ಆಸೀಸ್ ಎದುರು ಸತತ 13 ಸೋಲಿನ ಬಳಿಕ ಗೆದ್ದು ಬೀಗಿದ ತಂಡ ಯಾವುದು ಗೊತ್ತೇ..?

ಬ್ರಿಸ್ಬೇನ್: ನ್ಯೂಜಿಲೆಂಡ್ ಮಹಿಳಾ ತಂಡ ಕಡೆಗೂ ಗೆಲುವಿನ ಹಳಿಗೇರಲು ಯಶಸ್ವಿಯಾಗಿದೆ. ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ಎದುರು ಸತತ 13 ಸೋಲುಗಳಿಂದ ಕಂಗೆಟ್ಟಿದ್ದ ಕಿವೀಸ್ ಮಹಿಳೆಯರು ಕಡೆಗೂ ಗೆದ್ದು ಬೀಗಿದ್ದಾರೆ. ಬುಧವಾರ ಅಂತ್ಯಗೊಂಡ 3 ಟಿ20 ಪಂದ್ಯಗಳ ಸರಣಿಯ ಕಡೇ ಪಂದ್ಯದಲ್ಲಿ ಜಯ ದಾಖಲಿಸಿದೆ. ಸರಣಿಯಲ್ಲಿ 1-2 ರಿಂದ ಸೋತರೂ ಕನಿಷ್ಠ ಗೆಲುವಿನ ದಡಕ್ಕೇರಿದ ಸಮಾಧಾನ ಪಟ್ಟಿದೆ ಕಿವೀಸ್ ಪಡೆ. ಆಸ್ಟ್ರೇಲಿಯಾ ಎದುರು ಸತತ 7 ಟಿ20 ಹಾಗೂ 6 ಏಕದಿನ ಪಂದ್ಯಗಳಲ್ಲಿ ನ್ಯೂಜಿಲೆಂಡ್ ತಂಡ ಸೋಲು ಕಂಡಿತ್ತು.

ಇದನ್ನೂ ಓದಿ: ವಿದೇಶಿ ಚಿತ್ರಮಂದಿರಗಳಲ್ಲಿ ‘ಬಾಂಬ್​’ ಸಿಡಿಸಲಿದ್ದಾರೆ ಅಕ್ಷಯ್​ ಕುಮಾರ್​!

ಬ್ರಿಸ್ಬೇನ್‌ನಲ್ಲಿ ಬುಧವಾರ ನಡೆದ 3ನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿ ನ್ಯಜಿಲೆಂಡ್ ತಂಡ 5 ವಿಕೆಟ್‌ಗಳಿಂದ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ 7 ವಿಕೆಟ್‌ಗೆ 123 ರನ್‌ಗಳಿಸಿದರೆ, ಪ್ರತಿಯಾಗಿ ನ್ಯೂಜಿಲೆಂಡ್ ತಂಡ 5 ವಿಕೆಟ್‌ಗೆ 125 ರನ್‌ಗಳಿಸಿ ಜಯದ ನಗೆ ಬೀರಿತು. ಇನ್ನು 3 ಎಸೆತಗಳು ಬಾಕಿ ಉಳಿದಿದ್ದವು. ಅಂತಿಮ ಪಂದ್ಯದಲ್ಲಿ ಸೋಲಿನ ನಡುವೆಯೂ ಆಸ್ಟ್ರೇಲಿಯಾ ಸತತ 10ನೇ ಟಿ20 ಸರಣಿ ಗೆದ್ದುಕೊಂಡಿತು.

ಇದನ್ನೂ ಓದಿ:VIDEO| ಎರಡೇ ವರ್ಷದಲ್ಲಿ ಸೃಷ್ಟಿಯಾಯ್ತು ದಟ್ಟಾರಣ್ಯ; ಇದು ಆಮೀರ್ ಖಾನ್​ ಸಾಹಸ!

ಬ್ರಿಸ್ಬೇನ್‌ನಲ್ಲೇ ಉಭಯ ತಂಡಗಳ ನಡುವೆ ಮೂರು ಪಂದ್ಯಗಳ ಏಕದಿನ ಸರಣಿ ನಡೆಯಲಿದೆ. 2020ರಲ್ಲಿ ಆರಂಭದಲ್ಲಿ ನಡೆದ ಮಹಿಳಾ ಟಿ20 ವಿಶ್ವಕಪ್‌ನಲ್ಲಿ ಆಸ್ಟ್ರೇಲಿಯಾ ತಂಡ ಭಾರತ ತಂಡವನ್ನು ಮಣಿಸಿ ಚಾಂಪಿಯನ್‌ಪಟ್ಟ ಅಲಂಕರಿಸಿತ್ತು.

https://www.vijayavani.net/ms-dhoni-and-wife-sakshi-dhoni-to-start-a-new-innings-in-entertainment-industry/