ವಿಕೆಟ್​ಗೆ​ ಅಡ್ಡಲಾದ ಜಡೇಜಾ ಕಡೆಗೂ​ ಔಟ್​ ಎಂದೇ ನಿರ್ಣಯ! ಧೋನಿ ಪತ್ನಿ ರಿಯಾಕ್ಷನ್ ಮಾತ್ರ​ ಭಾರೀ ವೈರಲ್

ಚೆನ್ನೈ: ಇಲ್ಲಿನ ಚೇಪಾಕ್ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್ ಹಾಗೂ ರಾಜಸ್ಥಾನ ರಾಯಲ್ಸ್‌ ನಡುವಿನ ಭಾರೀ ಹಣಾಹಣಿಯಲ್ಲಿ ಉತ್ತಮ ಪ್ರದರ್ಶನದ ಮೂಲಕ ಚೆನ್ನೈ ಪಡೆ ಗೆದ್ದು ಬೀಗಿತು. ಐದು ವಿಕೆಟ್‌ಗಳ ಅಂತರದಿಂದ ಜಯ ಸಾಧಿಸಿದ ಸಿಎಸ್​ಕೆ, ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನವನ್ನು ಭದ್ರಪಡಿಸಿಕೊಂಡು, ಪ್ಲೇಆಫ್ ಪ್ರವೇಶಿಸುವ ಭರವಸೆ ಹೊಂದಿದೆ. ಸದ್ಯ ಇದು ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಸಂತಸ ಮೂಡಿಸಿದೆ.

ಇದನ್ನೂ ಓದಿ: ಭಾರಿ ಮಳೆ ಗಾಳಿಯಿಂದ 50 ಮರ ಧರೆಗೆ, ವಿಪತ್ತು ನಿರ್ವಹಣಾ ತಂಡದಿಂದ ಸ್ವಚ್ಛತೆ ಕಾರ್ಯ

ಮೊದಲು ಟಾಸ್ ಗೆದ್ದ ಆರ್​ಆರ್​ ಬ್ಯಾಟಿಂಗ್ ಆಯ್ದುಕೊಳ್ಳುವ ಮೂಲಕ ಸಿಎಸ್​ಕೆಗೆ ಫೀಲ್ಡ್​ ಮಾಡುವಂತೆ ತಿಳಿಸಿತು. 20 ಓವರ್​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 140 ರನ್ ಕಲೆಹಾಕಿತು. ಈ ಗುರಿಯನ್ನು ಚೇಸ್​ ಮಾಡುತ್ತಿದ್ದ ಆಲ್​ರೌಂಡರ್​ ರವೀಂದ್ರ ಜಡೇಜಾ ಒಂದು ರನ್​ ಹೊಡೆದು ಮತ್ತೊಂದು ರನ್​ಗೆ ಹಿಂತಿರುಗುವಾಗ ವಿಕೆಟ್​ಗೆ ಅಡ್ಡಲಾಗಿ ಓಡಿ ಬಂದರು. ಈ ವೇಳೆ ನೇರವಾಗಿ ವಿಕೆಟ್​ಗೆ ಗುರಿಯಿಟ್ಟ ಕೀಪರ್ ಸಂಜು ಸ್ಯಾಮ್ಸನ್​, ಬಾಲ್​ನ ಬೀಸಿ ಹೊಡೆದರು. ಇದು ಜಡೇಜಾ ಬೆನ್ನಿಗೆ ತಗುಲಿತು. ಇದರಿಂದ ಎರಡು ತಂಡಗಳ ನಡುವೆ ತೀವ್ರ ಗೊಂದಲ ಉಂಟಾಯಿತು.

ನಾನ್​ ಸ್ಟ್ರೈಕರ್​ ಎಂಡ್​ಗೆ ಸಂಜು ಬೀಸಿದ ಬಾಲ್​ ನೇರವಾಗಿ ಜಡೇಜಾ ಬೆನ್ನಿಗೆ ತಗುಲಿತು. ಇದನ್ನು ಔಟ್​ ಎಂದು ಪರಿಗಣಿಸಿದ ಕ್ಯಾಪ್ಟನ್​ ಸಾಮ್ಸನ್​, ಅಂಪೈರ್​ ಕರೆಗಾಗಿ ಕಾದು ಕುಳಿತರು. ಈ ವೇಳೆ ನಿರ್ಧಾರ ಕಾಯ್ದಿರಿಸಿದ ಅಂಪೈರ್​, ಇದು ಔಟ್​ ಹೌದಾ? ಅಲ್ವಾ? ಎಂದು ಸೂಕ್ಷ್ಮವಾಗಿ ಪರಿಶೀಲಿಸಿದರು. ನಂತರದಲ್ಲಿ ಇದು ಔಟ್​ ಎಂದು ಖಚಿತವಾಗಿ ಘೋಷಿಸಿದರು.

ಇದನ್ನೂ ಓದಿ: ಸಾಹಿತ್ಯ ಕ್ಷೇತ್ರದ ಪರಂಪರೆ ಅರಿವಿರಬೇಕು: ಸಾಹಿತಿ ಬಿ.ಆರ್. ಲಕ್ಷ್ಮಣರಾವ್ ಹೇಳಿಕೆ

ಜಡೇಜಾ ಔಟ್​ ಎಂದು ಗೊತ್ತಾಗುತ್ತಿದ್ದಂತೆ ಸಿಎಸ್​ಕೆ ಅಭಿಮಾನಿಗಳು ಒಂದು ನಿಮಿಷ ಮೌನಕ್ಕೆ ಶರಣಾದರು. ಅಂಪೈರ್​ ನಿರ್ಣಯ ನೋಡ್ತಿದ್ದಂತೆ ಪಂದ್ಯ ವೀಕ್ಷಿಸಲು ಆಗಮಿಸಿದ್ದ ಮಹೇಂದ್ರ ಸಿಂಗ್ ಧೋನಿ ಪತ್ನಿ ಸಾಕ್ಷಿ ಸಿಂಗ್, ಆಶ್ಚರ್ಯಕರ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಸದ್ಯ ಈ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿದೆ,(ಏಜೆನ್ಸೀಸ್).

https://www.vijayavani.net/will-jacks-prediction-about-rcb-playoffs

https://www.vijayavani.net/hindi-actress-sanjeeda-sheikh-finally-speaks-about-her-divorce