ಆತ ತಂಡದಲ್ಲಿ ಇರುತ್ತಾನೆ ಎಂಬುದಕ್ಕೆ ಯಾವುದೇ ಗ್ಯಾರಂಟಿ ಇಲ್ಲ; ಜಯ್​ ಷಾ ಹೀಗೆನ್ನಲು ಕಾರಣವೇನು

ನವದೆಹಲಿ: 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಉರಿ ದಾಳಿಯೊಂದಿಗೆ ಎದುರಾಳಿಗಳ ನಿದ್ದೆಗೆಡಿಸಿದ್ದ ದೆಹಲಿ ಮೂಲದ ಯುವ ವೇಗಿ ಮಯಾಂಕ್​ ಯಾದವ್​ ತಮಗೆ ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಂಡಿದ್ದಾರೆ ಎಂದು ಹೇಳಿದರೆ ತಪ್ಪಾಗಲಾರದು. ಗಂಟೆಗೆ 150 ಕಿಲೋಮೀಟರ್​ಗೂ ಅಧಿಕ ವೇಗದಲ್ಲಿ ಬೌಲಿಂಗ್​ ಮಾಡಿ ಗಮನಸೆಳೆದಿರುವ ಮಯಾಂಕ್​ ಸದ್ಯ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿಯಲ್ಲಿ ಪುನಶ್ಚೇತನಕ್ಕೊಳಗಾಗಿದ್ದಾರೆ.

ಮಯಾಂಕ್​ ಅವರನ್ನು ರಾಷ್ಟ್ರೀಯ ತಂಡಕ್ಕೆ ಸೇರಿಸಿಕೊಳ್ಳಲಾಗುತ್ತದೆ ಎಂದು ಹೇಳಲಾಯಿತಾದರೂ ಈವರೆಗೂ ಟೀಮ್​ ಇಂಡಿಯಾದ ಬಾಗಿಲು ತೆರೆದಿಲ್ಲ. ಮುಂಬರುವ ಸರಣಿಗಳಲ್ಲಿ ಆಡುವ ನಿರೀಕ್ಷೆಯಿದೆ ಆದರೂ ತಂಡದಲ್ಲಿ ಸ್ಥಾನ ಸಿಗುವುದು ಡೌಟ್​ ಎಂದು ಹೇಳಲಾಗಿದೆ. ಈ ಬಗ್ಗೆ ಬಿಸಿಸಿಐ ಕಾರ್ಯದರ್ಶಿ ಜಯ್​ ಷಾ ಮಾತನಾಡಿದ್ದು, ಯುವ ವೇಗಿ ತಂಡದಲ್ಲಿ ಸ್ಥಾನ ಪಡೆಯುತ್ತಾರಾ ಇಲ್ಲವಾ ಎಂಬುದರ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ನಾನು ಸಿಎಂ ಸಿದ್ದರಾಮಯ್ಯ ಪರ ಇದ್ದೇನೆ, ಪ್ರಾಸಿಕ್ಯೂಷನ್​ ವಿರುದ್ಧ ಕಾನೂನು ಹೋರಾಟ: ಡಿ.ಕೆ. ಶಿವಕುಮಾರ್

ಮಯಾಂಕ್​ ಯಾದವ್​ ತಂಡದಲ್ಲಿ ಸ್ಥಾನ ಪಡೆಯಯುತ್ತಾರೋ ಇಲ್ಲವೋ ಎಂಬುದಕ್ಕೆ ಯಾವುದೇ ಗ್ಯಾರಂಟಿ ಇಲ್ಲದ ಕಾರಣ ನಾನು ನಿಮಗೆ ಸ್ಪಷ್ಟ ಉತ್ತರ ನೀಡಲು ಸಅಧ್ಯವಿಲ್ಲ. ಆತ ಉತ್ತಮ ವೇಗದ ಬೌಲರ್​ ಆಗಿದ್ದು, ನಾವು ಆತನನ್ನು ಗಮನಿಸುತ್ತಿದ್ದೇವೆ. ಗಾಯದ ಸಮಸ್ಯೆಯಿಂದ ಬಳಲುತ್ತಿರುವ ಮಯಾಂಕ್​ ಪ್ರಸ್ತುತ ಎನ್​ಸಿಎಯಲ್ಲಿದ್ದು, ಗುಣಮುಖರಾದ ಬಳಿಕ ನಿರ್ಧರಿಸಲಾಗುವುದು ಎಂದು ಜಯ್​ ಷಾ ಹೇಳಿದ್ದಾರೆ.

ವೇಗದ ಬೌಲಿಂಗ್​ ಮೂಲಕ ಐಪಿಎಲ್​ನಲ್ಲಿ ಸಾಕಷ್ಟು ಖ್ಯಾತಿ ಗಳಿಸಿದ್ದ ಮಯಾಂಕ್​ ಕ್ರಿಕೆಟ್​ ಹೊರತಾಗಿಯೂ ನನಗೆ ರಾಕೆಟ್​, ಏರೋಪ್ಲೇನ್​, ಸೂಪರ್​ಬೈಕ್​ನ ವೇಗ ನನಗೆ ರೋಮಾಂಚನ ತರುತ್ತದೆ. ಬಾಲ್ಯದಿಂದಲೂ ಅವೇ ನನಗೆ ಪ್ರೇರಣೆ ಎಂದು ತಮ್ಮ ವೇಗದ ಬೌಲಿಂಗ್​ ಹಿಂದಿನ ರಹಸ್ಯವನ್ನು ಹೇಳಿದ್ದರು. ಪ್ರಸ್ತುತ ಎನ್​ಸಿಎಯಲ್ಲಿರುವ ಮಯಾಂಕ್​ ಮುಂದಿನ ದಿನಗಳಲ್ಲಿ ರಾಷ್ಟ್ರೀಯ ತಂಡದ ಪರ ಆಡುವ ನಿರೀಕ್ಷೆಯಿದೆ.

https://www.vijayavani.net/nirbhayas-mother-speaks-on-kolkata-rape-murder-says-west-bengal-chief-minister-mamata-banerjee-should-resign

https://www.vijayavani.net/video-bajrang-punia-spotted-standing-on-tiranga-poster-while-receiving-vinesh-phogat-in-delhi-gets-criticised-heavily