ರೋಹಿತ್ ಮತ್ತು ಕೊಹ್ಲಿ ಕಡೆಗಣಿಸಿದ್ದ ಆಟಗಾರನ ಕರಿಯರ್​ಗೆ 'ಗೌತಿ' ಕೊಡಲಿದ್ದಾರೆ ಹೊಸ ಸ್ಟಾರ್ಟ್​: ಸಂಜಯ್ ಭಾರದ್ವಾಜ್

ನವದೆಹಲಿ: ಐಸಿಸಿ ಟಿ20 ವಿಶ್ವಕಪ್ 2024ರ ಟೂರ್ನಿ ಮುಗಿಯುತ್ತಿದ್ದಂತೆ ರಾಹುಲ್ ದ್ರಾವಿಡ್​ ಅವರ ಕೋಚ್ ಅವಧಿ ಕೂಡ ಅಂತ್ಯಗೊಂಡಿತು. ತಮ್ಮ ಸ್ಥಾನಕ್ಕೆ ಅಧಿಕೃತವಾಗಿ ರಾಜೀನಾಮೆ ಘೋಷಿಸಿದ ದ್ರಾವಿಡ್​ ಅವರಿಗೆ ವಿಶ್ವವ್ಯಾಪಿ ವಿಶೇಷ ಗೌರವ, ಅಭಿನಂದನೆಗಳು ಹರಿದುಬಂದಿತು. ಕೋಚ್ ಹುದ್ದೆಯಿಂದ ರಾಹುಲ್ ಕೆಳಗಿಳಿಯುತ್ತಿದ್ದಂತೆ ಟೀಮ್ ಇಂಡಿಯಾದ ನೂತನ ಕೋಚ್ ಆಗಿ ಅಧಿಕಾರ ಸ್ವೀಕರಿಸಿರುವ ಗೌತಮ್ ಗಂಭೀರ್​, ಮುಂಬರುವ ಶ್ರೀಲಂಕಾ ವಿರುದ್ಧದ ವೈಟ್ ಬಾಲ್​ ಪಂದ್ಯಗಳಿಗೆ ಭಾರತ ತಂಡವನ್ನು ಮುನ್ನಡೆಸಲು ಸಜ್ಜಾಗಿದ್ದಾರೆ.

ಇದನ್ನೂ ಓದಿ: ಇದೇನು ನಿಮ್ಮ ಪಕ್ಷದ ಪಾರ್ಟಿ ಫಂಡ್ ಅಂದುಕೊಂಡಿದ್ದೀರಾ ಡಿಸಿಎಂ? ವಿಪಕ್ಷ ನಾಯಕ ಆರ್​. ಅಶೋಕ ವ್ಯಂಗ್ಯ

ಒಂದೆಡೆ ಶ್ರೀಲಂಕಾ ವಿರುದ್ಧದ ಪಂದ್ಯಕ್ಕೆ ಟೀಮ್ ಇಂಡಿಯಾ ಆಟಗಾರರು ಸಕಲ ತಯಾರಿ ಮಾಡಿಕೊಳ್ಳುತ್ತಿದ್ದರೆ, ಮತ್ತೊಂದೆಡೆ ಗೌತಮ್ ಗಂಭೀರ್​ ಅವರ ಬಾಲ್ಯದ ಕ್ರಿಕೆಟ್ ಕೋಚ್ ಸಂಜಯ್ ಭಾರದ್ವಾಜ್​ ನೀಡಿದ ಶಾಕಿಂಗ್ ಹೇಳಿಕೆ ಸದ್ಯ ಭಾರೀ ಚರ್ಚೆಗೆ ಕಾರಣವಾಗಿದೆ. ಭಾರತಕ್ಕೆ ಹೊಸ ಕೋಚ್ ಆಗಿರುವ ಗೌತಿ ಈ ಹಿಂದೆ ಕ್ಯಾಪ್ಟನ್ ಆಗಿದ್ದ ರೋಹಿತ್ ಶರ್ಮ ಮತ್ತು ವಿರಾಟ್ ಕೊಹ್ಲಿ ಕಡೆಗಣಿಸಿದ್ದ ಅದ್ಭುತ ಆಟಗಾರನ ಕರಿಯರ್​ಗೆ ಹೊಸ ಕಳೆ ನೀಡಲಿದ್ದಾರೆ ಎಂದು ಹೇಳಿದ್ದಾರೆ.

ಭಾರತ ತಂಡಕ್ಕೆ ವೇಗಿ ಸವದೀಪ್ ಸೇನಿ ಅವರನ್ನು ಗೌತಿ ಆಯ್ಕೆ ಮಾಡಲಿದ್ದಾರೆ. ಈ ಹಿಂದೆ ರವಿಶಾಸ್ರ್ತಿ ಕೋಚ್ ಆಗಿದ್ದ ಸಮಯದಲ್ಲಿ ವಿರಾಟ್ ಕ್ಯಾಪ್ಟನ್ ಆಗಿ ತಂಡವನ್ನು ಮುನ್ನಡೆಸಿದ್ದರು. ಇವರಿಬ್ಬರ ಅವಧಿಯಲ್ಲಿ ಕುಲದೀಪ್ ಯಾದವ್​ಗೆ ಮತ್ತು ಸೈನಿಗೆ ತಂಡದಲ್ಲಿ ಹೆಚ್ಚು ಅವಕಾಶ ಕೊಡಲಿಲ್ಲ. ಟಿ20 ವಿಶ್ವಕಪ್ ಗೆದ್ದ ತಂಡಕ್ಕೆ ನಾಯಕನಾಗಿದ್ದ ರೋಹಿತ್ ಶರ್ಮ ಮತ್ತು ಕೋಚ್ ಆಗಿದ್ದ ರಾಹುಲ್ ದ್ರಾವಿಡ್ ಅವರ ಅವಧಿಯಲ್ಲೂ ಕೂಡ ಸೈನಿಯನ್ನು ಲೆಕ್ಕಕ್ಕೆ ತೆಗೆದುಕೊಳ್ಳಲಿಲ್ಲ. ಇದು ಬೇಸರದ ಸಂಗತಿ ಎಂದರು.

ಇದನ್ನೂ ಓದಿ: ಹಾವೇರಿಯಲ್ಲಿ ಸತತ ಮಳೆಗೆ ಕುಸಿದ ಮನೆ: ಅವಳಿ ಮಕ್ಕಳು, ಮಹಿಳೆ ಸಾವು

ಈಗ ಭಾರತ ತಂಡಕ್ಕೆ ನೂತನ ಹೆಡ್ ಕೋಚ್ ಆಗಿರುವ ಗೌತಮ್ ಗಂಭೀರ್​ ಖಂಡಿತ ಇಂತಹ ಆಟಗಾರರನ್ನು ಪರಿಗಣಿಸುತ್ತಾರೆ. ಕುಲದೀಪ್ ಮತ್ತು ಸೈನಿ ಅಂತಹ ಕ್ರಿಕೆಟಿಗರು ಗೌತಿ ಅವರಂತೆಯೇ. 2024ರ ಐಪಿಎಲ್​ ಆವೃತ್ತಿಯಲ್ಲಿ ಕೆಕೆಆರ್​​ಗೆ ಮೆಂಟರ್​ ಆಗಿದ್ದ ಸಮಯದಲ್ಲಿಯೂ ಸುನಿಲ್ ನರೈನ್​ಗೆ ಗೌತಿ ಉತ್ತಮ ಅವಕಾಶ ಕಲ್ಪಿಸಿಕೊಟ್ಟರು. ಗಂಭೀರ್​ ಅವರ ಅವಲೋಕನ ಮತ್ತು ಕ್ರಿಕೆಟ್ ಚಾಣಾಕ್ಷತೆ ಯಾವಾಗಲೂ ಅತ್ಯುತ್ತಮ. ಅದರಲ್ಲಿ ಅನುಮಾನವಿಲ್ಲ ಎಂದು ಹೇಳಿದ್ದಾರೆ,(ಏಜೆನ್ಸೀಸ್). 

https://www.vijayavani.net/murderer-caught-by-police-dog-tunga-in-davangere