ಪ್ಯಾರಿಸ್​ ಒಲಿಂಪಿಕ್ಸ್​ಗೆ ಕಠಿಣ ಅಭ್ಯಾಸದಿಂದ ಮನು ಭಾಕರ್​ ಕೈಯಲ್ಲಿ ಮೂಡಿದೆ ಗನ್​ ಗುರುತು!

ಪ್ಯಾರಿಸ್​: ಕಳೆದ 6 ವರ್ಷಗಳಿಂದ ಪ್ರತಿದಿನ 6 ಗಂಟೆಗಳ ಕಾಲ 1.4 ಕೆಜಿ ಭಾರದ ಪಿಸ್ತೂಲ್​ ಹಿಡಿದು ಅಭ್ಯಾಸ ನಡೆಸುವ ಮನು ಭಾಕರ್​ ಬಲಗೈಯಲ್ಲಿ ಜಜ್ಜಿದ ಗಾಯದ ಗುರುತು ಶಾಶ್ವತವಾಗಿ ಉಳಿದುಕೊಂಡು ಬಿಟ್ಟಿದೆ. ಏನೇ ಮಾಡಿದರೂ ಈ ಗುರುತು ಹೋಗುತ್ತಿಲ್ಲ ಎಂದು ಮನು ಕೈ ತೋರಿಸಿ ಹೇಳಿದ್ದಾರೆ. ನಿಮ್ಮ ಅವಳಿ ಕಂಚಿನ ಸಾಧನೆಯೂ ಅದೇ ರೀತಿ ಶಾಶ್ವತವಾಗಿ ಉಳಿಯುವಂಥದ್ದು ಎಂಬುದು ಅವರ ಅಭಿಮಾನಿಗಳ ನುಡಿಯಾಗಿದೆ.

"ಟೋಕಿಯೊದಲ್ಲಿ ನಾನು ಆತ್ಮವಿಶ್ವಾಸ ಹೊಂದಿರಲಿಲ್ಲ. ಪ್ರತಿಯೊಂದಕ್ಕೂ ಹೆದರುತ್ತಿದ್ದೆ. ಆದರೆ ಈ ಬಾರಿ ಪ್ಯಾರಿಸ್​ನಲ್ಲಿ ಹೆಚ್ಚು ಆತ್ಮವಿಶ್ವಾಸದೊಂದಿಗೆ ಕಣಕ್ಕಿಳಿದೆ. ಅನುಭವದಿಂದ ನಾನು ಪಕ್ವಗೊಂಡಿದ್ದೆ. ಪ್ರಮುಖವಾಗಿ ನನ್ನ ಕೋಚ್​ ಜಸ್ಪಾಲ್​ ರಾಣಾ ಅವರಿಂದಾಗಿ ಆ ಆತ್ಮವಿಶ್ವಾಸ ಲಭಿಸಿತು. ಈ ಸ್ಪರ್ಧೆಗಳಿಗಿಂತ ಅವರು ನೀಡುವ ತರಬೇತಿಯೇ ಕಠಿಣವಾಗಿರುತ್ತದೆ. ತರಬೇತಿಯ ವೇಳೆ ಕಲಿತಿದ್ದನ್ನು ಸ್ಪರ್ಧೆಯ ವೇಳೆ ಪುನರಾವರ್ತಿಸುವುದಷ್ಟೇ ನನ್ನ ಕೆಲಸವಾಗಿರುತ್ತದೆ. ಪ್ರತಿ ವ್ಯಕ್ತಿಯ ಜೀವನದಲ್ಲಿ ಅನುಭವ ಕಲಿಸುವ ಪಾಠ ಎಲ್ಲಕ್ಕಿಂತ ದೊಡ್ಡದು' ಎಂದು ಮನು ಭಾಕರ್​ ಹೇಳಿದ್ದಾರೆ.

https://www.vijayavani.net/railways-ticket-collector-swapnil-kusale-who-won-a-medal-in-the-paris-olympics-cricket-star-dhoni-is-the-inspiration