ಇಂದು ಗುಜರಾತ್ ಟೈಟಾನ್ಸ್​​ಗೆ ರಾಜಸ್ಥಾನ ರಾಯಲ್ಸ್​​​ ಸವಾಲು; ಸೋಲಿನ ಸರಪಳಿ ಮುರಿಯುವ ಹಂಬಲದಲ್ಲಿ ರಾಯಲ್ಸ್​

ಜೈಪುರ: ಗೆಲುವಿನ ಸಿಕ್ಸರ್​ ಸಿಡಿಸಿ ಬೀಗುತ್ತಿರುವ ಗುಜರಾತ್​ ಟೈಟಾನ್ಸ್​ ಮತ್ತು ಸತತ 5 ಸೋಲಿನಿಂದ ಕಂಗೆಟ್ಟಿರುವ ರಾಜಸ್ಥಾನ ರಾಯಲ್ಸ್​ ತಂಡಗಳು ಐಪಿಎಲ್​ 18ನೇ ಆವೃತ್ತಿಯಲ್ಲಿ ಸೋಮವಾರ ಮುಖಾಮುಖಿ ಆಗಲಿವೆ. ತವರಿನ ಸವಾಯಿ ಮಾನ್​ಸಿಂಗ್​ ಸ್ಟೇಡಿಯಂನಲ್ಲಿ ಸೋಲಿನ ಸರಪಳಿ ಮುರಿಯುವ ಹಂಬಲ ರಾಜಸ್ಥಾನ ತಂಡದ್ದಾಗಿದೆ. ಆದರೆ ಭರ್ಜರಿ ಲಯದಲ್ಲಿರುವ ಗುಜರಾತ್​ ಎದುರು ಕಠಿಣ ಸತ್ವಪರೀೆ ಎದುರಾಗುವ ನಿರೀಕ್ಷೆ ಇದೆ.

ಶುಭಮಾನ್​ ಗಿಲ್​ ಪಡೆ ಇದುವರೆಗೆ ಆಡಿರುವ 8 ಪಂದ್ಯಗಳಲ್ಲಿ 6ರಲ್ಲಿ ಗೆದ್ದು, 2ರಲ್ಲಿ ಸೋತಿದ್ದು, ಇನ್ನೊಂದು ಪಂದ್ಯ ಗೆದ್ದರೆ ಪ್ಲೇಆ್​ಗೆ ಸನಿಹವಾಗಲಿದೆ. ಮತ್ತೊಂದೆಡೆ ರಾಜಸ್ಥಾನ ತಂಡ ಇದುವರೆಗೆ ಆಡಿರುವ 9 ಪಂದ್ಯಗಳಲ್ಲಿ 2ರಲ್ಲಷ್ಟೇ ಗೆದ್ದು, 7 ಸೋಲಿನೊಂದಿಗೆ ಅಂಕಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದೆ. ರಾಜಸ್ಥಾನ ಈ ಪಂದ್ಯವನ್ನು ಸೋತರೆ ಪ್ಲೇಆ್​ ರೇಸ್​ನಿಂದ ಅಧಿಕೃತವಾಗಿ ಹೊರಬೀಳಲಿದೆ.

ಟೈಟಾನ್ಸ್​ಗೆ ಆಲ್ರೌಂಡ್​ ಶಕ್ತಿ

ಆರೆಂಜ್​ ಕ್ಯಾಪ್​ ರೇಸ್​ನಲ್ಲಿರುವ ಸಾಯಿ ಸುದರ್ಶನ್​ (417 ರನ್​) ಮತ್ತು ಪರ್ಪಲ್​ ಕ್ಯಾಪ್​ ರೇಸ್​ನಲ್ಲಿರುವ ಕನ್ನಡಿಗ ಪ್ರಸಿದ್ಧ ಕೃಷ್ಣ (16 ವಿಕೆಟ್​) ಗುಜರಾತ್​ಗೆ ಸರ್ವಾಂಗೀಣ ಶಕ್ತಿ ತುಂಬಿದ್ದಾರೆ. ಇವರಿಗೆ ಜೋಸ್​ ಬಟ್ಲರ್​ (356), ಶುಭಮಾನ್​ ಗಿಲ್​ (305) ಮತ್ತು ಬೌಲಿಂಗ್​ನಲ್ಲಿ ಸಾಯಿ ಕಿಶೋರ್​ (12) ಮತ್ತು ಮೊಹಮದ್​ ಸಿರಾಜ್​ (12) ಸಮರ್ಥ ಬೆಂಬಲ ಒದಗಿಸಿದ್ದಾರೆ. ದಣ ಆಫ್ರಿಕಾದ ವೇಗಿ ಕಗಿಸೊ ರಬಾಡ ವೈಯಕ್ತಿಕ ಕಾರಣದಿಂದಾಗಿ ಟೂರ್ನಿಯ ನಡುವೆ ತವರಿಗೆ ಮರಳಿದ್ದರೂ ಟೈಟಾನ್ಸ್​ಗೆ ಹೆಚ್ಚಿನ ಹಿನ್ನಡೆ ಎದುರಾಗಿಲ್ಲ. ಗಾಯದಿಂದ ಗುಣಮುಖರಾಗಿ ಮರಳಿದ ಬಳಿಕ ಪ್ರಸಿದ್ಧ ಕೃಷ್ಣ ಟಿ20 ಕ್ರಿಕೆಟ್​ ಪ್ರಕಾರದಲ್ಲಿ ಭಿನ್ನ ಬೌಲರ್​ ಆಗಿ ವಿಕೆಟ್​ ಬೇಟೆಯಾಡುತ್ತಿದ್ದಾರೆ. ಅನುಭವಿ ಸ್ಪಿನ್ನರ್​ ರಶೀದ್​ ಖಾನ್​ ಇನ್ನಷ್ಟು ಪರಿಣಾಮಕಾರಿ ಎನಿಸಿದರೆ ಟೈಟಾನ್ಸ್​ಗೆ ಇನ್ನಷ್ಟು ಬಲ ಸಿಗಲಿದೆ.

ಗೆಲುವಿನ ಬರ ನೀಗಿಸುವುದೇ ಆರ್​ಆರ್​?

ರಾಜಸ್ಥಾನ ತಂಡ ಟೂರ್ನಿಯಲ್ಲಿ ಗೆಲುವು ಸಾಧಿಸಿ 25 ದಿನಗಳೇ ಕಳೆದುಹೋಗಿವೆ. ಏಪ್ರಿಲ್​ 5ರಂದು ಪಂಜಾಬ್​ ಎದುರು ಕೊನೆಯದಾಗಿ ರಾಜಸ್ಥಾನ ಗೆದ್ದಿತ್ತು. ನಂತರದಲ್ಲಿ ಗುಜರಾತ್​, ಡೆಲ್ಲಿ, ಲಖನೌ, ಆರ್​ಸಿಬಿ (2 ಬಾರಿ) ಎದುರು ಪರಾಭವಗೊಂಡಿದೆ. ಗುಜರಾತ್​ ವಿರುದ್ಧ ಅಹಮದಾಬಾದ್​ನಲ್ಲಿ ನಡೆದ ಕಳೆದ ಮುಖಾಮುಖಿಯಲ್ಲಿ 58 ರನ್​ಗಳಿಂದ ಹೀನಾಯವಾಗಿ ಸೋತಿದ್ದ ರಾಜಸ್ಥಾನ ಈ ಬಾರಿ ಸೇಡು ತೀರಿಸಿಕೊಳ್ಳುವ ಅವಕಾಶವನ್ನೂ ಹೊಂದಿದೆ. ಗೆಲ್ಲಬಹುದಾಗಿದ್ದ ಕಳೆದ 3 ಪಂದ್ಯಗಳನ್ನು ಸೂಪರ್​ ಓವರ್​ನಲ್ಲಿ, 2 ಮತ್ತು 11 ರನ್​ಗಳಿಂದ ಸೋತಿರುವ ರಾಜಸ್ಥಾನ ಈಗ ಟೂರ್ನಿ "ಚೋಕರ್ಸ್​' ಎನಿಸಿದೆ. ಯಶಸ್ವಿ ಜೈಸ್ವಾಲ್​, ರಿಯಾನ್​ ಪರಾಗ್​, ನಿತೀಶ್​ ರಾಣಾ, ಧ್ರುವ ಜುರೆಲ್​ ಉತ್ತಮ ಲಯದಲ್ಲಿದ್ದಾರೆ. ಆದರೆ ಫಿನಿಶರ್​ ಕೊರತೆ ಕಾಡುತ್ತಿದೆ. ಬೌಲಿಂಗ್​ ವಿಭಾಗದ ಅಸ್ಥಿರ ನಿರ್ವಹಣೆಯೂ ಹಿನ್ನಡೆ ತಂದಿದೆ.

*ಮುಖಾಮುಖಿ: 7

ರಾಜಸ್ಥಾನ: 1

ಗುಜರಾತ್​: 6

ಆರಂಭ: ರಾತ್ರಿ 7.30

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​, ಜಿಯೋ ಹಾಟ್​ಸ್ಟಾರ್​

*37: ಯಶಸ್ವಿ ಜೈಸ್ವಾಲ್​ ಇನ್ನು 37 ರನ್​ ಗಳಿಸಿದರೆ ಐಪಿಎಲ್​ನಲ್ಲಿ 2 ಸಾವಿರ ರನ್​ ಪೂರೈಸಲಿದ್ದಾರೆ.

*3: ಪ್ರಸಿದ್ಧ ಕೃಷ್ಣ ಇನ್ನು 3 ವಿಕೆಟ್​ ಗಳಿಸಿದರೆ ಟಿ20 ಕ್ರಿಕೆಟ್​ನಲ್ಲಿ 100 ವಿಕೆಟ್​ ಪೂರೈಸಲಿದ್ದಾರೆ.

https://www.vijayavani.net/there-was-a-blunder-in-the-auction-itself-csk-coach-stephen-fleming-admits