ಕೇಸರಿ ಬಣ್ಣದ ಪೌಡರ್ನೊಂದಿಗೆ ಮೈದಾನಕ್ಕೆ ನುಗ್ಗಿದ ಇಬ್ಬರು ಪ್ರತಿಭಟನಾಕಾರರನ್ನು ಭದ್ರತಾ ಸಿಬ್ಬಂದಿ ಹೊರಗಟ್ಟಲು ಹರಸಾಹಸ ಪಟ್ಟರು. ಈ ಪೈಕಿ ಒಬ್ಬನನ್ನು ವಿಕೆಟ್ ಕೀಪರ್ ಜಾನಿ ಬೇರ್ಸ್ಟೋ ಒಬ್ಬರೇ ಸುಮಾರು 50 ಮೀಟರ್ ದೂರ ಎತ್ತಿಕೊಂಡು ಹೋಗಿ ಮೈದಾನದಿಂದ ಹೊರ ಹಾಕಿದರು. ಇನ್ನೊಬ್ಬ ಪ್ರತಿಭಟನಾಕಾರನನ್ನು ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಮತ್ತು ಆಸೀಸ್ ಬ್ಯಾಟರ್ ಡೇವಿಡ್ ವಾರ್ನರ್ ಅಡ್ಡಗಟ್ಟಿ, ಭದ್ರತಾ ಸಿಬ್ಬಂದಿಗೆ ಹಿಡಿದುಕೊಟ್ಟರು. ಪಿಚ್ನಿಂದ ಸ್ವಲ್ಪ ದೂರದಲ್ಲಿ ಮೈದಾನದ ಹುಲ್ಲಿನ ಮೇಲೆ ಪ್ರತಿಭಟನಾಕಾರರು ಕೇಸರಿ ಬಣ್ಣವನ್ನು ಚೆಲ್ಲಿದರು. ಒಂದು ವೇಳೆ ಪಿಚ್ ಮೇಲೆ ಬಣ್ಣ ಚೆಲ್ಲಿದ್ದರೆ ಅದಕ್ಕೆ ಹಾನಿಯಾಗುವ ಅಪಾಯವಿತ್ತು. ಈ ನಡುವೆ ಬೇರ್ಸ್ಟೋ ಬಟ್ಟೆಗೂ ಕೇಸರಿ ಬಣ್ಣ ಮೆತ್ತಿದ್ದರಿಂದ ಅವರು ಪಂದ್ಯದ ನಡುವೆ ಡ್ರೆಸ್ಸಿಂಗ್ ರೂಂಗೆ ಮರಳಿ ಬಟ್ಟೆ ಬದಲಾಯಿಸಿಕೊಂಡು ಬಂದರು. ಮೈದಾನದಲ್ಲಿ ಬಿದ್ದಿದ್ದ ಕೇಸರಿ ಬಣ್ಣವನ್ನು ಗ್ರೌಂಡ್ಮನ್ಸ್ ಸ್ವಚ್ಛಗೊಳಿಸಿದರು.
