ಆದರೆ, ಕಷ್ಟಗಳು ಅಲ್ಲಿಗೆ ಮುಗಿಯಲಿಲ್ಲ, ಹೊಸ ಕೊಠಡಿಯ ಕೀ ಪಡೆಯಲು ತೆರಳಿದ ಕೋಚ್ ಅಶೋಕ್ ಮಿಶ್ರಾ ಅವರಿಗೆ ಹೊಸ ಸಂಕಷ್ಟ ಎದುರಾಯಿತು. ಹೋಟೆಲ್ ನೋಂದಣಿ ರಿಜಿಸ್ಟರ್ನಲ್ಲಿ ಅವರ ಹೆಸರು ಇಲ್ಲದಿರುವುದು ಕಂಡುಬಂದಿತು. ಕೊನೆಗೆ ಅವರ ಅಕ್ರೆಡಿಟೇಷನ್ ಕಾರ್ಡ್ ಪರಿಶೀಲಿಸಿದಾಗ ಕಾಗದಪತ್ರಗಳ ನಿರ್ವಹಣೆಯಲ್ಲಿ ಸ್ಪೆಲ್ಲಿಂಗ್ ತಪ್ಪಿರುವುದು ಪತ್ತೆಯಾಯಿತು. ಈ ರೀತಿಯ ಸಣ್ಣಪುಟ್ಟ ತಪ್ಪುಗಳಿಂದಾಗಿ ಅವರು ತಮ್ಮ ಕೊಠಡಿ ಪ್ರವೇಶಿಸಲು ಮತ್ತೆ ಒಂದು ಗಂಟೆ ಕಾಲ ಕಾಯಬೇಕಾಗಿ ಬಂತು. ಜಪಾನ್ಗೆ ಭಾರತೀಯ ತಂಡ ಕಾಲಿಟ್ಟಾಗಿನಿಂದಲೂ ವಸತಿ, ತರಬೇತಿ ಸೌಲಭ್ಯಗಳು ಹಾಗೂ ಪೌಷ್ಟಿಕಾಂಶದ ಕೊರತೆಯಂತಹ ಸಮಸ್ಯೆಗಳು ಸತತವಾಗಿ ಕಾಡುತ್ತಿರುವುದು ಆಡಳಿತ ಮಂಡಳಿಯ ವೈಫಲ್ಯವನ್ನು ಎತ್ತಿ ತೋರಿಸುತ್ತದೆ, (ಏಜೆನ್ಸೀಸ್).
