ಗುರುವಾರ ರಾತ್ರಿಯ ವೇಳೆ ಅಚಿಂತ ಲೇಡಿಸ್ ಹಾಸ್ಟೆಲ್ಗೆ ಅಕ್ರಮ ಪ್ರವೇಶ ಮಾಡಲು ಯತ್ನಿಸಿದಾಗ ಭದ್ರತಾ ಸಿಬ್ಬಂದಿ ತಡೆದಿದ್ದರು. ಈ ಟನೆಯ ವಿಡಿಯೋ ಕೂಡ ನಂತರದಲ್ಲಿ ವೈರಲ್ ಆಗಿತ್ತು. ಈ ವಿಡಿಯೋ ಪ್ರಮುಖ ಸಾಕ್ಷ್ಯ ಆಗಿದ್ದರಿಂದ ಯಾವುದೇ ಹೆಚ್ಚಿನ ತನಿಖೆಯನ್ನೂ ನಡೆಸದೆ ಅಚಿಂತ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗಿದೆ. ಶಿಬಿರದಿಂದ ಹೊರಬಿದ್ದಿರುವುದರಿಂದ ಅಚಿಂತ, ಈ ತಿಂಗಳು ಥಾಯ್ಲೆಂಡ್ನ ಫುಕೆಟ್ನಲ್ಲಿ ಒಲಿಂಪಿಕ್ಸ್ ಅರ್ಹತೆಗಾಗಿ ನಡೆಯಲಿರುವ ಐಡಬ್ಲ್ಯುಎಫ್ ವಿಶ್ವಕಪ್ನಲ್ಲಿ ಸ್ಪರ್ಧಿಸುವ ಅವಕಾಶ ತಪ್ಪಿಸಿಕೊಂಡಿದ್ದಾರೆ. ಇದು ಅವರ ಪ್ಯಾರಿಸ್ ಒಲಿಂಪಿಕ್ಸ್ ಕನಸನ್ನೂ ಭಗ್ನಗೊಳಿಸಿದೆ. ಒಲಿಂಪಿಕ್ಸ್ ಅರ್ಹತಾ ರ್ಯಾಂಕಿಂಗ್ನಲ್ಲಿ 27ನೇ ಸ್ಥಾನದಲ್ಲಿದ್ದ ಅಚಿಂತ, ಕಾಂಟಿನೆಂಟಲ್ ಕೋಟಾದಲ್ಲಿ ಅರ್ಹತೆ ಅವಕಾಶ ಹೊಂದಿದ್ದರು.
