ಲಾಹೋರ್: ಜೂ. 01ರಿಂದ ಪ್ರಾರಂಭವಾದ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ಮೊದಲ ಹಂತದಲ್ಲೇ ತವರಿಗೆ ಓಡಿ ಬಂದ ಪಾಕಿಸ್ತಾನ, ಕ್ಯಾಪ್ಟನ್ ಬಾಬರ್ ಆಜಂ ನೇತೃತ್ವದಲ್ಲಿ ಭಾರೀ ಮುಖಭಂಗ ಎದುರಿಸಿತು. ಆದಾದ ನಂತರವು ಕೆಲವು ಸರಣಿಯನ್ನು ಆಡಿದ ತಂಡ ಉತ್ತಮ ಪ್ರದರ್ಶನ ನೀಡುವಲ್ಲಿ ಮಕಾಡೆ ಮಲಗಿತು. ವ್ಯಾಪಕ ಟೀಕೆ, ವ್ಯಂಗ್ಯಗಳ ಮಧ್ಯೆ ಫಿಕ್ಸಿಂಗ್ ಆರೋಪಗಳನ್ನು ಎದುರಿಸಿದ ಪಾಕ್ ಕ್ರಿಕೆಟ್ ಟೀಮ್, ಬಾಬರ್ ನಾಯಕತ್ವದಲ್ಲಿಯೇ ಏನೋ ಒಂದು ಸಮಸ್ಯೆಯಿದೆ ಎಂದು ನಿರ್ಧರಿಸಿ ಅವರನ್ನು ಕ್ಯಾಪ್ಟನ್ ಸ್ಥಾನದಿಂದ ಕೆಳಗಿಳಿಸಿತು. ಆಜಂ ಬದಲಿಗೆ ನಾಯಕನಾಗಿ ಶಾನ್ ಮಸೂದ್ರನ್ನು ಕ್ಯಾಪ್ಟನ್ ಮಾಡಿದ ಪಿಸಿಬಿ ಕಂಡಿದ್ದು ಹೀನಾಯ ಸೋಲು ಬಿಟ್ಟರೆ ಮತ್ತೇನು ಅಲ್ಲ. ಸದಾ ಟೀಮ್ ಇಂಡಿಯಾವನ್ನು ಗುರಿಯಾಗಿಸಿ, ಟೀಕಿಸುವ ಪಾಕ್ನ ಮಾಜಿ ಹಿರಿಯ ಆಟಗಾರ ಬಸಿತ್ ಅಲಿ ಇದೀಗ ಪಾಕ್ಗೆ ಯಾರು ಬೆಸ್ಟ್ ಕ್ಯಾಪ್ಟನ್ ಎಂಬುದನ್ನು ಬಹಿರಂಗವಾಗಿ ಹೇಳಿದ್ದಾರೆ.
