ಭಾವಿ ಅಳಿಯ ಶಾಹೀನ್​ ಅಫ್ರಿದಿ ವಿರುದ್ಧ ಅಸಮಾಧಾನ ಹೊರಹಾಕಿದ ಶಾಹೀದ್​ ಅಫ್ರಿದಿ!

ಇಸ್ಲಮಾಬಾದ್​: ಆಸ್ಟ್ರೇಲಿಯಾ ವಿರುದ್ಧ ಸೋತು ಟಿ20 ವಿಶ್ವಕಪ್​ನಿಂದ ಪಾಕಿಸ್ತಾನ ಹೊರಬಿದ್ದಿದೆ. ಇದರ ಬೆನ್ನಲ್ಲೇ ಪಾಕ್​ ತಂಡದ ಮಾಜಿ ಆಲ್​ರೌಂಡರ್​ ಆಟಗಾರ ಶಾಹೀದ್​ ಅಫ್ರಿದಿ, ತಮ್ಮ ಭಾವಿ ಅಳಿಯ ಹಾಗೂ ಪಾಕ್​ ವೇಗಿ ಶಾಹೀನ್​ ಅಫ್ರಿದಿ ಬಗ್ಗೆ ಅಸಮಾಧಾನ ಹೊರಹಾಕಿದ್ದಾರೆ.

ಆಸಿಸ್​ ವಿರುದ್ಧ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಪಾಕ್​ ಗೆಲುವಿನ ಹೊಸ್ತಿಲಲ್ಲಿ ಪಂದ್ಯವನ್ನು ಕೈಚೆಲ್ಲಿತು. 19ನೇ ಓವರ್​ನಲ್ಲಿ ಶಾಹೀನ್​ ಮೂರು ಸಿಕ್ಸರ್ ಹೊಡೆಸಿಕೊಂಡರು. ಈ ಬಗ್ಗೆ ಸ್ಥಳೀಯ ಮಾಧ್ಯಮವೊಂದರಲ್ಲಿ ಮಾತನಾಡಿರುವ ಶಾಹೀದ್​ ಅಫ್ರಿದಿ ಮಹತ್ವದ ಘಟ್ಟದಲ್ಲಿ ಬೌಲಿಂಗ್​ ಮಾಡುವಾಗ ಸೂಕ್ಷ್ಮತೆ ಅರಿತು ಬೌಲಿಂಗ್​ ಮಾಡಬೇಕು ಎಂದು ಹೇಳಿದ್ದಾರೆ. ಹಸನ್​ ಅಲಿ ಕ್ಯಾಚ್​ ಬಿಟ್ಟ ಬಳಿಕ ಶಾಹೀನ್​ ಎಚ್ಚರಿಕೆಯಿಂದ ಬೌಲಿಂಗ್​ ಮಾಡಬೇಕಿತ್ತು ಎಂದಿದ್ದಾರೆ.

ಹಸನ್​ ಅಲಿ ಕ್ಯಾಚ್​ ಬಿಟ್ಟ ಮಾತ್ರಕ್ಕೆ ಅಷ್ಟು ಕೆಟ್ಟದಾಗಿ ಶಾಹೀನ್​ ಬೌಲಿಂಗ್​ ಮಾಡಬಾರದಿತ್ತು. ಮ್ಯಾಥೀವ್​ ವೇಡ್​ಗೆ ನೇರವಾಗಿ ಬೌಲ್​ ಮಾಡುವ ಬದಲಾಗಿ ಔಟ್​ಸೈಡ್​ ಸ್ಟಂಪ್​ಗೆ ಯಾರ್ಕರ್​ ಎಸೆಯಬೇಕಾಗಿತ್ತು. ಬೌಲ್​ ಮಾಡುವ ಮುನ್ನ ಸ್ವಲ್ಪ ಯೋಚಿಸಬೇಕಿತ್ತು ಎಂದು ಹೇಳಿದರು.

ಶಾಹೀನ್​ ಅದ್ಭುತ ಆಟಗಾರ ಎಂಬುದರಲ್ಲಿ ಸಂಶಯವಿಲ್ಲ. ವಾಸಿಂ ಅಕ್ರಮ್​ ಅಥವಾ ಮೊಹಮ್ಮದ್ ಅಮೀರ್ ಹೊಸ ಚೆಂಡಿನೊಂದಿಗೆ ಈ ರೀತಿ ಬೌಲ್ ಮಾಡುವುದನ್ನು ಮಾತ್ರ ನೋಡಿದ್ದೇನೆ. ಶಾಹೀನ್​, ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಕ್ರಿಕೆಟ್ ಅನುಭವದಿಂದ ಕಲಿಯುತ್ತಾರೆ ಮತ್ತು ಭವಿಷ್ಯಕ್ಕಾಗಿ ತಮ್ಮನ್ನು ತಾವು ಸಿದ್ಧಪಡಿಸಿಕೊಳ್ಳುತ್ತಾರೆ ಎಂದು ನಾನು ಭಾವಿಸುತ್ತೇನೆಂದು ಅಫ್ರಿದಿ ತಿಳಿಸಿದರು.

ಮುಂದಿನ ವರ್ಷ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್​ ಪಂದ್ಯದಲ್ಲಿ ಶಾಹೀನ್​ ಅಫ್ರಿದಿ ಪಾಕಿಸ್ತಾನ ತಂಡದ ಪಾಲಿಗೆ ಮಹತ್ವದ ಆಟಗಾರನಾಗಲಿದ್ದಾರೆಂದು ಅಫ್ರಿದಿ ಭಾವಿ ಅಳಿಯನನ್ನು ಕೊನೆಯಲ್ಲಿ ಕೊಂಡಾಡಿದರು.

ಅಂದಹಾಗೆ ಶಾಹೀದ್​ ಅಫ್ರಿದಿ ಮಗಳು ಅನ್ಸಾ ಅಫ್ರಿದಿಯನ್ನು ಶಾಹೀನ್​ ಅಫ್ರಿದಿ ವರಿಸಲಿದ್ದಾರೆ. (ಏಜೆನ್ಸೀಸ್​)

https://www.vijayavani.net/family-confirms-shahid-afridis-daughter-to-marry-pakistan-fast-bowler-shaheen-shah-afridi/

https://www.vijayavani.net/r-puneeth-rajkumar-ek-love-ya-rachitha-ram-apology-instagram-sandalwood/

https://www.vijayavani.net/r-chicken-good-news-for-meat-lovers/