ಆತನ 4 ಓವರ್​ಗಳು ಅಪ್ಪಟ ಚಿನ್ನ! ಸಿಎಸ್​ಕೆ ನಿರ್ಧಾರ ಕೊಂಡಾಡಿದ ಮಾಜಿ ಹಿರಿಯ ಕ್ರಿಕೆಟಿಗ | IPL 2025 Auction

ನವದೆಹಲಿ: ಇತ್ತೀಚೆಗಷ್ಟೇ ಅಂತ್ಯಗೊಂಡ ಐಪಿಎಲ್​ ರಿಟೆನ್ಶನ್ (IPL 2025)​ ಪ್ರಕ್ರಿಯೆಯಲ್ಲಿ ಅನ್​ಕ್ಯಾಪ್ಡ್​ ಪ್ಲೇಯರ್​ ಅಡಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರನ್ನು ಫ್ರಾಂಚೈಸಿ 4 ಕೋಟಿ ರೂ.ಗೆ ಉಳಿಸಿಕೊಂಡರೆ, ರವೀಂದ್ರ ಜಡೇಜಾ, ಮತೀಶಾ ಪತಿರಾನಾರನ್ನು ಉತ್ತಮ ಬೆಲೆಗೆ ರಿಟೇನ್ ಮಾಡಿಕೊಂಡಿದೆ. ಈ ವಿಚಾರದಲ್ಲಿ ಸಿಎಸ್​ಕೆ ಮ್ಯಾನೇಜ್​ಮೆಂಟ್​ಗೆ ಇರುವ ಖುಷಿ, ಕ್ರಿಕೆಟ್ ಅಭಿಮಾನಿಗಳಿಗಿಲ್ಲ. ಕೆಲವರು ಜಡೇಜಾಗೆ 18 ಕೋಟಿ ಕೊಟ್ಟು ಉಳಿಸಿಕೊಳ್ಳುವ ಅವಶ್ಯಕತೆ ಇತ್ತೇ ಎಂದು ಜಾಲತಾಣಗಳಲ್ಲಿ ಟೀಕಿಸಿದ್ದಾರೆ. ಸದ್ಯ ಈ ವಿಚಾರಕ್ಕೆ ಸ್ಪಂದಿಸಿರುವ ಟೀಮ್ ಇಂಡಿಯಾದ ಮಾಜಿ ಕ್ರಿಕೆಟಿಗ ಆಕಾಶ್​ ಚೋಪ್ರಾ, ಟೀಮ್ ತೆಗೆದುಕೊಂಡಿರುವ ನಿರ್ಧಾರ ಸರಿಯಿದೆ ಎಂದಿದ್ದಾರೆ.

ಇದನ್ನೂ ಓದಿ: ಬಿಜೆಪಿ ಅಸ್ತಿತ್ವ ಉಳಿಸಿಕೊಳ್ಳಲು ವಕ್ಫ್ ಅಭಿಯಾನ: ಪ್ರಿಯಾಂಕ್ ಖರ್ಗೆ ಟೀಕೆ| Waqf campaign

"ಐಪಿಎಲ್ 2025ರ ಮೆಗಾ ಹರಾಜಿಗೂ ಮೊದಲು ಐದು ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ತಂಡಕ್ಕೆ ರವೀಂದ್ರ ಜಡೇಜಾಗೆ ಹೆಚ್ಚು ಖರ್ಚು ಮಾಡಿದ್ದು ಸರಿಯಿಲ್ಲ ಎಂಬ ಪ್ರಶ್ನೆಗಳನ್ನು ಎತ್ತಲಾಗಿದೆ ಎಂದು ಹೇಳಿದ ಆಕಾಶ್ ಚೋಪ್ರಾ, ಈ ವಿಷಯದಲ್ಲಿ ಫ್ರಾಂಚೈಸಿ ತೆಗೆದುಕೊಂಡ ನಿರ್ಧಾರಗಳು ಸರಿಯಿದೆ. ಪ್ರಸ್ತುತ ರಿಟೆನ್ಶನ್ ಪ್ರಕ್ರಿಯೆಯಲ್ಲಿ 65 ಕೋಟಿ ರೂ. ವ್ಯಯಿಸಿರುವ ಸಿಎಸ್​ಕೆ, ತಮ್ಮ ಪರ್ಸ್​ನಲ್ಲಿ 55 ಕೋಟಿ ರೂ. ಹಣವನ್ನು ಹರಾಜಿಗಾಗಿ ಉಳಿಸಿಕೊಂಡಿದೆ" ಎಂದರು.

"ಕ್ಯಾಪ್ಟನ್​ ರುತುರಾಜ್ ಗಾಯಕ್ವಾಡ್ ಮತ್ತು ರವೀಂದ್ರ ಜಡೇಜಾ ಅವರನ್ನು 18 ಕೋಟಿ ರೂ.ಗೆ ಉಳಿಸಿಕೊಂಡಿರುವ ಸಿಎಸ್​ಕೆ, ಮತೀಶಾ ಪತಿರಾನಾ ಅವರನ್ನು 13 ಕೋಟಿ ರೂ.ಗೆ ಉಳಿಸಿಕೊಂಡರೆ, ಶಿವಂ ದುಬೆರನ್ನು 12 ಕೋಟಿ ರೂ.ಗೆ ರಿಟೇನ್ ಮಾಡಿಕೊಂಡಿದೆ. ಕಳೆದ ಟಿ20 ಫಾರ್ಮೆಟ್​ನಲ್ಲಿ ಜಡೇಜಾ ಅಂತಹ ಅದ್ಭುತ ಪ್ರದರ್ಶನ ನೀಡಿಲ್ಲ ಎಂಬ ಮಾತುಗಳಿವೆ. ರವೀಂದ್ರ ಜಡೇಜಾ ತಂಡಕ್ಕೆ ಬಹಳ ಮುಖ್ಯವಾದ ಆಟಗಾರ. ಅವರು ಚೆನ್ನೈ ಸೂಪರ್​ ಕಿಂಗ್ಸ್ ಕುಟುಂಬದವರು. ಹೀಗಾಗಿ ಫ್ರಾಂಚೈಸಿ ಅವರ ಕೌಶಲ್ಯ, ಕೊಡುಗೆಗಳನ್ನು ಮರೆಯದೆ ಉಳಿಸಿಕೊಳ್ಳಲು ನಿರ್ಧರಿಸಿದೆ. ಇನ್ನು ಪತಿರಾನಾ ಅವರ ಆ 4 ಓವರ್​ಗಳು ತಂಡಕ್ಕೆ ಚಿನ್ನದಂತೆ. ನನ್ನ ಪ್ರಕಾರ ಮ್ಯಾನೇಜ್​ಮೆಂಟ್ ತೆಗೆದುಕೊಂಡ ನಿಲುವು ಸರಿಯಿದೆ" ಎಂದು ಹೇಳಿದರು,(ಏಜೆನ್ಸೀಸ್).

https://www.vijayavani.net/bbks11-entertaining-jodis-of-bigg-boss-house