ತಿರುವನಂತಪುರಂ: ದೇವರ ನಾಡು ಕೇರಳದಲ್ಲಿ ಕ್ರಿಕೆಟ್ಗಿಂತಲೂ ಫುಟ್ಬಾಲ್ಗೆ ಒಲವು ಜಾಸ್ತಿ. ರಾಷ್ಟ್ರೀಯ ಫುಟ್ಬಾಲ್ ತಂಡಕ್ಕೆ ಹಲವು ಆಟಗಾರರನ್ನು ಕೇರಳ ಕೊಟ್ಟಿದೆ. ಇದೀಗ ಕೇವಲ 12 ವರ್ಷದ ಬಾಲಕನೊಬ್ಬನ ಫ್ರಿಕ್ ಕಿಕ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಕೇರಳ ಮಲಪ್ಪುರಂನ ಶಾಲಾ ಬಾಲಕನೊಬ್ಬ ಫುಟ್ಬಾಲ್ ಗೋಲ್ಪೋಸ್ಟ್ನ ಮೇಲ್ಬಾಗದಲ್ಲಿ ಇಟ್ಟಿದ್ದ ಸಣ್ಣ ರಿಂಗ್ ಒಳಗೆ ಕಿಕ್ ಒದೆಯುವ ಮೂಲಕ ಗಮನಸೆಳೆದಿದ್ದಾನೆ. ಮೆಸ್ಸಿ ಅವರ ಅಪ್ಪಟ್ಟ ಅಭಿಮಾನಿಯಾಗಿರುವ ಮಿಶಾಲ್, ಅರ್ಜೆಂಟೀನಾ ಹಾಗೂ ಬಾರ್ಸಿಲೋನಾ ಫುಟ್ಬಾಲ್ ತಂಡದ ಜೆರ್ಸಿ ತೊಟ್ಟು ಫ್ರಿ ಕಿಕ್ ಮಾಡಿದ್ದಾನೆ. ಮೆಸ್ಸಿ ಬಿಟ್ಟರೆ ಮಿಶಾಲ್ಗೆ ಪೋರ್ಚುಗಲ್ ತಂಡದ ಕ್ರಿಶ್ಚಿಯಾನೊ ರೋನಾಲ್ಡೊ ಅವರ ಎರಡನೇ ಅಭಿಮಾನಿಯಂತೆ.
