ನ್ಯೂಜಿಲೆಂಡ್ ಇನಿಂಗ್ಸ್ನ 46ನೇ ಓವರ್ನಲ್ಲಿ ಬಾಂಗ್ಲಾ ಬೌಲರ್ ಹಸನ್ ಮಹ್ಮುದ್, ನಾನ್&ಸ್ಟ್ರೆ$ಕರ್ನಲ್ಲಿ ಬೇಗನೆ ಕ್ರೀಸ್ ಬಿಟ್ಟ ಬ್ಯಾಟರ್ ಇಶ್ ಸೋಧಿಯನ್ನು ರನೌಟ್ ಮಾಡಿದರು. ಅಂಪೈರ್ ಮರಾಯಿಸ್ ಎರಾಸ್ಮಸ್ ಅದನ್ನು ತೃತೀಯ ಅಂಪೈರ್ ಪರಿಶೀಲನೆಗೆ ತೆಗೆದುಕೊಂಡು ಹೋದಾಗ ಅವರು ಔಟ್ ತೀರ್ಪು ಕೂಡ ನೀಡಿದರು. ಆಗ ಸೋಧಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕಲಾರಂಭಿಸಿದರು. ಆ ಸಮಯದಲ್ಲಿ ನಿರ್ಧಾರವನ್ನು ಬದಲಾಯಿಸಿದ ಬಾಂಗ್ಲಾದೇಶದ ಹಂಗಾಮಿ ನಾಯಕ ಲಿಟನ್ ದಾಸ್, ಅಂಪೈರ್ ಜತೆ ಚರ್ಚಿಸಿ ಸೋಧಿ ಅವರನ್ನು ಮತ್ತೆ ಬ್ಯಾಟಿಂಗ್ಗೆ ಕರೆಸಲು ಮುಂದಾದರು. ಈ ವೇಳೆ ಬೌಲರ್ ಹಸನ್ ಮಹ್ಮುದ್, ಜೋರಾಗಿ ಕೂಗಿ ಇಶ್ ಸೋಧಿಯನ್ನು ವಾಪಸ್ ಕರೆದರು. ಆಗ ಖುಷಿಯಿಂದಲೇ ಬಂದ ಇಶ್ ಸೋಧಿ, ಬೌಲರ್ ಹಸನ್ ಮಹ್ಮುದ್ರನ್ನು ಅಪ್ಪಿಕೊಂಡು ಧನ್ಯವಾದ ತಿಳಿಸಿದರು. ಈ ದೃಶ್ಯ ಕ್ರಿಕೆಟ್ ಪ್ರೇಮಿಗಳ ಹೃದಯ ತುಂಬಿ ಬರುವಂತೆ ಮಾಡಿತು.
