ಪಾಕಿಸ್ತಾನದ ಅನುಭವಿ ಆಟಗಾರ ಐಸಾಮ್ ಉಲ್ ಹಕ್ ಖುರೇಷಿ ವಿರುದ್ಧ ನಡೆದ ಶನಿವಾರದ ಮೊದಲ ಸಿಂಗಲ್ಸ್ ಪಂದ್ಯದಲ್ಲಿ ರಾಮ್ಕುಮಾರ್ ಕಠಿಣ ಪ್ರತಿರೋಧ ಎದುರಿಸಿದರು. ರಾಮ್ಕುಮಾರ್ ಮೊದಲ ಸೆಟ್ ಸೋತಾಗ ಭಾರತಕ್ಕೆ ಆಘಾತ ಎದುರಾಗುವ ಭೀತಿಯೂ ಹುಟ್ಟಿತ್ತು. ಆದರೆ 2ನೇ ಸೆಟ್ನಲ್ಲಿ ದಿಟ್ಟ ತಿರುಗೇಟು ನೀಡಿದ ರಾಮ್ಕುಮಾರ್ ನಿರ್ಣಾಯಕ ಸೆಟ್ನಲ್ಲಿ ಸುಲಭವಾಗಿ ಗೆಲ್ಲುವುದರೊಂದಿಗೆ ಭಾರತಕ್ಕೆ ಆರಂಭಿಕ ಮುನ್ನಡೆ ತಂದುಕೊಟ್ಟರು. ಇಸ್ಲಾಮಾಬಾದ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನ ಗ್ರಾಸ್ ಕೋರ್ಟ್ನಲ್ಲಿ ಕಾದಾಟದಲ್ಲಿ 43 ವರ್ಷದ ಐಸಾಮ್ ಎದುರು ರಾಮ್ಕುಮಾರ್ 6-7, 7-6, 6-0ಯಿಂದ ಗೆಲುವು ಸಾಧಿಸಿದರು. 10 ಡಬಲ್ ಫಾಲ್ಟ್ಗಳು ಐಸಾಮ್ಗೆ ದುಬಾರಿಯಾದವು. ಮತ್ತೊಂದೆಡೆ ರಾಮ್ಕುಮಾರ್ ಬಲಿಷ್ಠ ಸರ್ವ್ ಮೂಲಕ ಮೇಲುಗೈ ಸಾಧಿಸಿದರು.
