ಚೀನಾ, ಉತ್ತರ ಕೊರಿಯಾ, ಥಾಯ್ಲೆಂಡ್ ಲಿಫ್ಟರ್ಗಳ ಪ್ರಬಲ ಸ್ಪರ್ಧೆಯ ನಡುವೆ ಮಣಿಪುರದ ತಾರೆ ಮೀರಾಬಾಯಿ ಏಷ್ಯಾಡ್ ಪದಕದ ಬರ ನೀಗಿಸಲು ಪ್ರಯತ್ನಿಸಲಿದ್ದಾರೆ. ಮೀರಾ ಕ್ಲೀನ್ ಆಂಡ್ ಜರ್ಕ್ನಲ್ಲಿ ಬಲಿಷ್ಠವಾಗಿದ್ದರೂ, ಸ್ನ್ಯಾಚ್ನಲ್ಲಿ ಹೆಚ್ಚಿನ ಭಾರ ಎತ್ತಲು ಶಕ್ತರಾಗದಿರುವುದು ಹಿನ್ನಡೆಯಾಗಿದೆ. ಸ್ನ್ಯಾಚ್ನಲ್ಲಿ 90 ಕೆಜಿಗಿಂತ ಅಧಿಕ ಭಾರ ಎತ್ತಬಲ್ಲ ನಾಲ್ವರು ಲಿಫ್ಟರ್ಗಳು ಕಣದಲ್ಲಿದ್ದರೆ, ಮೀರಾ ಗರಿಷ್ಠ 88 ಕೆಜಿ ಭಾರ ಮಾತ್ರ ಎತ್ತಿದ್ದಾರೆ. ಹೀಗಾಗಿ ಮೀರಾಗೆ ಇಲ್ಲಿ ಪದಕ ಗೆಲ್ಲುವುದು ಒಲಿಂಪಿಕ್ಸ್ಗಿಂತಲೂ ಕಠಿಣವಾಗಿರಲಿದೆ. ಅಲ್ಲದೆ ಮೀರಾ ಸ್ನ್ಯಾಚ್ನಲ್ಲಿ 90 ಕೆಜಿಗಿಂತ ಅಧಿಕ ಭಾರ ಎತ್ತಿದರೆ ಮಾತ್ರ ಪದಕದ ನಿರೀಕ್ಷೆ ಇಡಬಹುದಾಗಿದೆ. ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಮತ್ತು ಕಾಮನ್ವೆಲ್ತ್ ಗೇಮ್ಸ್ನಲ್ಲಿ 2 ಬಾರಿ ಚಿನ ಗೆದ್ದಿರುವ 29 ವರ್ಷದ ಮೀರಾ, ಏಷ್ಯಾಡ್ನಲ್ಲಿ ಒಮ್ಮೆಯೂ ಪದಕ ಗೆದ್ದಿಲ್ಲ. 2014ರಲ್ಲಿ 9ನೇ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದರೆ, 2018ರಲ್ಲಿ ಗಾಯದಿಂದಾಗಿ ಸ್ಪರ್ಧಿಸಿರಲಿಲ್ಲ.
