಿಸ್ ಗೇಲ್ ಮತ್ತು ಮಿಸ್ಟರ್ 360 ಎಬಿ ಡಿವಿಲಿಯರ್ಸ್ ಅವರನ್ನು ಆರ್‌ಸಿಬಿಯ ಪರಂಪರೆಯ ಅಳಿಸಲಾಗದ ಭಾಗವಾಗಿ ಸಹಿ ಮಾಡುವ ಗೌರವವೂ ನನಗೆ ಸಿಕ್ಕಿದೆ" ಎಂದು ಮಲ್ಯ ಬರೆದುಕೊಂಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/rcb-victory-parade-what-will-happen-today-including-the-cm-felicitation-here-is-the-information