ಪ್ಯಾರಿಸ್​​ ಒಲಿಂಪಿಕ್ಸ್​ನಲ್ಲಿ ಭಾರತಕ್ಕೆ ಮೊದಲ ಪದಕ ಭರವಸೆ: ಫೈನಲ್​ಗೆ ಲಗ್ಗೆಯಿಟ್ಟ ಶೂಟರ್​ ಮನು ಭಾಕರ್

ಪ್ಯಾರಿಸ್​: ಫ್ರಾನ್ಸ್​ ರಾಜಧಾನಿ ಪ್ಯಾರಿಸ್​​​ನಲ್ಲಿ ನಡೆಯುತ್ತಿರುವ​ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಮೊದಲ ಪದಕ ಭರವಸೆ ಮೂಡಿದೆ. ಶೂಟರ್​ ಮನು ಭಾಕರ್ ಮಹಿಳೆಯರ 10 ಮೀಟರ್​ ಏರ್​ ಪಿಸ್ತೂಲ್​ ವಿಭಾಗದಲ್ಲಿ ಫೈನಲ್​ ಸುತ್ತಿಗೆ ಅರ್ಹತೆ ಪಡೆದಿದ್ದಾರೆ.

ಶನಿವಾರ ನಡೆದ ಅರ್ಹತಾ ಸುತ್ತಿನಲ್ಲಿ ಮನು ಭಾಕರ್​ ಅವರು 27 ಇನ್ನರ್​ ಸರ್ಕಲ್​ 10s ಒಳಗೊಂಡಂತೆ 580 ಅಂಕಗಳೊಂದಿಗೆ 3ನೇ ಸ್ಥಾನವನ್ನು ಪಡೆದರು. ಈ ಮೂಲಕ ಫೈನಲ್​ ಸುತ್ತಿಗೆ ಲಗ್ಗೆಯಿಟ್ಟಿದ್ದು, ಭಾರತಕ್ಕೆ ಪದಕದ ಭರವಸೆ ಮೂಡಿಸಿದ್ದಾರೆ. ನಾಳೆ ಮಧ್ಯಾಹ್ನ 3.30ಕ್ಕೆ ಫೈನಲ್​ ಸುತ್ತು ನಡೆಯಲಿದೆ.

ಕಳೆದ ಬಾರಿ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಆರಂಭದಲ್ಲೇ ಹೊರಬಿದ್ದ ಆಘಾತದ ಮೂರು ವರ್ಷಗಳ ಬಳಿಕ ಭಾಕರ್ ಅವರು ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಫೈನಲ್‌ನಲ್ಲಿ ಸ್ಥಾನ ಪಡೆಯುವ ಮೂಲಕ ಕಂಬ್ಯಾಕ್​ ಮಾಡಿದ್ದಾರೆ. ನಾಳೆ ನಡೆಯಲಿರುವ ಫೈನಲ್​ನಲ್ಲಿ ಅತ್ಯುತ್ತಮವಾದುದ್ದನ್ನು ನೀಡಿದರೆ ಭಾರತಕ್ಕೆ ಒಂದು ಪದಕ ಗ್ಯಾರಂಟಿಯಾಗಲಿದೆ.

ಇದೇ ದಿನ ಆರಂಭದಲ್ಲಿ ಸರಬ್ಜೋತ್ ಸಿಂಗ್ ಮತ್ತು ಅರ್ಜುನ್ ಸಿಂಗ್ ಚೀಮಾ ಅವರು ಕ್ರಮವಾಗಿ 9 ಮತ್ತು 18ನೇ ಸ್ಥಾನ ಪಡೆದು ಪುರುಷರ 10 ಮೀಟರ್ ಏರ್ ಪಿಸ್ತೂಲ್ ಫೈನಲ್‌ಗೆ ಅರ್ಹತೆ ಪಡೆಯುವಲ್ಲಿ ವಿಫಲರಾದರು. (ಏಜೆನ್ಸೀಸ್​)

https://www.vijayavani.net/iftikhar-ahmed-brutally-trolled-as-stylish-no-look-shot-ends-in-disaster-he-is-a-curse

https://www.vijayavani.net/madras-high-court-shocked-over-advocates-plea-seeking-protection-to-run-brothel