ಬರೋಬ್ಬರಿ 12 ಕೋಟಿ ರೂ.ಗೆ ಆರ್​ಸಿಬಿ ಪಾಲಾದ ಸ್ಟಾರ್​ ಸ್ಪಿನ್ನರ್ ಯಜುವೇಂದ್ರ ಚಾಹಲ್​!​ RCB

RCB : ಐಪಿಎಲ್​- 2025 ಮೆಗಾ ಹರಾಜಿಗೆ ಕೇವಲ 10 ದಿನಗಳು ಮಾತ್ರ ಬಾಕಿ ಉಳಿದಿದೆ. ಐಪಿಎಲ್​ ಅಭಿಮಾನಿಗಳು ಎದುರು ನೋಡುತ್ತಿರುವ ಮೆಗಾ ಹರಾಜು ನ. 24 ಮತ್ತು 25 ರಂದು ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆಯಲಿದೆ. ಈ ಕ್ಯಾಶ್​ ರಿಚ್​ ಲೀಗ್​ನ ಹರಾಜಿನಲ್ಲಿ ಅನುಸರಿಸಬೇಕಾದ ತಂತ್ರಗಳ ಮೇಲೆ ಆಯಾ ಐಪಿಎಲ್​ ಫ್ರಾಂಚೈಸಿಗಳು ಸದ್ಯ ಗಮನಹರಿಸುತ್ತಿವೆ.

ತಮ್ಮ ನೆಚ್ಚಿನ ಕ್ರಿಕೆಟಿಗರನ್ನು ಯಾವ ಫ್ರಾಂಚೈಸಿ ಪಡೆಯುತ್ತದೆ ಎಂಬುದನ್ನು ತಿಳಿದುಕೊಳ್ಳಲು ಅಭಿಮಾನಿಗಳು ಕೂಡ ಕಾತರರಾಗಿದ್ದಾರೆ. ಇತ್ತೀಚೆಗೆ, ಟೀಮ್ ಇಂಡಿಯಾದ ಸ್ಟಾರ್ ಸ್ಪಿನ್ನರ್ ಯಜುವೇಂದ್ರ ಚಾಹಲ್​ಗಾಗಿ ಅಭಿಮಾನಿಗಳು ಆನ್‌ಲೈನ್‌ನಲ್ಲಿ ಅಣಕು ಹರಾಜು ನಡೆಸಿದರು. ಚಹಾಲ್​ಗೆ ಕನಿಷ್ಠ ಬಿಡ್ ಮೊತ್ತವನ್ನು 2 ಕೋಟಿ ರೂ.ಗೆ ನಿಗದಿ ಮಾಡಲಾಗಿತ್ತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಪಂಜಾಬ್ ಕಿಂಗ್ಸ್, ಗುಜರಾತ್ ಟೈಟಾನ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಗಳು ಅಣುಕು ಹರಾಜಿನಲ್ಲಿ ಚಹಾಲ್‌ಗೆ ಪೈಪೋಟಿ ನೀಡಿದವು.

ಆದರೆ, ಆರ್​ಸಿಬಿ 9 ಕೋಟಿ ರೂ.ಗೂ ಹೆಚ್ಚು ಹಣ ಖರ್ಚು ಮಾಡಲು ಸಿದ್ಧವಾಗಿದ್ದರಿಂದ ಪಂಜಾಬ್ ಮತ್ತು ಗುಜರಾತ್ ಸ್ಪರ್ಧೆಯಿಂದ ಹೊರಬಂದವು. ಇದಾದ ಬಳಿಕ ಚೆನ್ನೈ ಸೂಪರ್ ಕಿಂಗ್ಸ್ ಸ್ಪರ್ಧೆಗೆ ಪ್ರವೇಶಿಸಿತು. ಚಾಹಲ್‌ಗೆ 11.5 ಕೋಟಿ ರೂ. ಬಿಡ್​ ಕೂಗಿತು. ಅಂತಿಮವಾಗಿ ಈ ಅಣಕು ಹರಾಜಿನಲ್ಲಿ ಚಹಾಲ್ ಅವರನ್ನು 12 ಕೋಟಿ ರೂ. ಆರ್​ಸಿಬಿ ಸ್ವಾಧೀನಪಡಿಸಿಕೊಂಡಿತು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಸರ್ಕಾರಿ ನೌಕರರ ವಿರುದ್ಧ ನಾಲಿಗೆ ಹರಿಬಿಟ್ಟ ಕಸ್ತೂರಿಗೆ ಕೋರ್ಟ್​ ಆಘಾತ! ಸೌತ್​ ಬ್ಯೂಟಿಯ ಬಂಧನ ಫಿಕ್ಸ್ | Kasthuri Shankar

ಚಹಾಲ್ ಐಪಿಎಲ್ ಪಯಣ

ಚಾಹಲ್ ಅವರು 2013 ರಲ್ಲಿ ಮುಂಬೈ ಇಂಡಿಯನ್ಸ್ ಪರವಾಗಿ IPL ಗೆ ಪಾದರ್ಪಣೆ ಮಾಡಿದರು. ಬಳಿಕ 8 ಸೀಸನ್​ಗಳವರೆಗೆ RCB ಅನ್ನು ಪ್ರತಿನಿಧಿಸಿದರು. ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್‌ಸಿಬಿಗೆ ಹಲವು ಅದ್ಭುತ ವಿಜಯಗಳನ್ನು ನೀಡಿದರು. ಆದರೆ, RCB ಫ್ರಾಂಚೈಸಿ 2022ರ ಮೆಗಾ ಹರಾಜಿಗೂ ಮೊದಲು ಚಾಹಲ್​ ಅವರನ್ನು ಕೈಬಿಟ್ಟಿತು. ಇದಾದ ಬಳಿಕ ರಾಜಸ್ಥಾನ್ ರಾಯಲ್ಸ್ ತಂಡ ಅವರನ್ನು ಖರೀದಿಸಿತು. ಚಾಹಲ್ ತನ್ನ ಮೊದಲ ಸೀಸನ್​ನಲ್ಲಿ ರಾಜಸ್ಥಾನದ ಪರ ಪರ್ಪಲ್ ಕ್ಯಾಪ್ ಅನ್ನು ಗೆದ್ದರು. ಇದೀಗ ರಾಜಸ್ಥಾನ ಕೂಡ ಚಾಹಲ್ ಅವರನ್ನು ಮೆಗಾ ಹರಾಜಿಗೂ ಮುನ್ನ ಕೈಬಿಟ್ಟಿದೆ. ಈ ಬಾರಿಯ ಮೆಗಾ ಹರಾಜಿನಲ್ಲಿ ಆರ್‌ಸಿಬಿ ಮತ್ತೆ ಚಾಹಲ್‌ ಅವರನ್ನು ಖರೀದಿ ಮಾಡುವ ಸಾಧ್ಯತೆ ಇದೆ.

ಐಪಿಎಲ್​ನಲ್ಲಿ ಇದುವರೆಗೆ 155 ಪಂದ್ಯಗಳನ್ನು ಆಡಿರುವ ಚಾಹಲ್ 22.12 ಸರಾಸರಿಯಲ್ಲಿ 200 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಅದೇ ರೀತಿ ಟೀಮ್ ಇಂಡಿಯಾ ಪರ ಟಿ20ಯಲ್ಲಿ ಅತಿ ಹೆಚ್ಚು (96) ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/luck-through-the-roof-a-person-who-became-a-millionaire-overnight-what-does-that-mean

https://www.vijayavani.net/there-is-only-one-actor-who-played-trishas-father-uncle-and-brother