ನವದೆಹಲಿ: 17 ವರ್ಷಗಳ ಬಳಿಕ ಭಾರತಕ್ಕೆ ಟಿ20 ವಿಶ್ವಕಪ್ ಗೆದ್ದುಕೊಟ್ಟ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಟೀಮ್ ಇಂಡಿಯಾದ ಕ್ಯಾಪ್ಟನ್ ರೋಹಿತ್ ಶರ್ಮ (Rohit Sharma), ಅಖಾಡಕ್ಕಿಳಿದಾಗ ತಮ್ಮ ಬ್ಯಾಟ್ನಿಂದ ಹಾಗೂ ಪತ್ರಿಕಾಗೋಷ್ಠಿಯಲ್ಲಿ ಕುಳಿತಾಗ ಮೈಕ್ನಿಂದ ತಮ್ಮ ಎದುರಾಳಿಗಳಿಗೆ ಸರಿಯಾದ ಟಕ್ಕರ್ ಕೊಡುವುದನ್ನು ಚೆನ್ನಾಗಿ ಅರಿತಿದ್ದಾರೆ. ಈ ಹಿಂದೆ ಪಾಕಿಸ್ತಾನ ವಿರುದ್ಧ ಟೆಸ್ಟ್ ಸರಣಿ ಗೆದ್ದ ಖುಷಿಯಲ್ಲಿ ಸೊಕ್ಕಿನ ಮಾತುಗಳನ್ನಾಡಿದ್ದ ಬಾಂಗ್ಲಾ ಆಟಗಾರರಿಗೆ ಪಂದ್ಯ ಆರಂಭಕ್ಕೂ ಮುನ್ನವೇ ವಾರ್ನಿಂಗ್ ರವಾನಿಸಿದ್ದ ರೋಹಿತ್, ತಮ್ಮ ಮಾತಿನಂತೆಯೇ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಟೆಸ್ಟ್ ಹಾಗೂ ಟಿ20 ಸರಣಿಯನ್ನು ಭಾರತದ ಎದುರು ವಶಪಡಿಸಿಕೊಳ್ಳುವಲ್ಲಿ ವಿಫಲವಾದ ಬಾಂಗ್ಲಾದೇಶಕ್ಕೆ 'ಹಿಟ್ಮ್ಯಾನ್' ಕೊಟ್ಟಿದ್ದ ಖಡಕ್ ವಾರ್ನಿಂಗ್ ನೆನಪಾಗಿರುವುದರಲ್ಲಿ ಅನುಮಾನವೇ ಇಲ್ಲ ಎಂದೇ ಹೇಳಬಹುದು. ಸದ್ಯ ಇದೇ ರೀತಿ ನ್ಯೂಜಿಲೆಂಡ್ (New Zealand) ಟೀಮ್ಗೂ ಶರ್ಮ ಒಂದು ಸಣ್ಣ ಸಂದೇಶವೊಂದನ್ನು (INDvsNZ Test) ರವಾನಿಸಿದ್ದಾರೆ.
