ಜೋಫ್ರಾ ಆರ್ಚರ್ ಅವರ ಇಂತಹ ಹಳೆಯ ಟ್ವೀಟ್ಗಳು ವೈರಲ್ ಆಗುತ್ತಿರುವುದು ಇದೇ ಮೊದಲೇನಲ್ಲ, ಈ ಹಿಂದೆಯೂ ಅವರ ಹಲವು ಪೋಸ್ಟ್ಗಳು ಇದೇ ರೀತಿ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡಿದ್ದವು. ಈ ರಹಸ್ಯದ ಕುರಿತು ಸ್ವತಃ ಪ್ರತಿಕ್ರಿಯಿಸಿದ್ದ ಆರ್ಚರ್, "ನಾನು ಹದಿಹರೆಯದಲ್ಲಿದ್ದಾಗ ತಮಾಷೆಗಾಗಿ ಏನನ್ನೋ ಪೋಸ್ಟ್ ಮಾಡುತ್ತಿದ್ದೆ, ಈಗ ಅವು ಈ ರೀತಿ ವೈರಲ್ ಆಗುತ್ತಿವೆ. ಇದನ್ನು ನೋಡಿದರೆ ನನಗೆ ತುಂಬಾ ವಿಚಿತ್ರ ಎನಿಸುತ್ತದೆ" ಎಂದು ಹೇಳಿಕೊಂಡಿದ್ದರು. ವೈಭವ್ ಅವರ ಸ್ಫೋಟಕ ಇನ್ನಿಂಗ್ಸ್ ಬಳಿಕ ಆರ್ಚರ್ ಅವರ ಈ ಹಳೆಯ ಟ್ವೀಟ್ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟ್ರೆಂಡಿಂಗ್ನಲ್ಲಿದ್ದು, ಪ್ರಸ್ತುತ ಆರ್ಚರ್ ಹಾಗೂ ವೈಭವ್ ಇಬ್ಬರೂ ರಾಜಸ್ಥಾನ ರಾಯಲ್ಸ್ ತಂಡದಲ್ಲೇ ಇರುವುದು ಈ ಇಡೀ ಪ್ರಸಂಗಕ್ಕೆ ಮತ್ತಷ್ಟು ರೋಚಕತೆ ತಂದಿದೆ. ಅಭಿಮಾನಿಗಳು ಇದನ್ನು 'ಕ್ರಿಕೆಟ್ ಮ್ಯಾಜಿಕ್' ಎಂದು ಕರೆಯುತ್ತಾ ಸಂಭ್ರಮಿಸುತ್ತಿದ್ದಾರೆ.
