ಇದೇ ಸಂದರ್ಭದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಟೀಮ್ ಇಂಡಿಯಾದ ಮಾಜಿ ಆಟಗಾರ ನವಜೋತ್ ಸಿಂಗ್ ಸಿಧು ಅವರು ಗಂಭೀರ್ ಮತ್ತು ಅಗರ್ಕರ್ ಅವರನ್ನು ಕಟುವಾಗಿ ಟೀಕಿಸಿದ ಪೋಸ್ಟ್ ಕಾಣಿಸಿಕೊಂಡಿತು. ಜಾಡ್ ಇನ್ಸೇನ್ ಎಂಬ ಎಕ್ಸ್ ಬಳಕೆದಾರನ ಖಾತೆಯಲ್ಲಿ ಪೋಸ್ಟ್ ಕಾಣಿಸಿಕೊಂಡಿದ್ದು, ವೈರಲ್ ಆಗಿದೆ. ಆ ಪೋಸ್ಟ್ನಲ್ಲಿ "ಟೀಮ್ ಇಂಡಿಯಾ ಏಕದಿನ ವಿಶ್ವಕಪ್ ಗೆಲ್ಲಲು ಬಯಸಿದರೆ, ಬಿಸಿಸಿಐ ಅಜಿತ್ ಅಗರ್ಕರ್ ಮತ್ತು ಗೌತಮ್ ಗಂಭೀರ್ ಅವರನ್ನು ಆದಷ್ಟು ಬೇಗ ತಮ್ಮ ಸ್ಥಾನಗಳಿಂದ ತೆಗೆದುಹಾಕಬೇಕು. ಅದೇ ರೀತಿ, ನಾಯಕತ್ವವನ್ನು ರೋಹಿತ್ ಶರ್ಮ ಅವರಿಗೆ ಸಂಪೂರ್ಣ ಗೌರವ ಮತ್ತು ಘನತೆಯೊಂದಿಗೆ ಹಿಂತಿರುಗಿಸಬೇಕು" ಎಂದು ಬರೆಯಲಾಗಿದೆ. ಗಂಭೀರ್ ಮತ್ತು ಅಗರ್ಕರ್ ಅವರ ಫೋಟೋಗಳನ್ನು ಸೇರಿಸಿ ಪೋಸ್ಟ್ ಮಾಡಲಾಗಿದೆ.
