ಏಷ್ಯಾಡ್​ನಲ್ಲಿ ಭಾರತಕ್ಕೆ ತಲಾ 4 ಪದಕ ಗೆದ್ದುಕೊಟ್ಟ ಇಶಾ ಸಿಂಗ್​, ಐಶ್ವರಿ ಪ್ರತಾಪ್​

ಹಾಂಗ್​ರೆೌ: ಯುವ ಶೂಟರ್​ ಇಶಾ ಸಿಂಗ್​ ಏಷ್ಯನ್​ ಗೇಮ್ಸ್​ನಲ್ಲಿ ಶುಕ್ರವಾರದಂದು 2 ಬೆಳ್ಳಿ ಪದಕ ಗೆದ್ದುಕೊಂಡರೆ, ಐಶ್ವರಿ ಪ್ರತಾಪ್​ ಸಿಂಗ್​ ತೋಮರ್​ 1 ಚಿನ್ನ ಮತ್ತು 1 ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದರು. ಇದರೊಂದಿಗೆ ಇವರಿಬ್ಬರೂ ಹಾಂಗ್​ರೆೌ ಏಷ್ಯಾಡ್​ನಲ್ಲಿ ತಲಾ 4 ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. 18 ವರ್ಷದ ಇಶಾ ಸಿಂಗ್​ ಈ ಮುನ್ನ ತಲಾ 1 ಚಿನ್ನ, ಬೆಳ್ಳಿ ಗೆದ್ದಿದ್ದರೆ, 22 ವರ್ಷದ ಐಶ್ವರಿ 1 ಚಿನ್ನ ಮತ್ತು ಕಂಚು ಗೆದ್ದಿದ್ದರು.

ಭಾರತದ ಶೂಟರ್​ಗಳು ಶುಕ್ರವಾರ 2 ಚಿನ್ನ, 3 ಬೆಳ್ಳಿಗೆ ಗುರಿಯಿಟ್ಟರು. ಇದರೊಂದಿಗೆ ಕೂಟದ ಶೂಟಿಂಗ್​ ಸ್ಪರ್ಧೆಯಲ್ಲಿ ಭಾರತ ಇದುವರೆಗೆ ಒಟ್ಟು 18 ಪದಕ (6 ಚಿನ್ನ, 7 ಬೆಳ್ಳಿ, 5 ಕಂಚು) ಬೇಟೆಯಾಡಿದಂತಾಗಿದೆ. ಈ ಮೂಲಕ 2006ರ ದೋಹಾ ಏಷ್ಯಾಡ್​ನಲ್ಲಿ ದಿಗ್ಗಜ ಜಸ್ಪಾಲ್​ ರಾಣಾ ಸಾಧನೆಯಿಂದ ಗರಿಷ್ಠ 14 ಪದಕ ಗೆದ್ದಿದ್ದ ದಾಖಲೆಯನ್ನು ಶೂಟರ್​ಗಳು ಸುಧಾರಿಸಿಕೊಂಡಿದ್ದಾರೆ.

https://www.vijayavani.net/host-china-continues-asian-games-dominance-by-surpassing-150-medals-on-day-5-of-the-two-week-event