ಮನಿಕಾ ಬಾತ್ರಾ ಜತೆಗೂಡಿ ಟಿಟಿ ಪ್ರಶಸ್ತಿ ಗೆದ್ದ ಕನ್ನಡತಿ ಅರ್ಚನಾ ಕಾಮತ್

ಲಾಸ್ಕೋ (ಸ್ಲೊವೇನಿಯ): ಅನುಭವಿ ಆಟಗಾರ್ತಿ ಮನಿಕಾ ಬಾತ್ರಾ ಮತ್ತು ಕನ್ನಡತಿ ಅರ್ಚನಾ ಕಾಮತ್ ಜೋಡಿ ಡಬ್ಲ್ಯುಟಿಟಿ ಕಂಟೆಂಡರ್ ಲಾಸ್ಕೋ ಟೇಬಲ್ ಟೆನಿಸ್ ಟೂರ್ನಿಯಲ್ಲಿ ಮಹಿಳಾ ಡಬಲ್ಸ್ ವಿಭಾಗದ ಪ್ರಶಸ್ತಿ ಜಯಿಸಿದೆ. ಮನಿಕಾ-ಅರ್ಚನಾ ಜತೆಯಾಗಿ ಗೆದ್ದ ಮೊದಲ ಪ್ರಶಸ್ತಿ ಇದಾಗಿದೆ.

ವಿಶ್ವ ನಂ. 36 ಮನಿಕಾ-ಅರ್ಚನಾ ಜೋಡಿ 23ನೇ ಶ್ರೇಯಾಂಕಿತ ಪೋರ್ಟೋರಿಕೋದ ಮೆಲಾನಿ ಡಯಾಜ್ ಮತ್ತು ಆಂಡ್ರಿಯಾನಾ ಡಯಾಜ್ ಜೋಡಿಯನ್ನು 11-3, 11-8, 12-10ರಿಂದ ಸೋಲಿಸಿತು. 3ನೇ ಟೆಸ್ಟ್‌ನಲ್ಲಿ 4 ಗೇಮ್ ಪಾಯಿಂಟ್ ರಕ್ಷಿಸಿಕೊಳ್ಳುವ ಮೂಲಕ ಮನಿಕಾ-ಅರ್ಚನಾ ಜೋಡಿ ಗೆಲುವು ಒಲಿಸಿಕೊಂಡಿತು.

ಅವರು ಸೆಮೀಸ್‌ನಲ್ಲಿ ಚೀನಾದ ಲಿಯು ವೆಶಾನ್ ಮತ್ತು ವಾಂಗ್ ಯಿಡಿ ಜೋಡಿಗೆ ಆಘಾತ ನೀಡಿದ್ದರು. ಮನಿಕಾ ಸಿಂಗಲ್ಸ್ ವಿಭಾಗದಲ್ಲಿ ಕಂಚು ಜಯಿಸಿದ್ದರೆ, ಅರ್ಚನಾ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಮಾನವ್ ಠಕ್ಕರ್ ಜತೆಗೂಡಿ ಕಂಚು ಗೆದ್ದರು.

https://www.vijayavani.net/india-ousted-as-new-zealand-clinch-semifinal-spot-with-comprehensive-win-over-afghans/