‘1983ರಲ್ಲಿ ಹಾಂಕಾಂಗ್ನಲ್ಲಿ ಅಂತಾರಾಷ್ಟ್ರೀಯ ಟೂರ್ನಿಯೊಂದನ್ನು ಆಡಿ ನಾವು ತವರಿಗೆ ಮರಳುವಾಗ ತಂಡದ ಕೆಲ ಆಟಗಾರರು ಕಾರಿನ ಬಿಡಿಭಾಗಗಳು, ವಿಸಿಆರ್ಗಳು, ಗ್ಲಾಸ್ ಫ್ರೇಮ್ಗಳನ್ನು ಕಳ್ಳಸಾಗಣೆ ಮಾಡಿದ್ದರು. ಆ ದಿನಗಳಲ್ಲಿ ಅವುಗಳಿಗೆ ನಿಷೇಧವಿತ್ತು. ಆದರೆ ಆಟಗಾರರು ತಮ್ಮ ಲಗೇಜುಗಳಲ್ಲಿ ಅವುಗಳನ್ನು ತಂದಿದ್ದರು. ಆ ಕಳ್ಳಸಾಗಣೆಯ ವಸ್ತುಗಳ ಮೌಲ್ಯ ಸುಮಾರು 15 ದಶಲಕ್ಷ ರೂಪಾಯಿ ಇರಬಹುದು. ಬಳಿಕ ಕಸ್ಟಮ್ಸ್ ಅಧಿಕಾರಿಗಳಿಂದ ತನಿಖೆ ನಡೆದಾಗ ತಂಡದ ಕೆಲ ಆಟಗಾರರು ಮತ್ತು ಅಧಿಕಾರಿಗಳು ಸ್ಮಗ್ಲಿಂಗ್ ರಾಕೆಟ್ನಲ್ಲಿ ಒಳಗೊಂಡಿದ್ದು ಪತ್ತೆಯಾಗಿತ್ತು. ಬಳಿಕ ಈ ಪ್ರಕರಣವನ್ನು ಮುಚ್ಚಿಹಾಕಲಾಗಿತ್ತು’ ಎಂದು 61 ವರ್ಷದ ಹನೀಫ್ ಖಾನ್ ಜಿಯೋ ಟಿವಿ ಜತೆ ಮಾತನಾಡುತ್ತ ವಿವರಿಸಿದ್ದಾರೆ.
