ಮಯಾಂಕ್​ ಶತಕದ ಬಲದಿಂದ ಕೊನೆಗೂ ಗೆಲುವಿನ ಖಾತೆ ತೆರೆದ ಬೆಂಗಳೂರು

ಬೆಂಗಳೂರು: ನಾಯಕ ಮಯಾಂಕ್​ ಅಗರ್ವಾಲ್​ (105 ರನ್​, 57 ಎಸೆತ, 9 ಬೌಂಡರಿ, 6 ಸಿಕ್ಸರ್​) ಶತಕದ ಬಲದಿಂದ ಬೆಂಗಳೂರು ಬ್ಲಾಸ್ಟರ್ಸ್​ ತಂಡ 2ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಕೆಎಸ್​ಸಿಎ ಟಿ20 ಟೂರ್ನಿಯ 9ನೇ ಪಂದ್ಯದಲ್ಲಿ ಕೊನೆಗೂ ಗೆಲುವಿನ ಖಾತೆ ತೆರೆಯುವಲ್ಲಿ ಸಲವಾಗಿದೆ. ಸತತ 8 ಸೋಲುಗಳಿಂದ ತತ್ತರಿಸಿದ್ದ ಬೆಂಗಳೂರು ತಂಡ ಶುಕ್ರವಾರ ನಡೆದ ಪಂದ್ಯದಲ್ಲಿ ಮೈಸೂರು ವಾರಿಯರ್ಸ್​ ವಿರುದ್ಧ 10 ರನ್​ಗಳಿಂದ ಟೂರ್ನಿಯ ಮೊದಲ ಗೆಲುವು ದಾಖಲಿಸಿತು.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ಗೆ ಇಳಿದ ಬೆಂಗಳೂರು 4 ವಿಕೆಟ್​ಗೆ 212 ರನ್​ ಪೇರಿಸಿತು. ಪ್ರತಿಯಾಗಿ ಮೈಸೂರು ತಂಡ 8 ವಿಕೆಟ್​ಗೆ 202 ರನ್​ ಗಳಿಸಿ ಸೋಲೊಪ್ಪಿಕೊಂಡಿತು.

ಬೆಂಗಳೂರು ಬ್ಲಾಸ್ಟರ್ಸ್​: 4 ವಿಕೆಟ್​ಗೆ 212 (ಮಯಾಂಕ್​ 105, ನಿಶ್ಚಲ್​ 29, ಶುಭಾಂಗ್​ 24, ಸೂರಜ್​ 35*, ಸುಚಿತ್​ 34ಕ್ಕೆ 2). ಮೈಸೂರು ವಾರಿಯರ್ಸ್​: 8 ವಿಕೆಟ್​ಗೆ 202 (ಕಾರ್ತಿಕ್​ 70, ಸಮರ್ಥ್​ 35, ಕರುಣ್​ 32, ಸುಚಿತ್​ 19, ಮೊಹ್ಸಿನ್​ 35ಕ್ಕೆ 4, ಸ್ರಾರ್ಜ್​ 23ಕ್ಕೆ 2). ಪಂದ್ಯಶ್ರೇಷ್ಠ: ಮಯಾಂಕ್​ ಅಗರ್ವಾಲ್​.

https://www.vijayavani.net/pretty-special-this-david-warner-congratulates-india-after-chandrayaan-3s-historic-moon-landing