ಏಷ್ಯಾಕಪ್​ಗೆ ಟೀಮ್​ ಇಂಡಿಯಾ ಜೆರ್ಸಿಯಲ್ಲಿ 'ಪಾಕಿಸ್ತಾನ'!

ನವದೆಹಲಿ: ಟೀಮ್​ ಇಂಡಿಯಾ ಆಟಗಾರರು ಮುಂಬರುವ ಏಷ್ಯಾಕಪ್​ ವೇಳೆ ಮೊದಲ ಬಾರಿಗೆ 'ಪಾಕಿಸ್ತಾನ' ಎಂದು ಬರೆದ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದ್ದಾರೆ!

ಏಷ್ಯಾಕಪ್​ಗೆ ಪಾಕಿಸ್ತಾನ ಮೂಲ ಆತಿಥೇಯ ದೇಶ ಆಗಿರುವುದರಿಂದ ಟೂರ್ನಿಯ ಲಾಂಛನದ ಜತೆಗೆ ಅದರ ಹೆಸರಿದೆ. ಹೀಗಾಗಿ ಭಾರತ ತಂಡದ ಜೆರ್ಸಿಯ ಬಲ ಎದೆಭಾಗದಲ್ಲಿ ಟೂರ್ನಿಯ ಲಾಂಛನವನ್ನು ಮುದ್ರಿಸಿದಾಗ ಅದರಲ್ಲಿ ಪಾಕಿಸ್ತಾನದ ಹೆಸರು ಕೂಡ ದಾಖಲಾಗಿದೆ. ಎಡ ಎದೆಭಾಗದಲ್ಲಿ ಬಿಸಿಸಿಐ ಲಾಂಛನ ಇರುತ್ತದೆ.

ಈ ಮುನ್ನ 2021ರಲ್ಲಿ ಭಾರತದ ಆತಿಥ್ಯದ ಟಿ20 ವಿಶ್ವಕಪ್​ ಯುಎಇಯಲ್ಲಿ ನಡೆದಾಗ ಪಾಕಿಸ್ತಾನ ತಂಡ ಟೂರ್ನಿ ಲಾಂಛನದೊಂದಿಗೆ 'ಇಂಡಿಯಾ' ಎಂದು ಬರೆದ ಜೆರ್ಸಿ ಧರಿಸಿ ಆಡಿತ್ತು ಎಂಬುದು ಗಮನಾರ್ಹ.

https://www.vijayavani.net/unveil-the-ksca-maharaja-trophy-t20-trophy

https://www.vijayavani.net/fire-breaks-out-at-eden-gardens-dressing-room-during-renovation-work-before-world-cup