ಗುಜರಾತ್ ಟೈಟಾನ್ಸ್ ತಂಡ ಈಗಾಗಲೆ ಮುಂದಿನ ನಾಯಕರಾಗಬಲ್ಲ ಶುಭಮಾನ್ ಗಿಲ್ರಂಥ ಆಟಗಾರರನ್ನು ಹೊಂದಿದೆ. ಆದರೆ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಅಂಥ ಆಟಗಾರರು ಕಾಣಿಸುತ್ತಿಲ್ಲ. ಹೀಗಾಗಿ ಹಾರ್ದಿಕ್ ಪಾಂಡ್ಯ ಮೇಲೆ ಮುಂಬೈ ಇಂಡಿಯನ್ಸ್ ಒಲವು ತೋರಿದೆ. ಇದಲ್ಲದೆ, ಗುಜರಾತ್ ಟೈಟಾನ್ಸ್ ತಂಡದ ಮ್ಯಾನೇಜ್ಮೆಂಟ್ ಮೇಲೆ ಹಾರ್ದಿಕ್ ಪಾಂಡ್ಯ ಅಸಮಾಧಾನಗೊಂಡಿದ್ದಾರೆ. ಹೀಗಾಗಿ ಅವರೂ ತಮ್ಮ ಮೂಲ ತಂಡವಾದ ಮುಂಬೈಗೆ ಮರಳಲು ಆಸಕ್ತಿ ತೋರಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಇದು ಎಷ್ಟರ ಮಟ್ಟಿಗೆ ನಿಜ ಎಂದು ತಿಳಿದುಕೊಳ್ಳಲು, ಆಟಗಾರರ ರಿಟೇನ್ ಪಟ್ಟಿ ಅಂತಿಮಗೊಳ್ಳುವ ಭಾನುವಾರದ ಗಡುವಿನವರೆಗೆ ಕಾಯಬೇಕಾಗಿದೆ. ಒಂದು ವೇಳೆ ಇದು ನಿಜವಾದರೆ ಐಪಿಎಲ್ ಇತಿಹಾಸದಲ್ಲೇ ಅತಿದೊಡ್ಡ ವರ್ಗಾವಣೆ ಎನಿಸಲಿದೆ.
