ಐಸಿಸಿ ಅಧ್ಯಕ್ಷರಾಗಿ ಜಯ್​ ಷಾ ನೇಮಕವಾಗಿರುವುದು ಪಿಸಿಬಿಯ ಮಾಸ್ಟರ್​ಸ್ಟ್ರೋಕ್​ ಎಂದ ಮಾಜಿ ನಾಯಕ; ಕಾರಣ ಹೀಗಿದೆ

ನವದೆಹಲಿ: ಐಸಿಸಿಯ ನೂತನ ಅಧ್ಯಕ್ಷರಾಗಿ ಜಯ್​ ಷಾ ಅವಿರೋಧವಾಗಿ ಆಯ್ಕೆಯಾಗಿದ್ದು, ಡಿಸೆಂಬರ್​ನಲ್ಲಿ ಅಧಿಕಾರ ಸ್ವೀಕರಿಸಲಿದ್ದಾರೆ. ಚಾಂಪಿಯನ್ಸ್​​ ಟ್ರೋಫಿ ವಿವಾದದ ಹೊರತಾಗಿಯೂ ಪಾಕಿಸ್ತಾನವು ಕೂಡ ಜಯ್​ ಷಾ ಆಯ್ಕೆಯನ್ನು ಒಪ್ಪಿಕೊಂಡಿದ್ದು, ಸದಸ್ಯ ರಾಷ್ಟ್ರಗಳಿಗೆ ಸಹಕಾರ ನೀಡಿದೆ.

ಇತ್ತ ಜಯ್​ ಷಾ ಐಸಿಸಿಯ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗುತ್ತಿದ್ದಂತೆ ಮಾತನಾಡಿರುವ ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ನಾಯಕ ರಶೀದ್ ಲತೀಫ್​, ಜಯ್​ ಷಾ ಆಯ್ಕೆ ಪಿಸಿಬಿಯ ಮಾಸ್ಟರ್​ಸ್ಟ್ರೋಕ್​ ಎಂದು ಬಣ್ಣಿಸಿದ್ದಾರೆ.

ತಮ್ಮ ಯೂಟ್ಯೂಬ್​ ಚಾನೆಲ್​ನಲ್ಲಿ ಈ ಕುರಿತು ಮಾತನಾಡಿದ ಲತೀಫ್​, ಪಾಕಿಸ್ತಾನ ಕ್ರಿಕೆಟ್​ ಮಂಡಳಿಯೂ ಜಯ್​ ಷಾ ಅವರ ಆಯ್ಕೆಯನ್ನು ಯಾವುದೇ ಕಾರಣಕ್ಕೂ ವಿರೋಧಿಸಲಿಲ್ಲ. ಏಕೆಂದರೆ 2025ರಲ್ಲಿ ನಡೆಯುವ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಭಾರತ ಪಾಕ್​ ನೆಲಕ್ಕೆ ಬಂದು ಆಡಲಿದೆ ಎಂಬ ವಿಶ್ವಾಸವಿದೆ.

ಇದನ್ನೂ ಓದಿ: ದರ್ಶನ್​ ಆ್ಯಂಡ್​ ಟೀಮ್​ನ ನ್ಯಾಯಾಂಗ ಬಂಧನ ಸೆ. 09ರೆವರೆಗೂ ವಿಸ್ತರಣೆ

ಭಾರತ ಪಾಕಿಸ್ತಾನಕ್ಕೆ ಬರುವ ಸಂಬಂಧ ಈಗಾಗಲೇ ಅರ್ಧ ಅನುಮತಿ ಸಿಕ್ಕಿದ್ದು, ಭಾರತವು ಚಾಂಪಿಯನ್ಸ್​ ಟ್ರೋಫಿ ಆಡಲು ಪಾಕಿಸ್ತಾನಕ್ಕೆ ಬರುತ್ತಿದೆ. ಉಭಯ ದೇಶಗಳ ನಡುವಿನ ಸಂಬಂಧ ಖಾತ್ರಿಪಡಿಸುವಲ್ಲಿ ಜಯ್​ ಷಾ ಪ್ರಮುಖ ಪಾತ್ರವಹಿಸಲಿದ್ದಾರೆ. ಅವರು ಭಾರತವನ್ನು ಪಾಕಿಸ್ತಾನಕ್ಕೆ ಕರೆತರುವುದರಲ್ಲಿ ಯಾವುದೇ ಅನುಮಾನ ಬೇಡ ಎಂದು ರಶೀದ್​ ಲತೀಫ್​ ಹೇಳಿದ್ದಾರೆ.

ಹಾಲಿ ಚಾಂಪಿಯನ್ಸ್​​ ಪಾಕಿಸ್ತಾನದ ಆತಿಥ್ಯದಲ್ಲಿ ನಡೆಯಲಿರುವ ಚಾಂಪಿಯನ್ಸ್​ ಟ್ರೋಫಿಯೂ ಫೆಬ್ರವರಿ 19ರಂದು ಆರಂಭವಾಗಲಿದ್ದು, ಸಂಪೂರ್ಣ ಟೂರ್ನಿಯು ಪಾಕಿಸ್ತಾನದ ನೆಲದಲ್ಲಿಯೇ ನಡೆಯಲಿದೆ. ಭದ್ರತೆಯ ಕಾರಣದಿಂದಾಗಿ ಭಾರತ ಪಾಕಿಸ್ತಾನದಲ್ಲಿ ಆಡಲು ಹಿಂದೇಟು ಹಾಕುತ್ತಿದ್ದು, ಹೈಬ್ರಿಡ್​ ಮಾದರಿಯಲ್ಲಿ ನಡೆಸಬೇಕು ಎಂದು ವಿನಂತಿಸಿದೆ. ಐಸಿಸಿ ಕೂಡ ಭಾರತದ ಬೇಡಿಕೆಗೆ ಸ್ಪಂದಿಸಿದ್ದು, ಪಿಸಿಬಿ ಮಾತ್ರ ಹೈಬ್ರಿಡ್​ ಮಾದರಿಯಲ್ಲಿ ನಡೆಸುವುದಿಲ್ಲ ಎಂದು ಪಟ್ಟು ಹಿಡಿದಿದೆ. ಇದೀಗ ಜಯ್​ ಷಾ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದು, ಯಾವ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ ಎಂದು ಕಾದು ನೋಡಬೇಕಿದೆ.

https://www.vijayavani.net/dcm-dks-and-governor-seen-together-in-lunch-during-engagement-program

https://www.vijayavani.net/congress-mla-makes-controversial-statement-regarding-pm-modi