ಈ ಬಾರಿಯ ಐಪಿಎಲ್​ನಲ್ಲಿ ತಾವು ಪಡೆದ ಹಣಕ್ಕೆ ಇದುವರೆಗೂ ನ್ಯಾಯ ಒದಗಿಸಿದ ಸ್ಟಾರ್​ ಆಟಗಾರರಿವರು! IPL 2025

IPL 2025 : ಪ್ರಸ್ತುತ ಐಪಿಎಲ್ ಸೀಸನ್​ನಲ್ಲಿ ಅನೇಕ ಕ್ರಿಕೆಟಿಗರು ತಾವು ತೆಗೆದುಕೊಂಡ ಹಣಕ್ಕೆ ನ್ಯಾಯ ಒದಗಿಸಲು ಸಾಧ್ಯವಾಗುತ್ತಿಲ್ಲ. ಅವರಲ್ಲಿ, ಲಖನೌ ಸೂಪರ್​ಜೈಂಟ್ಸ್​ ತಂಡದ ನಾಯಕ ರಿಷಭ್ ಪಂತ್ ಮುಂಚೂಣಿಯಲ್ಲಿದ್ದಾರೆ. ಈ ಸೀಸನ್​ನ ಹರಾಜಿನಲ್ಲಿ ಲಖನೌ ತಂಡ ಪಂತ್ ಅವರನ್ನು 27 ಕೋಟಿ ರೂ. ದಾಖಲೆಯ ಬೆಲೆಗೆ ಖರೀದಿಸಿತು. ಇದು ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಬೆಲೆಯಾಗಿದೆ. ಇಷ್ಟು ದೊಡ್ಡ ಮೊತ್ತವನ್ನು ಖರ್ಚು ಮಾಡಿದರೂ, ಪಂತ್ ಮಾತ್ರ ಈ ಸೀಸನ್​ನಲ್ಲಿ ಬಹಳ ವಿಫಲರಾಗುತ್ತಿದ್ದಾರೆ. 8 ಪಂದ್ಯಗಳಲ್ಲಿ ಕೇವಲ 98.15 ಸ್ಟ್ರೈಕ್ ರೇಟ್​ ಹೊಂದಿದ್ದಾರೆ. ಕೇವಲ ಒಂದು ಅರ್ಧಶತಕದೊಂದಿಗೆ 106 ರನ್ ಮಾತ್ರ ಗಳಿಸಿದ್ದಾರೆ.

ಈ ಸೀಸನ್​ನಲ್ಲಿ ಪಡೆದ ಮೊತ್ತಕ್ಕೆ ನ್ಯಾಯ ಒದಗಿಸಲು ಸಾಧ್ಯವಾಗದ ಇನ್ನೊಬ್ಬ ಆಟಗಾರ ಯಾರೆಂದರೆ ಅದು ವೆಂಕಟೇಶ್ ಅಯ್ಯರ್. ಈ ಸೀಸನ್​ನ ಮೆಗಾ ಹರಾಜಿನಲ್ಲಿ ವೆಂಕಟೇಶ್ ಅಯ್ಯರ್ ಅವರನ್ನು ಕೆಕೆಆರ್ ತಂಡ 23.75 ಕೋಟಿ ರೂ.ಗಳಿಗೆ ಖರೀದಿಸಿತು. ಆದಾಗ್ಯೂ, ತಂಡವು ಅವರ ಮೇಲೆ ಇಟ್ಟಿರುವ ನಿರೀಕ್ಷೆಗಳಿಗೆ ನ್ಯಾಯ ಒದಗಿಸಲು ವೆಂಕಟೇಶ್ ಅವರಿಗೆ ಸಾಧ್ಯವಾಗಿಲ್ಲ. ಇಲ್ಲಿಯವರೆಗೆ ಅವರು ಆಡಿರುವ 7 ಪಂದ್ಯಗಳಲ್ಲಿ, ಅವರು ಕೇವಲ ಒಂದು ಅರ್ಧಶತಕದೊಂದಿಗೆ 121 ರನ್‌ಗಳನ್ನು ಗಳಿಸಿದ್ದಾರೆ.

ಮೊಹಮ್ಮದ್ ಶಮಿ ಕೂಡ ಈ ಸೀಸನ್​ನಲ್ಲಿ ತಮ್ಮ ಹಣಕ್ಕೆ ನ್ಯಾಯ ಒದಗಿಸುತ್ತಿಲ್ಲ. ಮೆಗಾ ಹರಾಜಿನಲ್ಲಿ ಶಮಿಯನ್ನು ಸನ್‌ರೈಸರ್ಸ್ ಹೈದರಾಬಾದ್ ತಂಡವು 10 ಕೋಟಿ ರೂ.ಗಳಿಗೆ ಹೆಚ್ಚಿನ ವಿಶ್ವಾಸದಿಂದ ಖರೀದಿಸಿತು. ಆದರ, ಇದುವರೆಗೂ 7 ಪಂದ್ಯಗಳನ್ನು ಆಡಿರುವ ಶಮಿ ಕೇವಲ 5 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ರಶೀದ್ ಖಾನ್ ಕೂಡ ತಮ್ಮ ಸಾಮರ್ಥ್ಯ ತೋರುವಲ್ಲಿ ವಿಫಲರಾಗಿದ್ದಾರೆ. ಈ ಸೀಸನ್​ನ ಮೆಗಾ ಹರಾಜಿಗೂ ಮುನ್ನ ಗುಜರಾತ್ ಟೈಟಾನ್ಸ್ ತಂಡವು ರಶೀದ್ ಅವರನ್ನು 18 ಕೋಟಿ ರೂ.ಗಳಿಗೆ ಉಳಿಸಿಕೊಂಡಿತ್ತು. ಆದಾಗ್ಯೂ, ಈ ಋತುವಿನಲ್ಲಿ ರಶೀದ್ ಹಿಂದೆಂದೂ ಕಾಣದ ರೀತಿಯಲ್ಲಿ ವಿಫಲರಾಗಿದ್ದಾರೆ. ಅವರು ಒಂದೇ ಒಂದು ಪಂದ್ಯದಲ್ಲಿ ತಮ್ಮ ಮಟ್ಟದಲ್ಲಿ ಪ್ರದರ್ಶನ ನೀಡಲು ಸಾಧ್ಯವಾಗಿಲ್ಲ. ಈ ಋತುವಿನಲ್ಲಿ ರಶೀದ್ 7 ಪಂದ್ಯಗಳಲ್ಲಿ ಕೇವಲ 4 ವಿಕೆಟ್‌ಗಳನ್ನು ಮಾತ್ರ ಪಡೆದಿದ್ದಾರೆ. ಅವರ ಎಕನಾಮಿ (9.73) ತುಂಬಾ ಕೆಟ್ಟದಾಗಿದೆ.

ಇದನ್ನೂ ಓದಿ: 1 ಮನೆ 30 ವಿದ್ಯುತ್​ ಮೀಟರ್​: 2 ವರ್ಷದಿಂದ ಬಿಲ್​ ಸಹ ಕಟ್ತಿದ್ದ, ಆತನ ಪ್ಲಾನ್​ ಕೇಳಿ ಪೊಲೀಸರೇ ದಂಗು! Electricity Meters Scam

ಈ ಋತುವಿನಲ್ಲಿ ನಿರೀಕ್ಷೆಯಂತೆ ಪ್ರದರ್ಶನ ನೀಡದ ಮತ್ತೊಬ್ಬ ಕ್ರಿಕೆಟಿಗ ಜೇಕ್ ಫ್ರೇಸರ್ ಮೆಕ್‌ಗುರ್ಕ್. ಅವರನ್ನು ದೆಹಲಿ ಕ್ಯಾಪಿಟಲ್ಸ್ ತಂಡವು ಹೆಚ್ಚಿನ ನಿರೀಕ್ಷೆಗಳೊಂದಿಗೆ ಮೆಗಾ ಹರಾಜಿನಲ್ಲಿ 9 ಕೋಟಿ ರೂ.ಗಳಿಗೆ ಖರೀದಿಸಿತು. ಆದಾಗ್ಯೂ, ಅವರು ಆಡಿದ 6 ಪಂದ್ಯಗಳಲ್ಲಿ, 105.77 ಸ್ಟ್ರೈಕ್ ರೇಟ್‌ನಲ್ಲಿ ಕೇವಲ 55 ರನ್‌ಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಎರಡು ಸೊನ್ನೆಗಳು ಸೇರಿವೆ.

ಮೇಲೆ ತಿಳಿಸಿದ ಆಟಗಾರರಲ್ಲದೆ, ತಾವು ತೆಗೆದುಕೊಂಡ ಮೊತ್ತಕ್ಕೆ ನ್ಯಾಯ ಒದಗಿಸಲು ಸಾಧ್ಯವಾಗದ ಇನ್ನೂ ಕೆಲವರು ಇದ್ದಾರೆ. ಅವರಲ್ಲಿ ಲಿವಿಂಗ್‌ಸ್ಟೋನ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮಾರ್ಕಸ್ ಸ್ಟೊಯಿನಿಸ್, ಕ್ಲಾಸೆನ್, ಟ್ರಾವಿಸ್ ಹೆಡ್, ಆಂಡ್ರೆ ರಸೆಲ್, ಹೆಟ್ಮೆಯರ್, ರಬಾಡ, ಜಾನ್ಸೆನ್ ಮುಂತಾದ ವಿದೇಶಿ ಆಟಗಾರರು ಇದ್ದಾರೆ. ಟಿ ನಟರಾಜನ್ (10.75 ಕೋಟಿ, ದೆಹಲಿ) ನಂತಹ ಆಟಗಾರರು ಭಾರಿ ಮೊತ್ತವನ್ನು ಪಡೆದಿದ್ದರೂ ಬೆಂಚ್‌ಗೆ ಸೀಮಿತರಾಗಿದ್ದಾರೆ.

ಇದೇ ಸಂದರ್ಭದಲ್ಲಿ ಕೆಲವು ದೇಶೀಯ ಆಟಗಾರರು ತಮಗೆ ಸಿಕ್ಕ ಹಣಕ್ಕಿಂತಲೂ ಉತ್ತಮವಾಗಿ ಆಡುತ್ತಿದ್ದಾರೆ. ಪ್ರಿಯಾಂಶ್ ಆರ್ಯ (3.8 ಕೋಟಿ), ಅಶುತೋಷ್ ಶರ್ಮ (3.8 ಕೋಟಿ), ದಿಗ್ವೇಶ್ ರಥಿ (30 ಲಕ್ಷ), ವಿಪ್ರಜ್ ನಿಗಮ್ (50 ಲಕ್ಷ), ಅನಿಕೇತ್ ವರ್ಮಾ (30 ಲಕ್ಷ), ವೈಭವ್ ಸೂರ್ಯವಂಶಿ (1.1 ಕೋಟಿ), ಮತ್ತು ಆಯುಷ್ ಮಾತ್ರೆ ಮುಂತಾದ ಆಟಗಾರರು ಇದರಲ್ಲಿ ಸೇರಿದ್ದಾರೆ. (ಏಜೆನ್ಸೀಸ್​)

https://www.vijayavani.net/ipl-2025-dont-mess-with-us-argument-between-virat-kohli-and-shreyas

https://www.vijayavani.net/akshaya-tritiya-2025-4-zodiac-signs-that-will-be-drenched-in-golden-rain-will-your-zodiac-sign-be-among-them