ತನ್ನ ವೃತ್ತಿ ಜೀವನವನ್ನು ತಾನೇ ಹಾಳು ಮಾಡಿಕೊಂಡ; ಶಾಕಿಂಗ್​ ಹೇಳಿಕೆ ನೀಡಿದ ರೋಹಿತ್​ ಶರ್ಮಾರ ಬಾಲ್ಯದ ಕೋಚ್​​​ ! |Rohit Sharmas coach

Rohit Sharmas coach: ಪೃಥ್ವಿ ಶಾ ತಪ್ಪು ಹಾದಿಯಲ್ಲಿ ಸಾಗುವ ಮೂಲಕ ತಮ್ಮ ಕ್ರಿಕೆಟ್ ವೃತ್ತಿಜೀವನವನ್ನು ಹಾಳು ಮಾಡಿಕೊಂಡರು ಎಂದು ರೋಹಿತ್ ಶರ್ಮಾ ಅವರ ಬಾಲ್ಯದ ಕೋಚ್ ದಿನೇಶ್ ಲಾಡ್ ಹೇಳಿದ್ದಾರೆ.

ಪಾಡ್‌ಕ್ಯಾಸ್ಟ್‌ನಲ್ಲಿ ಮಾತನಾಡಿರುವ ಲಾಡ್​​, ಪೃಥ್ವಿ ಶಾಗೆ 10 ವರ್ಷದವನಿದ್ದಾಗಿನಿಂದಲೂ ನೋಡಿದ್ದೇನೆ. ಅವರು ಅತ್ಯಂತ ಪ್ರತಿಭಾನ್ವಿತ ಆಟಗಾರ. ಆದರೆ ದುರದೃಷ್ಟವಶಾತ್ ಅವರು ತಪ್ಪು ಹಾದಿಯಲ್ಲಿ ಸಾಗುವ ಮೂಲಕ ಅವರ ಕ್ರಿಕೆಟ್ ಜೀವನವನ್ನು ಅವರೇ ಹಾಳು ಮಾಡಿಕೊಂಡರು ಎಂದರು.

ಇದನ್ನೂ ಓದಿ:ಅಥಣಿ ಕ್ಷೇತ್ರದ ೧೦ ಸ್ಕೂಲ್ ಉನ್ನತೀಕರಣ

2018 ರಲ್ಲಿ ರಾಜ್‌ಕೋಟ್‌ನಲ್ಲಿ ನಡೆದ ವೆಸ್ಟ್​​ ಇಂಡೀಸ್ ವಿರುದ್ಧದ ಟೆಸ್ಟ್ ಪಂದ್ಯದ ಮೂಲಕ ವೃತ್ತಿ ಜೀವನ ಆರಂಭಿಸಿದ ಶಾ, ತಮ್ಮ ಮೊದಲ ಪಂದ್ಯದಲ್ಲಿಯೇ ಶತಕ ಬಾರಿಸುವ ಮೂಲಕ ತಮ್ಮ ವೃತ್ತಿಜೀವನಕ್ಕೆ ಪರಿಪೂರ್ಣ ಆರಂಭವನ್ನು ನೀಡಿದರು. ಉತ್ತಮ ಆರಂಭದ ಹೊರತಾಗಿಯೂ ಅವರ ವೈಯಕ್ತಿಕ ಕಾರಣಗಳಿಂದ ತಂಡದಿಂದ ಹೊರಗುಳಿಯಬೇಕಾಯಿತು ಎಂದರು.

ಈ ಇಬ್ಬರು ಭಾರತೀಯ ಕ್ರಿಕೆಟ್​ನ ಭವಿಷ್ಯ

ಯುವ ಕ್ರಿಕೆಟಿಗರ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿರುವ ಲಾಡ್​, ವೈಭವ್ ಸೂರ್ಯವಂಶಿ ಮತ್ತು ಆಯುಷ್ ಮ್ಹಾತ್ರೆಯಂತಹ ಉದಯೋನ್ಮುಖ ತಾರೆಗಳು ಭಾರತೀಯ ಕ್ರಿಕೆಟ್‌ನ ಭವಿಷ್ಯ ಎಂದು ಕರೆದರು.

ಮುಂಬೈ ತಂಡದಿಂದ ಬೇರ್ಪಟ್ಟ ನಂತರ ಪೃಥ್ವಿ ಶಾ 2025–26ರ ದೇಶೀಯ ಋತುವಿಗಾಗಿ ಮಹಾರಾಷ್ಟ್ರ ತಂಡವನ್ನು ಸೇರಿಕೊಂಡಿದ್ದಾರೆ. ಶಾ ಜೂನ್ 2025 ರಲ್ಲಿ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್‌ನಿಂದ ನಿರಾಕ್ಷೇಪಣಾ ಪ್ರಮಾಣಪತ್ರ (ಎನ್‌ಒಸಿ) ಕೋರಿದ ನಂತರ ತಂಡದ ಜೊತೆಗಿನ ಅವರ ಎಂಟು ವರ್ಷಗಳ ಪ್ರಯಾಣ ಕೊನೆಗೊಂಡಿತು.

ಕಳಪೆ ಫಾರ್ಮ್ ಮತ್ತು ಅಶಿಸ್ತಿನ ವರ್ತನೆಯಿಂದಾಗಿ 2024-25ರ ರಣಜಿ ಟ್ರೋಫಿಯ ದ್ವಿತೀಯಾರ್ಧಕ್ಕೆ ಅವರನ್ನು ಮುಂಬೈ ತಂಡದಿಂದ ಕೈಬಿಡಲಾಯಿತು. ಕಳೆದ ಋತುವಿನಲ್ಲಿ ಅವರು ಸೈಯದ್ ಮುಷ್ತಾಕ್ ಅಲಿ ಟಿ20 ಪಂದ್ಯಾವಳಿಯಲ್ಲಿ ಕಾಣಿಸಿಕೊಂಡಿದ್ದರೂ, ನಂತರದ ವಿಜಯ್ ಹಜಾರೆ ಟ್ರೋಫಿ ಏಕದಿನ ತಂಡದಿಂದ ಅವರನ್ನು ಮತ್ತೆ ಕೈ ಬಿಡಲಾಯಿತು.(ಏಜೆನ್ಸೀಸ್)

https://www.vijayavani.net/rcb-pacer-yash-dayal-barred-from-competing-in-this-league-due-to-alleged-sexual-exploitation-case