ಬ್ಯಾಟರ್ಗಳಿಗೆ ಸವಾಲೊಡ್ಡುವಂಥ ಶಾರ್ಜಾ ಪಿಚ್ನಲ್ಲಿ ಡೆಲ್ಲಿ ತಂಡ ರನ್ ಗಳಿಸಲು ಪರದಾಡಿದರೆ, ಕೆಕೆಆರ್ ಆರಂಭಿಕರಾದ ವೆಂಕಟೇಶ್ ಅಯ್ಯರ್ (55 ರನ್, 41 ಎಸೆತ, 4 ಬೌಂಡರಿ, 3 ಸಿಕ್ಸರ್) ಮತ್ತು ಶುಭಮಾನ್ ಗಿಲ್ (46 ರನ್, 46 ಎಸೆತ, 1 ಬೌಂಡರಿ, 1 ಸಿಕ್ಸರ್) ಸರಾಗವಾಗಿ ಬ್ಯಾಟ್ ಬೀಸಿದರು. ಪವರ್ಪ್ಲೇನಲ್ಲೇ 51 ರನ್ ಕಸಿದ ಈ ಜೋಡಿ ಕೆಕೆಆರ್ ಚೇಸಿಂಗ್ಗೆ ಬಲ ತುಂಬಿತು. ತಾಳ್ಮೆಯ ಆಟದೊಂದಿಗೆ ಗಿಲ್ ಒದಗಿಸಿದ ಬೆಂಬಲದಿಂದ ವೆಂಕಟೇಶ್ ಅಯ್ಯರ್ 38 ಎಸೆತಗಳಲ್ಲೇ ಟೂರ್ನಿಯ 3ನೇ ಅರ್ಧಶತಕ ಪೂರೈಸಿದರು. ವೆಂಕಟೇಶ್-ಗಿಲ್ ಜೋಡಿ ಬೇರ್ಪಟ್ಟ ಬಳಿಕ ಕೆಕೆಆರ್ 7 ರನ್ಗೆ 6 ವಿಕೆಟ್ ಕಳೆದುಕೊಂಡು ದಿಢೀರ್ ಕುಸಿತ ಕಂಡಿತು. ಕೊನೇ ಓವರ್ನಲ್ಲಿ 7 ರನ್ ಬೇಕಿದ್ದಾಗ ಅಶ್ವಿನ್ 2 ವಿಕೆಟ್ ಕಬಳಿಸಿದರೂ, ರಾಹುಲ್ ತ್ರಿಪಾಠಿ (12*) 5ನೇ ಎಸೆತದಲ್ಲಿ ಸಿಕ್ಸರ್ ಸಿಡಿಸಿ ಕೆಕೆಆರ್ ಗೆಲ್ಲಿಸಿದರು. ಟೂರ್ನಿಯ ಎರಡೂ ಚರಣಗಳಲ್ಲಿ ಸ್ಥಿರ ನಿರ್ವಹಣೆ ತೋರಿ 10 ಜಯದೊಂದಿಗೆ ಲೀಗ್ ಹಂತದಲ್ಲಿ ಅಗ್ರಸ್ಥಾನ ಅಲಂಕರಿಸಿದ್ದ ರಿಷಭ್ ಪಂತ್ ಬಳಗ ಸತತ 2ನೇ ಬಾರಿ ಫೈನಲ್ಗೇರುವಲ್ಲಿ ಮುಗ್ಗರಿಸಿತು.
