ಆಸಿಸ್​​ ಕ್ಯಾಪ್ಟನ್​ ಹೆಸರಿನಲ್ಲಿ ವರ್ಲ್ಡ್​ ರೆಕಾರ್ಡ್​! ಐತಿಹಾಸಿಕ ದಾಖಲೆಗೆ ಸಾಕ್ಷಿಯಾದ ಪ್ಯಾಟ್​ ಕಮ್ಮಿನ್ಸ್​ | WTC

Pat Cummins: ಬಾರ್ಡರ್​-ಗವಾಸ್ಕರ್​ ಟ್ರೋಫಿಯಲ್ಲಿ ಟೀಮ್​ ಇಂಡಿಯಾ ವಿರುದ್ಧ 3-1 ಅಂತರದಲ್ಲಿ ತಮ್ಮ ತಂಡವನ್ನು ಭರ್ಜರಿ ಗೆಲುವಿನೆಡೆಗೆ ಕೊಂಡೊಯ್ದ ಆಸ್ಟ್ರೇಲಿಯಾ ಕ್ಯಾಪ್ಟನ್ ಪ್ಯಾಟ್​ ಕಮ್ಮಿನ್ಸ್, ಟೆಸ್ಟ್ ( WTC)​ ಇತಿಹಾಸದಲ್ಲಿ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ.

ಇದನ್ನೂ ಓದಿ: ಕೇವಲ 1.50 ರೂಪಾಯಿಗಾಗಿ 7 ವರ್ಷ ಹೋರಾಟ! ಕೊನೆಗೂ ಗ್ಯಾಸ್​ ಏಜೆನ್ಸಿಗೆ ಬಿಗ್​ ಶಾಕ್, ಗೆದ್ದ ಗ್ರಾಹಕ | Gas Agency ​

200 ವಿಕೆಟ್​

ಐದನೇ ಹಾಗೂ ಕೊನೆಯ ಟೆಸ್ಟ್​ ಪಂದ್ಯದಲ್ಲಿ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಮೈಲಿಗಲ್ಲು ತಲುಪಿದ ಕಮ್ಮಿನ್ಸ್​, ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ನಲ್ಲಿ 200 ವಿಕೆಟ್​ಗಳನ್ನು ಕಬಳಿಸಿದ ಮೊದಲ ಬೌಲರ್​ ಆಗಿ ಹೊಸ ದಾಖಲೆ ಬರೆದಿದ್ದಾರೆ. ಡಬ್ಲ್ಯೂಟಿಸಿಯಲ್ಲಿ ಅತೀ ಹೆಚ್ಚು ವಿಕೆಟ್​ಗಳನ್ನು ಪಡೆದಿರುವ ಬೌಲರ್​ಗಳ ಪೈಕಿ ಈಗ ಕಮ್ಮಿನ್ಸ್​ ಹೆಸರು ಅಗ್ರಸ್ಥಾನದಲ್ಲಿದೆ. ಇಲ್ಲಿಯವರೆಗೆ ಆಸೀಸ್​ ಪರ 47 ಮ್ಯಾಚ್​ಗಳನ್ನಾಡಿರುವ ಪ್ಯಾಟ್​, 200 ವಿಕೆಟ್​ಗಳನ್ನು ಪಡೆದು ಈ ಐತಿಹಾಸಿಕ ದಾಖಲೆ ಬರೆದ ವಿಶ್ವದ ಮೊದಲ ಬೌಲರ್​ ಆಗಿ ಹೊರಹೊಮ್ಮಿದ್ದಾರೆ.

ಡಬ್ಲ್ಯುಟಿಸಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಕಮ್ಮಿನ್ಸ್ ಮೊದಲ ಸ್ಥಾನದಲ್ಲಿದ್ದರೆ, ನಂತರದಲ್ಲಿ ಆಸೀಸ್​ನ ಆಟಗಾರ ನಾಥನ್ ಲಿಯಾನ್ (196 ವಿಕೆಟ್) ಮತ್ತು ಭಾರತದ ಮಾಜಿ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ (195 ವಿಕೆಟ್) ಇದ್ದಾರೆ. ಭಾರತ ವಿರುದ್ಧದ ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಆಸ್ಟ್ರೇಲಿಯಾದ ಪ್ರಮುಖ ವಿಕೆಟ್ ಟೇಕರ್ ಆಗಿರುವ ಕಮ್ಮಿನ್ಸ್ ಗುರುತಿಸಿಕೊಂಡಿದ್ದು, ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ನ 2023-25 ​​ಆವೃತ್ತಿಯಲ್ಲಿ ಇದುವರೆಗೆ ಆಡಿದ 17 ಪಂದ್ಯಗಳಲ್ಲಿ 73 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಡಬ್ಲ್ಯೂಟಿಸಿಯ ಒಂದೇ ಆವೃತ್ತಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಪ್ರಸ್ತುತ ಪ್ಯಾಟ್​ ಕಮ್ಮಿನ್ಸ್ ಮೂರನೇ ಸ್ಥಾನದಲ್ಲಿದ್ದಾರೆ.

WTC ಒಂದೇ ಆವೃತ್ತಿಯಲ್ಲಿ ಅತ್ಯಧಿಕ ವಿಕೆಟ್‌ಗಳು

1. ನಾಥನ್ ಲಿಯಾನ್ - 88 (2021-23)

2. ಜಸ್ಪ್ರೀತ್ ಬುಮ್ರಾ - 77 (2023-25)

3. ಪ್ಯಾಟ್ ಕಮ್ಮಿನ್ಸ್ – 73* (2023-25)

4. ರವಿಚಂದ್ರನ್ ಅಶ್ವಿನ್ – 71 (2019-21)

5. ಪ್ಯಾಟ್ ಕಮ್ಮಿನ್ಸ್ – 70 (2019-21)

WTC ಅತಿ ಹೆಚ್ಚು ವಿಕೆಟ್‌ಗಳು 

1. ಪ್ಯಾಟ್ ಕಮ್ಮಿನ್ಸ್​ (ಆಸ್ಟ್ರೇಲಿಯಾ) – 200* ವಿಕೆಟ್​

2. ನಾಥನ್ ಲಿಯಾನ್ (ಆಸ್ಟ್ರೇಲಿಯಾ) - 196 ವಿಕೆಟ್​

3. ರವಿಚಂದ್ರನ್ ಅಶ್ವಿನ್ (ಭಾರತ) – 195 ವಿಕೆಟ್​

4. ಮಿಚೆಲ್ ಸ್ಟಾರ್ಕ್ (ಆಸ್ಟ್ರೇಲಿಯಾ) - 165 ವಿಕೆಟ್​

5. ಜಸ್ಪ್ರೀತ್ ಬುಮ್ರಾ (ಭಾರತ) - 156 ವಿಕೆಟ್​

https://www.vijayavani.net/if-you-are-genius-solve-this-brain-teaser-puzzle