ಎಂಐ, ಎಲ್​ಎಸ್​ಜಿ ಬಳಿಕ ಸಾವಿರ ಕೋಟಿ ರೂ. ಕೊಟ್ಟು ಹೊಸ ತಂಡ ಖರೀದಿಸಿದ SRH ಒಡತಿ!

ಚೆನ್ನೈ: ಐಪಿಎಲ್​ನ ಸುಪ್ರಸಿದ್ದ ಪ್ರಾಂಚೈಸಿಗಳು ಒಂದರ ಹಿಂದರಂತೆ ಹಂಡ್ರೆಡ್ ಲೀಗ್ ಪ್ರವೇಶಿಸುತ್ತಿದ್ದು, ಮುಂಬೈ ಇಂಡಿಯನ್ಸ್ ಹಾಗೂ ಎಲ್​​ಎಸ್​ಜಿ ಈಗಾಗಲೇ ತಂಡಗಳನ್ನು ಖರೀದಿಸುವ ಮೂಲಕ ಲೀಗ್​ಗೆ ಎಂಟ್ರಿ ನೀಡಿವೆ. ಇದೀಗ 17ನೇ ಆವೃತ್ತಿಯ ರನ್ನರ್​ಅಪ್ ಸನ್​ರೈಸರ್ಸ್​ ಹೈದರಾಬಾದ್​ (SRH) ಫ್ರಾಂಚೈಸಿ ಮಾಲೀಕರು ಕೂಡ ಹಂಡ್ರೆಡ್​ ಲೀಗ್​ಗೆ ಎಂಟ್ರಿ ಕೊಟ್ಟಿದ್ದು, ಭಾರೀ ಮೊತ್ತಕ್ಕೆ ತಂಡವೊಂದರ ಸಂಪೂರ್ಣ ಷೇರುಗಳನ್ನ ಸ್ವಾದೀನಪಡಿಸಿಕೊಳ್ಳುವ ಮೂಲಕ ಎಲ್ಲರ ಗಮನ ಸೆಳೆದಿದೆ.

ಐಪಿಎಲ್​ನ ಯಶಸ್ವಿ ಫ್ರಾಂಚೈಸಿಗಳಲ್ಲಿ ಒಂದಾದ ಸನ್‌ರೈಸರ್ಸ್ ಹೈದರಾಬಾದ್ (SRH) ತಂಡವು ನಾರ್ದರ್ನ್ ಸೂಪರ್‌ಚಾರ್ಜರ್ಸ್‌ ತಂಡದ ಸಂಪೂರ್ಣ ಷೇರುಗಳನ್ನ ಸ್ವಾದೀನಪಡಿಸಿಕೊಂಡಿದ್ದು, ಈ ಮೂಲಕ ಹಂಡ್ರೆಡ್ ಲೀಗ್ ಪ್ರವೇಶಿಸಿದ ಮೂರನೇ ಐಪಿಎಲ್ ತಂಡ ಎಂಬ ಹೆಗ್ಗಳಿಕೆಗೆ ಸನ್ ಗ್ರೂಪ್ ಪಾತ್ರವಾಗಿದೆ.

ಹಂಡ್ರೆಡ್​ ಲೀಗ್​ಗೆ ನಡೆದ ಬಿಡ್ಡಿಂಗ್​ನಲ್ಲಿ ಸನ್​ರೈಸರ್ಸ್​ (SRH) ತಂಡವು ನಾರ್ದರ್ನ್ ಸೂಪರ್‌ಚಾರ್ಜರ್ಸ್‌ನಲ್ಲಿ ಸುಮಾರು 100 ಮಿಲಿಯನ್ ಬ್ರಿಟಿಷ್ ಪೌಂಡ್‌ಗಳಿಗೆ ಶೇಕಡಾ 100 ರಷ್ಟು ಪಾಲನ್ನು ಪಡೆದುಕೊಂಡಿದೆ ಎಂದು ವರದಿಯಾಗಿದೆ. ಅಂದರೆ ಭಾರತೀಯ ರೂಪಾಯಿಯ ಪ್ರಕಾರ 1094 ಕೋಟಿ ರೂ ಆಗಿದೆ. ಸನ್ ಗ್ರೂಪ್ ಐಪಿಎಲ್‌ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡವನ್ನು ಹಾಗೂ ದಕ್ಷಿಣ ಆಫ್ರಿಕಾದ ಟಿ20 ಲೀಗ್‌ನಲ್ಲಿ ಸನ್‌ರೈಸರ್ಸ್ ಈಸ್ಟರ್ನ್ ಕೇಪ್ ತಂಡಗಳ ಮಾಲಿಕತ್ವವನ್ನ ಹೊಂದಿದೆ. ಈ ಮೂಲಕ ಸನ್ ಗ್ರೂಪ್ ಮೂರನೇ ಫ್ರಾಂಚೈಸಿ ಲೀಗ್​ ತಂಡ ಸೇರಿಕೊಂಡಿದೆ.

ಈ ಮೊದಲು ಮುಂಬೈ ಇಂಡಿಯನ್ಸ್ ತಂಡವು  ಓವಲ್ ಇನ್ವಿನ್ಸಿಬಲ್ಸ್ ತಂಡದಲ್ಲಿ ಪಾಲನ್ನು ಖರೀದಿಸಿತು. ಆ ಬಳಿಕ ಲಖನೌ ಸೂಪರ್​ಜೈಂಟ್ಸ್ ತಂಡವು ಮ್ಯಾಂಚೆಸ್ಟರ್ ಒರಿಜಿನಲ್ಸ್ ತಂಡ ಶೇ49ರಷ್ಟು ಪಾಲನ್ನು ಖರೀದಿಸಿತು. ಇದೀಗ ಸನ್ ಗ್ರೂಪ್ಸ್​ ಶೇ. 100ರಷ್ಟು ಪಾಲನ್ನು ಖರೀದಿಸುವ ಮೂಲಕ ಕ್ರೀಢಾ ವಲಯದಲ್ಲಿ ಸದ್ದು ಮಾಡುತ್ತಿದೆ.

https://www.vijayavani.net/virat-kohli-misses-first-odi-in-nagpur-due-to-right-knee-problem-says-rohit-sharma-and-bcci

https://www.vijayavani.net/two-killed-in-fire-accident-in-bengaluru-i