ಟಿ20 ವಿಶ್ವಕಪ್​: ಐರ್ಲೆಂಡ್​ ಎದುರು ಸೋಲಿನಿಂದ ಪಾರಾದ ಪಾಕ್​; ಜಯದೊಂದಿಗೆ ನಿರ್ಗಮಿಸಿದ ಬಾಬರ್​ ಅಜಮ್​ ಬಳಗ

ಲೌಡೆರ್​ಹಿಲ್​: ಎಡಗೈ ವೇಗಿ ಶಹೀನ್​ ಷಾ ಅಫ್ರಿದಿ (22ಕ್ಕೆ 3), ಎಡಗೈ ಸ್ಪಿನ್ನರ್​ ಇಮಾದ್​ ವಾಸಿಂ (8ಕ್ಕೆ 3) ಮಾರಕ ಬೌಲಿಂಗ್​ ಹಾಗೂ ನಾಯಕ ಬಾಬರ್​ ಅಜಮ್​ (32*ರನ್​, 34 ಎಸೆತ, 2 ಬೌಂಡರಿ) ಜವಾಬ್ದಾರಿಯುತ ಬ್ಯಾಟಿಂಗ್​ ನೆರವಿನಿಂದ ಪಾಕಿಸ್ತಾನ ತಂಡ ಐಸಿಸಿ ಟಿ20 ವಿಶ್ವಕಪ್​ನ ತನ್ನ 4ನೇ ಹಾಗೂ ಕೊನೇ ಲೀಗ್​ ಪಂದ್ಯದಲ್ಲಿ ಐರ್ಲೆಂಡ್​ ತಂಡವನ್ನು 3 ವಿಕೆಟ್​ಗಳಿಂದ ಮಣಿಸಿ, ಟೂರ್ನಿಗೆ ಗೆಲುವಿನ ವಿದಾಯ ಹೇಳಿದೆ.

ಸೆಂಟ್ರಲ್​ ಬ್ರೋವರ್ಡ್​ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಔಪಚಾರಿಕ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಐರ್ಲೆಂಡ್​, ಶಹೀನ್​ ಹಾಗೂ ಮೊಹಮದ್​ ಅಮೀರ್​ (11ಕ್ಕೆ 2) ದಾಳಿಗೆ ನಲುಗಿ 32 ರನ್​ಗಳಿಗೆ 6 ವಿಕೆಟ್​ ಕಳೆದುಕೊಂಡಿತು. ಆಗ ಗರೆಥ್​ ಡೆಲಾನಿ (31 ರನ್​,19 ಎಸೆತ, 1 ಬೌಂಡರಿ, 3 ಸಿಕ್ಸರ್​) ಆಸರೆಯಲ್ಲಿ 9 ವಿಕೆಟ್​ಗೆ 106 ರನ್​ಗಳ ಸಾಧಾರಣ ಮೊತ್ತ ಪೇರಿಸಿತು. ಪ್ರತಿಯಾಗಿ ಪಾಕ್​ ಒಂದು ಹಂತದಲ್ಲಿ 62 ರನ್​ಗಳಿಗೆ 6 ವಿಕೆಟ್​ ಕಳೆದುಕೊಂಡು ಸೋಲಿನ ಭೀತಿ ಎದುರಿಸಿದರೂ, ಬಾಬರ್​ ಅಜಮ್​ ರಕ್ಷಣೆಯಲ್ಲಿ 18.5 ಓವರ್​ಗಳಲ್ಲಿ 7 ವಿಕೆಟ್​ಗೆ 111 ರನ್​ ಗಳಿಸಿ ಸಮಾಧಾನಕರ ಗೆಲುವು ಕಂಡಿತು.

ಬಾಬರ್​ ಮತ್ತು ಅಬ್ಬಾಸ್​ ಅಫ್ರಿದಿ (17) 7ನೇ ವಿಕೆಟ್​ಗೆ 40 ಎಸೆತಗಳಲ್ಲಿ 33 ರನ್​ ಪೇರಿಸಿ ಪಾಕ್​ ತಂಡವನ್ನು ಆಘಾತಕಾರಿ ಸೋಲಿನಿಂದ ಪಾರು ಮಾಡಿದರು.

ಐರ್ಲೆಂಡ್​ಗೆ ಕಡಿವಾಣ: ಮೊದಲ ಓವರ್​ನಲ್ಲಿ ಆಂಡ್ರ್ಯೋ ಬಲ್ಬಿರ್ನಿ (0) ಹಾಗೂ ಲೋರ್ಕನ್​ ಟಕ್ಕರ್​ (2) ವಿಕೆಟ್​ ಪಡೆದ ಶಹೀನ್​ ಷಾ ಐರ್ಲೆಂಡ್​ ಆರಂಭಿಕ ಶಾಕ್​ ನೀಡಿದರು. ನಾಯಕ ಪೌಲ್​ ಸ್ಟೀರ್ಲಿಂಗ್​ (1), ಹ್ಯಾರಿ ಟೆಕ್ಟರ್​ (0) ವೈಲ್ಯ ಮುಂದುವರಿಸಿದರು. 32 ರನ್​ಗಳಿಗೆ 6 ವಿಕೆಟ್​ ಕೈಚೆಲ್ಲಿದ ಐರ್ಲೆಂಡ್​ ಮೂರಂಕಿ ದಾಖಲಿಸುವುದು ದುಸ್ಥರ ಎನಿಸಿತು. ಆಗ ಗರೆಥ್​ ಡೆಲಾನಿ ಹಾಗೂ ಅಡೈರ್​ 7ನೇ ವಿಕೆಟ್​ಗೆ 30 ಎಸೆತಗಳಲ್ಲಿ 44 ರನ್​ಗಳಿಸಿ ಚೇತರಿಕೆ ನೀಡಿದರು. ಇಮಾದ್​ ವಾಸಿಂ (8ಕ್ಕೆ 3) ಬಾಲಗೋಂಚಿಗಳಿಗೆ ಕಡಿವಾಣ ಹೇರಿದರು. ಜೋಶ್ವ ಲೀಟಲ್​ (22*) ಹೋರಾಟದಿಂದ ಐರ್ಲೆಂಡ್​ 100ರ ಗಡಿ ದಾಟಿತು.

ಐರ್ಲೆಂಡ್​: 9 ವಿಕೆಟ್​ಗೆ 106 (ಸ್ಟೀರ್ಲಿಂಗ್​ 1, ಲೋರ್ಕನ್​ 2, ಕರ್ಟಿಸ್​ 7, ಡಾಕ್ರೆಲ್​ 11, ಗರೆಥ್​ 31, ಮಾರ್ಕ್​ ಅಡೈರ್​ 15, ಜೋಶ್ವ ಲಿಟಲ್​ 22*, ಬೆನ್​ ವೈಟ್​ 5*, ಶಹೀನ್​ ಷಾ ಅಫ್ರಿದಿ 22ಕ್ಕೆ 3, ಅಮೀರ್​ 11ಕ್ಕೆ 2, ಇಮಾದ್​ ವಾಸಿಂ 8ಕ್ಕೆ 3). ಪಾಕಿಸ್ತಾನ: 18.5 ಓವರ್​ಗಳಲ್ಲಿ 7 ವಿಕೆಟ್​ಗೆ 111 (ರಿಜ್ವಾನ್​ 17, ಆಯುಬ್​ 17, ಬಾಬರ್​ 32*, ಖರ್​ 5, ಶಾದಾಬ್​ 0, ಅಬ್ಬಾಸ್​ ಅಫ್ರಿದಿ 17, ಶಹೀನ್​ ಷಾ 13*, ಮೆಕ್​ಕಾರ್ಥಿ 15ಕ್ಕೆ 3, ಕ್ಯಾಂಪರ್​ 24ಕ್ಕೆ 2).

https://www.vijayavani.net/herons-cricket-club-champion-after-24-years-ksca-won-the-2nd-division-league-title

4. ಶಹೀನ್​ ಷಾ ಅಫ್ರಿದಿ ಹಾಲಿ ವಿಶ್ವಕಪ್​ ಟೂರ್ನಿಯ ಪಂದ್ಯದ ಮೊದಲ ಓವರ್​ನಲ್ಲಿ 2 ವಿಕೆಟ್​ ಪಡೆದ 4ನೇ ಬೌಲರ್​. ರುಬ್ಲೆನ್​ ಟ್ರುಪ್ಲೆಮನ್​, ಾಜಲ್ಹೂಕ್​ ಾರೂಖಿ, ಅರ್ಷದೀಪ್​ ಸಿಂಗ್​ ಮೊದಲಿಗರು. ಈ ನಾಲ್ವರು ಬೌಲರ್​ಗಳು ಎಡಗೈ ವೇಗಿಗಳಾಗಿರುವುದು ವಿಶೇಷ.