ಭಾವಿ ಪತಿ ಜತೆಗಿನ ಚಿತ್ರ ಹಂಚಿಕೊಂಡ ಪಿವಿ ಸಿಂಧು! ಐಪಿಎಲ್​ ತಂಡದಲ್ಲೂ ಕಾರ್ಯನಿರ್ವಹಿಸಿದ್ದಾರೆ ಇವರು!

ಹೈದರಾಬಾದ್​: ಡಿಸೆಂಬರ್​ 22ರಂದು ರಾಜಸ್ಥಾನದ ಉದಯಪುರದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗುತ್ತಿರುವ ಬ್ಯಾಡ್ಮಿಂಟನ್​ ತಾರೆ ಪಿವಿ ಸಿಂಧು, ಭಾವಿ ಪತಿ ಜತೆಗಿನ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಹೈದರಾಬಾದ್​ ಉದ್ಯಮಿ ವೆಂಕಟ ದತ್ತ ಸಾಯಿ ಅವರನ್ನು ಸಿಂಧು ವಿವಾಹವಾಗುತ್ತಿದ್ದು, ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಭಾವಿ ಪತಿ ಜತೆಗಿರುವ ಚಿತ್ರವನ್ನು ಮೊದಲ ಬಾರಿಗೆ ಪ್ರಕಟಿಸಿದ್ದಾರೆ.

ಪ್ರಸಕ್ತ ಪೊಸಿಸೆಕ್ಸ್​ ಟೆಕ್ನಾಲಜಿಯಲ್ಲಿ ಕಾರ್ಯಕಾರಿ ನಿರ್ದೇಶಕರಾಗಿರುವ ವೆಂಕಟ ದತ್ತ ಸಾಯಿ ಈ ಮುನ್ನ ಐಪಿಎಲ್​ ತಂಡವೊಂದರ ಜತೆಗೂ ಕಾರ್ಯನಿರ್ವಹಿಸಿದ್ದರು ಎಂಬುದು ವಿಶೇಷ. ಬೆಂಗಳೂರಿನಲ್ಲಿ ಉನ್ನತ ಶಿಕ್ಷಣ ಪಡೆದಿರುವ ವೆಂಕಟದತ್ತ ಈ ಮುನ್ನ ಜೆಎಸ್​ಡಬ್ಲ್ಯು ಸಂಸ್ಥೆ ಜತೆಗೆ ಕಿರು ಅವಧಿಗೆ ಕಾರ್ಯನಿರ್ವಹಿಸಿದ್ದರು. ಜೆಎಸ್​ಡಬ್ಲ್ಯು ಸಂಸ್ಥೆ ಐಪಿಎಲ್​ನಲ್ಲಿ ಆಡುವ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಸಹ&ಒಡೆತನವನ್ನೂ ಹೊಂದಿದೆ. ಹೀಗಾಗಿ ವೆಂಕಟದತ್ತ ಕೂಡ ಆ ಸಮಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ತಂಡವನ್ನು ಮ್ಯಾನೇಜ್​ ಮಾಡಿದ್ದರು.

https://www.vijayavani.net/daughter-sara-joined-sachin-tendulkar-foundation