ಭಾರತ ಕಪ್​ ಗೆಲ್ಲಲು ಅರ್ಹವಾಗಿತ್ತು; ಟಿ20 ವಿಶ್ವಕಪ್​ ಗೆಲುವಿನ ಕುರಿತು ಅಚ್ಚರಿಯ ಹೇಳಿಕೆ ನೀಡಿದ ಪಾಕ್​ ವೇಗಿ

ನವದೆಹಲಿ: 09ನೇ ಆವೃತ್ತಿಯ ಟಿ20 ವಿಶ್ವಕಪ್​ನಲ್ಲಿ ಭಾರತ ಎರಡನೇ ಬಾರಿ ಚಾಂಪಿಯನ್​​ ಆಗಿ ಹೊರಹೊಮ್ಮಿದ್ದು, ವಿಶ್ವಾದಾದ್ಯಂತ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ. ಈ ಬಾರಿ ಕಪ್​ ಗೆಲ್ಲುವ ವಿಶ್ವಾಸದೊಂದಿಗೆ ಕಣಕ್ಕಿಳಿದು ತೀವ್ರ ಮುಖಭಂಗವನ್ನು ಅನುಭವಿಸಿದ್ದ ಪಾಕಿಸ್ತಾನ ಕ್ರಿಕೆಟ್​ ತಂಡಕ್ಕೆ ಭಾರತದ ಗೆಲುವು ನುಂಗಲಾರದ ತುತ್ತಾಗಿದ್ದು, ಇದೀಗ ಪಾಕ್​ ಕ್ರಿಕೆಟ್​ ತಂಡದ ವೇಗಿ ಶಾಹೀನ್ ಅಫ್ರಿದಿ ಟೀಮ್​ ಇಂಡಿಯಾಗೆ ಶುಭ ಕೋರಿದ್ದು, ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

ನಾನು ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಫೈನಲ್​ ಪಂದ್ಯವನ್ನು ವೀಕ್ಷಿಸಿದೆ ಮತ್ತು ಪ್ರತಿ ಕ್ಷಣವನ್ನು ಆನಂದಿಸಿದೆ. ಎರಡು ತಂಡಗಳು ಉತ್ತಮವಾಗಿ ಆಡಿದವು. ಫೈನಲ್​ ಪಂದ್ಯದ ವೇಳೆ ಅಂತಿಮವಾಗಿ ಯಾವ ತಂಡ ಒತ್ತಡವನ್ನು ನಿಭಾಯಿಸುತ್ತದೆ. ಆ ತಂಡ ಕಪ್​ ಎತ್ತಿ ಹಿಡಿಯುತ್ತದೆ ಎಂಬುದಕ್ಕೆ ಭಾರತದ ಪ್ರದರ್ಶನವೇ ಸಾಕ್ಷಿ. ಭಾರತವು ಉತ್ತಮ ಬ್ರಾಂಡ್ ಕ್ರಿಕೆಟ್ ಅನ್ನು ಆಡಿದೆ ಮತ್ತು ಗೆಲ್ಲಲು ಅರ್ಹವಾಗಿತ್ತು.

ವಿಶ್ವಕಪ್​ನಲ್ಲಿ ಬಲಿಷ್ಠ ತಂಡಗಳು ಭಾಗವಹಿಸುತ್ತವೆ ಮತ್ತು ಒಂದು ಸುದೀರ್ಘ ಪ್ರಕ್ರಿಯೆಯ ನಂತರ ಹೊರಬರುತ್ತವೆ. ಕೆಲವೊಂದು ವಿಷಯಗಳನ್ನು ಸರಿಪಡಿಸಬೇಕಿದ್ದು, ನಾವು ಕಷ್ಟಪಟ್ಟು ಕೆಲಸ ಮಾಡಿದಾಗ ಅದೃಷ್ಟ ನಮ್ಮ ಕೈ ಹಿಡಿಯುತ್ತದೆ ಎಂದು ನಾನು ಭಾವಿಸುತ್ತೇನೆ. ಮುಂದಿನ ದಿನಗಳಲ್ಲಿ ಉತ್ತಮವಾಗಿರುವುದನ್ನೇ ನೀಡುತ್ತೇವೆ ಎಂದು ಪಾಕ್​ ತಂಡದ ಪ್ರದರ್ಶನದ ಕುರಿತು ವೇಗಿ ಶಾಹೀನ್ ಅಫ್ರಿದಿ ಹೇಳಿದ್ದಾರೆ.

https://www.vijayavani.net/hd-kumaraswamy-appointed-in-cabinet-committee-on-economic-affairs

https://www.vijayavani.net/champai-soren-resigns-hemant-soren-to-return-as-jharkhand-cm

https://www.vijayavani.net/rohit-sharma-invites-fans-to-team-indias-victory-parade-see-full-schedule