ಒಂದೇ ಒಂದು ಚಮಕ್​ನಿಂದ 'ಉಗ್ರಂ' ಆದ ರಾಹುಲ್ ದ್ರಾವಿಡ್: ಸಕತ್ ನಗು ತರಿಸುತ್ತವೆ ಕನ್ನಡ ಮಿಮ್ಸ್

ಬೆಂಗಳೂರು: ಮಾಜಿ ಕ್ರಿಕೆಟಿಗ ರಾಹುಲ್ ದ್ರಾವಿಡ್ ಅವರ ಇಂದಿರಾ ನಗರ ಕಾ ಗೂಂಡಾ ಜಾಹೀರಾತು ಜಾಲತಾಣಗಳಲ್ಲಿ ಸಕತ್ ಸದ್ದು ಮಾಡಿತ್ತು. ಇದೀಗ ಇದನ್ನೇ ನೆಟ್ಟಿಗರು, ಟ್ರೋಲಿಗರು ಸಕತ್ ಆಗಿ ಎಂಜಾಯ್ ಮಾಡುತ್ತಿದ್ದಾರೆ. ರಾಹುಲ್ ದ್ರಾವಿಡ್ ಹೆಸರಲ್ಲಿ ಚಿತ್ರ ವಿಚಿತ್ರ ಮಿಮ್ಸ್​ ಹರಿಬಿಡುತ್ತಿದ್ದಾರೆ.

ರಾಹುಲ್ ದ್ರಾವಿಡ್ ಅವರನ್ನು ಕನ್ನಡದ ಚಿತ್ರಗಳಿಗೆ ಹೋಲಿಸಿ ಮೆಮ್ಸ್​ನ್ನು ಹಾಕಿರುವುದು ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಕನ್ನಡದ ಉಗ್ರಂ, ರೌಡಿ ಅಳಿಯ, ಕೋಟಿಗೊಬ್ಬ, ದಾರಿ ತಪ್ಪಿದ ಮಗ ಎಂಬ ಸಿನಿಮಾಗಳಿಗೆ ಹೋಲಿಸಿ ಟ್ರೋಲ್ ಮಾಡಿದ್ದಾರೆ. ನಮ್ಮ ರಾಹುಲ್ ದ್ರಾವಿಡ್ ಅವರಿಗೆ ಕನ್ನಡದ ಯಾವ ಸಿನಿಮಾಗಳು ಹೊಂದುತ್ತವೆ ನೋಡಿ ಎಂದು ಹಾಕಿಕೊಂಡಿದ್ದಾರೆ.

ಭಾರತ ಕಂಡ ಅಪರೂಪದ ಕ್ರಿಕೆಟ್ ತಾರೆಗಳಲ್ಲಿ ಒಬ್ಬರು ರಾಹುಲ್​ ದ್ರಾವಿಡ್​. ಟೆಸ್ಟ್ ಪಂದ್ಯಗಳಲ್ಲಿ 10 ಸಾವಿರಕ್ಕೂ ಅಧಿಕ ರನ್ನುಗಳನ್ನು ಗಳಿಸುವ ಮೂಲಕ ಸಚಿನ್ ತೆಂಡೂಲ್ಕರ್ ಮತ್ತು ಸುನಿಲ್ ಗವಾಸ್ಕರ್ ನಂತರ ಮೂರನೇಯ ಭಾರತೀಯ ಎಂಬ ಹೆಗ್ಗಳಿಕೆ ಇವರದ್ದು.

ಜಾಹೀರಾತು ಒಂದರಲ್ಲಿ ಕನ್ನಡದಿಂದ ಇವರು ಮಾತನಾಡಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್​ ಆಗಿದೆ. ಈ ವಿಡಿಯೋ ಅನ್ನು ವಿರಾಟ್​ ಕೊಹ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಅವರು ಇದನ್ನು ಶೇರ್​ ಮಾಡಿಕೊಳ್ಳಲು ಕಾರಣ, ಅತ್ಯಂತ ಮೃದು ಸ್ವಭಾವದವರು ಎನಿಸಿಕೊಂಡಿರುವ ರಾಹುಲ್​ ದ್ರಾವಿಡ್​ಗೆ ಅತ್ಯಂತ ಕೋಪದಿಂದ ಇದರಲ್ಲಿ ಮಾತನಾಡಿದ್ದಾರೆ. ರಾಹುಲ್​ ಅವರ ಇಂಥ ರೂಪ ನಾವು ನೋಡೇ ಇರಲಿಲ್ಲ ಎಂದು ಕೊಹ್ಲಿ ತಮಾಷೆಯಾಗಿ ಕ್ಯಾಪ್ಷನ್​ ಹಾಕಿದ್ದಾರೆ.

ಈ ವಿಡಿಯೋದಲ್ಲಿ ಟ್ರಾಫಿಕ್​ ಜಾಮ್​ನಲ್ಲಿ ಸಿಲುಕಿರುವ ರಾಹುಲ್​ ಮಹಿಳೆ ಸೇರಿದಂತೆ ಅನೇಕ ಮಂದಿಗೆ ಸಿಟ್ಟಿನಿಂದ ಬೈಯುವುದನ್ನು ಕಾಣಬಹುದು. ಬ್ಯಾಟ್​ನಿಂದ ಕಾರಿನ ಗಾಜನ್ನು ಒಡೆಯುತ್ತಿರುವ ಅವರು, ಒಮ್ಮೆ ಕನ್ನಡದಿಂದ ಒಡೆದ್ಹಾ​ಕ್​ಬಿಡ್ತೀನಿ ಎಂದು ಆಕ್ರೋಶದಿಂದ ಹೇಳಿದ್ದಾರೆ.

ಅಸಲಿಗೆ ಇದೇನೂ ನಿಜವಾದ ವಿಡಿಯೋ ಅಲ್ಲ. ಬದಲಿಗೆ ಜಾಹೀರಾತಿಗೆ ಪೂರಕವಾಗಿ ಇಂಥದ್ದೊಂದು ವಿಡಿಯೋ ಮಾಡಲಾಗಿದೆ. ಮೃದು ಸ್ವಭಾವದ ದ್ರಾವಿಡ್​ ಅವರಿಗೂ ಸಿಟ್ಟುಬರುತ್ತದೆ ಎಂದು ಜಾಹೀರಾತನ್ನು ಹೋಲಿಕೆ ಮಾಡಲು ಇದನ್ನು ಬಳಸಲಾಗಿದೆ. ಆದರೆ ಕನ್ನಡಿಗರು ಮಾತ್ರ ಇಂಥ ದೊಡ್ಡ ಸ್ಟಾರ್​ ಬಾಯಲ್ಲಿ ಕನ್ನಡ ಬಂದದ್ದನ್ನು ಕೇಳಿ ಖುಷಿಯಿಂದ ಶೇರ್​ ಮಾಡಿಕೊಳ್ಳುತ್ತಿದ್ದಾರೆ.

https://www.vijayavani.net/s-rahul-dravid-in-kannada/