ಅಭ್ಯಾಸದಲ್ಲಿ ಧೋನಿ ಸಿಕ್ಸರ್​ಗಳ ಸುರಿಮಳೆ! 6 ವರ್ಷಗಳ ಬಳಿಕ ಚೆನ್ನೈ ಅಖಾಡದಲ್ಲಿ ಅಶ್ವಿನ್ ಮೋಡಿ​ | MS Dhoni

MS Dhoni:ಇದೇ ಮಾರ್ಚ್​ 22ರಿಂದ ಶುರುವಾಗಲಿರುವ ಐಪಿಎಲ್​ 18ನೇ ಆವೃತ್ತಿಗೆ ಈಗಾಗಲೇ ದಿನಗಣನೆ ಆರಂಭಗೊಂಡಿದೆ. 10 ಬಲಿಷ್ಠ ತಂಡಗಳ ನಡುವಿನ ರೋಚಕ ಪೈಪೋಟಿ ಕಣ್ತುಂಬಿಕೊಳ್ಳಲು ತೀವ್ರ ಕುತೂಹಲ, ಕಾತರ ಹೊರಹಾಕಿರುವ ಕ್ರಿಕೆಟ್ ಅಭಿಮಾನಿಗಳು, ಶುಭಾರಂಭ ಪಂದ್ಯದಲ್ಲಿ ಸೆಣಸಾಡಲಿರುವ ಆರ್​ಸಿಬಿ ಮತ್ತು ಕೋಲ್ಕತ ನೈಟ್​ ರೈಡರ್ಸ್​ ನಡುವಿನ ಪಂದ್ಯ ವೀಕ್ಷಣೆಗಾಗಿ ತುದಿಗಾಲಿನಲ್ಲಿ ಕಾಯುತ್ತಿದ್ದಾರೆ ಎಂದೇ ಹೇಳಬಹುದು.

ಇದನ್ನೂ ಓದಿ: ಜನರ ನಿದ್ದೆಗೆಡಿಸಿದ ಚಿರತೆ ಸೆರೆ ಪ್ರಮಾಣ ಪತ್ರ ದೊರೆತ ನಂತರ ಮೃಗಾಲಯಕ್ಕೆ ಚಿರತೆ ಶಿ-ï್ಟ

ಈಗಾಗಲೇ ಎಲ್ಲಾ ತಂಡಗಳು ಮೈದಾನದಲ್ಲಿ ಅಭ್ಯಾಸವನ್ನು ಪ್ರಾರಂಭಿಸಿವೆ. 10 ತಂಡಗಳ ಪೈಕಿ ಐದು ಬಾರಿ ಐಪಿಎಲ್ ಚಾಂಪಿಯನ್ಸ್​ ಆಗಿ ಮಿಂಚಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಅಭ್ಯಾಸದಲ್ಲಿ ತೊಡಗಿದೆ. ಸಿಎಸ್​ಕೆ ಎಂಬ ಹೆಸರು ಕೇಳಿದೊಡನೆ ಮೊದಲಿಗೆ ನೆನಪಾಗುವ ಹೆಸರು ಒಂದೇ, ಅದು ಮಹೇಂದ್ರ ಸಿಂಗ್ ಧೋನಿ. ಯೆಲ್ಲೋ ಆರ್ಮಿಯ ಮಾಜಿ ಕ್ಯಾಪ್ಟನ್​, ದಿಗ್ಗಜ ಕ್ರಿಕೆಟಿಗ ಮತ್ತೊಂದು ಆವೃತ್ತಿ ಚೆನ್ನೈ ಪರ ಆಡುತ್ತಿರುವುದು ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಕೆರಳಿಸಿದೆ.

ಮೊನ್ನೆಯಷ್ಟೇ ಚೆನ್ನೈಗೆ ಭಾರೀ ಭದ್ರೆತೆಯಲ್ಲಿ ಬಂದಿಳಿದ ಕ್ಯಾಪ್ಟನ್​ ಕೂಲ್​, ಹೆಚ್ಚು ಸಮಯ ವ್ಯರ್ಥ ಮಾಡದೆ ಮೈದಾನಕ್ಕಿಳಿದು ಅಭ್ಯಾಸ ಶುರು ಮಾಡಿದ್ದಾರೆ. ಚಿರ ಯುವಕನಂತೆ ಕ್ರೀಡಾಂಗಣದಲ್ಲಿ ಕಸರತ್ತು ನಡೆಸುತ್ತಿರುವ ಮಾಹಿ, 43ನೇ ವಯಸ್ಸಿನಲ್ಲಿಯೂ ಅಬ್ಬರದ ಬ್ಯಾಟಿಂಗ್​ ಮುಂದುವರಿಸಿದ್ದಾರೆ. ಕಳೆದ ಆವೃತ್ತಿಯಲ್ಲಿ ತೋರಿದ ಸಿಕ್ಸರ್​ ಪ್ರದರ್ಶನವನ್ನೂ ಇಂದಿನ ಅಭ್ಯಾಸದಲ್ಲಿಯೂ ಪ್ರದರ್ಶಿಸಿದ್ದಾರೆ. ಅದಕ್ಕೆ ತಂಡ ಹಂಚಿಕೊಂಡಿರುವ ಈ ವಿಡಿಯೋ ಸಾಕ್ಷಿ.

ಇದನ್ನೂ ಓದಿ: ಬೆಳಗಾವಿಯ ಎಸ್‌. ನಿಜಲಿಂಗಪ್ಪ ಸಕ್ಕರೆ ಸಂಸ್ಥೆಯಿಂದ ಸಕ್ಕರೆ ತಂತ್ರಜ್ಞಾನದಲ್ಲಿ ಎಂ.ಎಸ್ಸಿ ಕೋರ್ಸ್‌ ಆರಂಭಿಸಲು ನಿರ್ಧರ

ಇಡೀ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಸದಸ್ಯರೆಲ್ಲರೂ ಮೈದಾನಕ್ಕಿಳಿದು ಅಭ್ಯಾಸವನ್ನು ಪ್ರಾರಂಭಿಸಿದ್ದಾರೆ. ಈ ಸಾಲಿನಲ್ಲಿ ಅಭಿಮಾನಿಗಳ ಗಮನವನ್ನು ಮತ್ತೊಮ್ಮೆ ಸೆಳೆದಿರುವ 'ಕ್ಯಾಪ್ಟನ್ ಕೂಲ್'​, ಅಭ್ಯಾಸದಲ್ಲಿಯೂ ಸಿಕ್ಸರ್​ಗಳ ಸುರಿಮಳೆಯನ್ನು ಹರಿಸಿದ್ದಾರೆ. ಇದನ್ನು ನೋಡಿದ ಧೋನಿ ಅಭಿಮಾನಿಗಳು ಭಾರೀ ಸಂತಸ ವ್ಯಕ್ತಪಡಿಸಿದ್ದಾರೆ. ಇನ್ನು ಆರು ವರ್ಷಗಳ ಬಳಿಕ ಮತ್ತೆ ಚೆನ್ನೈಗೆ ಹಿಂತಿರುಗಿರುವ ಸ್ಪಿನ್​ ಮಾಂತ್ರಿಕ ರವಿಚಂದ್ರನ್ ಅಶ್ವಿನ್​, ಬ್ಯಾಟರ್​ಗಳ ಮೇಲೆ ತಮ್ಮ ಬೌಲಿಂಗ್ ಚಳಕವನ್ನು ಪ್ರದರ್ಶಿಸಿದ್ದಾರೆ.

ಸಿಎಸ್‌ಕೆ-ಅಶ್ವಿನ್​ ನಂಟು

2025ರ ಐಪಿಎಲ್​ ಹರಾಜಿನಲ್ಲಿ 9.75 ಕೋಟಿ ರೂ.ಗೆ ಸಹಿ ಹಾಕಿದ ಅಶ್ವಿನ್, ತಮ್ಮ ಐಪಿಎಲ್ ವೃತ್ತಿಜೀವನವನ್ನು 2009ರಲ್ಲಿ ಇದೇ ಚೆನ್ನೈ ಸೂಪರ್​ ಕಿಂಗ್ಸ್ ತಂಡದೊಂದಿಗೆ ಪ್ರಾರಂಭಿಸಿದ್ದರು. ಈ ಮಧ್ಯೆ ಸಿಎಸ್​ಕೆ ಎರಡು ವರ್ಷಗಳ ಕಾಲ ಐಪಿಎಲ್​ನಿಂದ ಬ್ಯಾನ್​ ಆದ ಕಾರಣ, ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್​ ತಂಡದಲ್ಲಿ ಆಡಿದರು. ಆ ನಂತರ ಪಂಜಾಬ್ ಕಿಂಗ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್‌ ತಂಡಗಳ ಪರ ಮಿಂಚಿದರು. ಇದೀಗ ಆರು ವರ್ಷಗಳ ಬಳಿಕ ಮತ್ತೇ ಸಿಎಸ್​ಕೆ ಪರ ಆಡುತ್ತಿರುವುದು ಅವರ ಅಭಿಮಾನಿಗಳಲ್ಲಿ ಉತ್ಸಾಹ ಹೆಚ್ಚಿಸಿದೆ,(ಏಜೆನ್ಸೀಸ್).

https://www.vijayavani.net/gold-price-has-dropped-what-is-the-reason