ವಿವಾದಾತ್ಮಕ ಗೋಲಿನಿಂದಾಗಿ ಭಾರತಕ್ಕೆ ತಪ್ಪಿದ ಫಿಫಾ ವಿಶ್ವಕಪ್​ ಅರ್ಹತೆ ಅವಕಾಶ! ಕಳಪೆ ತೀರ್ಪು ನೀಡಿದ ರೆಫ್ರಿ

ದೋಹಾ: ಆರಂಭಿಕ ಮುನ್ನಡೆಯ ನಡುವೆಯೂ ವಿವಾದಾತ್ಮಕ ಗೋಲಿನಿಂದಾಗಿ ಭಾರತೀಯ ಫುಟ್​ಬಾಲ್​ ತಂಡ 2026ರ ಫಿಫಾ ವಿಶ್ವಕಪ್​ ಅರ್ಹತಾ ಟೂರ್ನಿಯಲ್ಲಿ ಆತಿಥೇಯ ಕತಾರ್​ ವಿರುದ್ಧದ ಪ್ರಮುಖ ಪಂದ್ಯದಲ್ಲಿ 1-2 ಗೋಲುಗಳಿಂದ ಪರಾಭವಗೊಂಡಿತು. ಇದರೊಂದಿಗೆ ಮೊದಲ ಬಾರಿಗೆ ಅರ್ಹತಾ ಕೂಟದ 3ನೇ ಸುತ್ತಿಗೆ ಪ್ರವೇಶಿಸುವ ಐತಿಹಾಸಿಕ ಅವಕಾಶವನ್ನು ಕೈಚೆಲ್ಲಿದೆ.

ಮಂಗಳವಾರ ನಡೆದ 2ನೇ ಅರ್ಹತಾ ಸುತ್ತಿನ ಎ ಗುಂಪಿನ ತನ್ನ 6ನೇ ಹಾಗೂ ಕೊನೇ ಲೀಗ್​ ಪಂದ್ಯದಲ್ಲಿ ಭಾರತ ತಂಡ ಲಲ್ಲಿಯಂಜುವಲಾ ಚಂಗ್ಟೆ 37ನೇ ನಿಮಿಷದಲ್ಲಿ ಸಿಡಿಸಿದ ಗೋಲಿನಿಂದ ಮುನ್ನಡೆ ಸಾಧಿಸಿತು. 73ನೇ ನಿಮಿಷದಲ್ಲಿ ಕತಾರ್​ ಪರ ಯೂಸೆಫ್ ಅಯೆಮೆನ್​ ಸಮಬಲದ ಗೋಲು ಬಾರಿಸಿದರು. ಆದರೆ ಈ ವೇಳೆ ಚೆಂಡು ಗೋಲು ಪೆಟ್ಟಿಗೆಯ ಬಳಿಕ ಮೈದಾನದಿಂದ ಹೊರಹೋಗಿದ್ದರೂ ಗೋಲನ್ನು ಮಾನ್ಯ ಮಾಡುವ ಮೂಲಕ ರೆಫ್ರಿ ವಿವಾದಾತ್ಮಕ ತೀರ್ಪು ನೀಡಿದರು. 85ನೇ ನಿಮಿಷದಲ್ಲಿ ಅಹ್ಮದ್​ ಅಲ್​ ರಾವಿ ಗೆಲುವಿನ ಗೋಲು ಸಿಡಿಸಿ ಭಾರತದ ಕನಸು ಭಗ್ನಗೊಳಿಸಿದರು.

https://www.vijayavani.net/pakistan-crush-canada-by-7-wickets-to-notch-up-first-win-in-t20-world-cup