ಮಹಾರಾಷ್ಟ್ರ ಸರ್ಕಾರದ ಕ್ರೀಡಾ ಪ್ರಭೋದಿನಿ ಯೋಜನೆಯಡಿಯಲ್ಲಿ ಬೆಳಕಿಗೆ ಬಂದಿದ್ದ ಸ್ವಪ್ನಿಲ್ ಕುಸಾಲೆ ಫೈನಲ್ನ ಮೊದಲ ಹಂತದಲ್ಲಿ (ಮಂಡಿಯೂರಿದ ಭಂಗಿ) ಕ್ರಮವಾಗಿ 50.8, 50.9, 51.6 ಅಂಕ ಗಳಿಸಿದರೆ, 2ನೇ ಹಂತದಲ್ಲಿ (ಕೆಳಮುಖವಾಗಿ ಮಲಗಿದ ಭಂಗಿ) ಕ್ರಮವಾಗಿ 52.7, 52.2, 51.9 ಅಂಕ ಗಳಿಸಿದರು. ನಿರ್ಣಾಯಕ ಕೊನೇ ಹಂತದಲ್ಲಿ (ನಿಂತ ಭಂಗಿ) 51.1, 50.4 ಅಂಕ ಗಳಿಸಿದರು. ಬಳಿಕ ನಿರ್ಣಾಯಕ ಎಲಿಮಿನೇಷನ್ ಸುತ್ತಿನಲ್ಲಿ ಕ್ರಮವಾಗಿ 10.5, 9.4, 9.9, 10.0 ಅಂಕ ಗಳಿಸಿ 3ನೇ ಸ್ಥಾನ ಕಾಯ್ದುಕೊಂಡರು. ಚೀನಾದ ಯುಕುನ್ ಲಿಯು (463.6) ಮತ್ತು ಯೂಕ್ರೇನ್ನ ಸೆರ್ಹಿಯ್ ಕುಲಿಶ್ (461.3) ಬೆಳ್ಳಿ ಪದಕ ಜಯಿಸಿದರು. ಮೊದಲ 2 ಸುತ್ತುಗಳಲ್ಲಿ ಅಗ್ರಸ್ಥಾನದಲ್ಲಿದ್ದ ನಾರ್ವೆಯ ಹೆಗ್ ಜಾನ್ ಹೆರ್ಮನ್ (430.2) ಅಂತಿಮವಾಗಿ 5ನೇ ಸ್ಥಾನಕ್ಕೆ ತೃಪ್ತಿಪಟ್ಟರೆ, ಮತ್ತೋವ್ ಪ್ರಮುಖ ಸ್ಪರ್ಧಿ ಜೆಕ್ ಗಣರಾಜ್ಯದ ಪ್ರಿರ್ವಟ್ಸ್ಕಿ ಜಿರಿ (440.7) 4ನೇ ಸ್ಥಾನದೊಂದಿಗೆ ನಿರಾಸೆ ಅನುಭವಿಸಿದರು.
