ನವದೆಹಲಿ: 2007ರ ಜನವರಿಯಲ್ಲಿ ಸವಾಲಿನ ದಣ ಆಫ್ರಿಕಾ ಪ್ರವಾಸ ಮುಗಿದ ಬೆನ್ನಲ್ಲೇ ಭಾರತ ತಂಡ ಏಕದಿನ ವಿಶ್ವಕಪ್ಗೆ ಪೂರ್ವಭಾವಿಯಾಗಿ ತವರಿನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಏಕದಿನ ಸರಣಿ ಆಡಿತ್ತು. ಜನವರಿ 21ರಿಂದ 31ರವರೆಗೆ ನಡೆದ 4 ಪಂದ್ಯಗಳ ಬೆನ್ನಲ್ಲೇ ಫೆಬ್ರವರಿ 2ರಿಂದ ಆಗಿನ ಭಾರತ ತಂಡದ ಪ್ರಮುಖ ಆಟಗಾರರಾದ ಸಚಿನ್ ತೆಂಡುಲ್ಕರ್, ಜಹೀರ್ ಖಾನ್, ಅಜಿತ್ ಅಗರ್ಕರ್ ಮತ್ತು ಸೌರವ್ ಗಂಗೂಲಿ ರಣಜಿ ಟ್ರೋಫಿ ಫೈನಲ್ನಲ್ಲಿ ಮುಂಬೈ-ಬಂಗಾಳ ಪರ ಕಣಕ್ಕಿಳಿದಿದ್ದರು. ಆ ಪಂದ್ಯದಲ್ಲಿ ಸಚಿನ್ ಶತಕ, ಗಂಗೂಲಿ 90 ರನ್ ಬಾರಿಸಿದ್ದರೆ, ಜಹೀರ್ ಪ್ರಮುಖ ಕೆಲ ವಿಕೆಟ್ ಕಬಳಿಸಿದ್ದರು. ರಣಜಿ ಫೈನಲ್ ಮುಗಿದ ಬೆನ್ನಲ್ಲೇ ಸಚಿನ್, ಗಂಗೂಲಿ, ಜಹೀರ್ ಶ್ರೀಲಂಕಾ ವಿರುದ್ಧ ಏಕದಿನ ಸರಣಿ ಆಡಲು ತೆರಳಿದ್ದರು. ಆದರೆ ಆಗ ಯಾರೂ ಕಾರ್ಯದೊತ್ತಡದ ಕಾರಣ ನೀಡಿರಲಿಲ್ಲ. ಆದರೆ ಈಗ ಕಿವೀಸ್ ವಿರುದ್ಧದ ಟೆಸ್ಟ್ ಸರಣಿಗೆ ಪೂರ್ವಭಾವಿಯಾಗಿ ಹಿರಿಯ ಆಟಗಾರರು ದುಲೀಪ್ ಟ್ರೋಫಿಯಲ್ಲಿ ಆಡದೆ ಕಾರ್ಯದೊತ್ತಡದ ನೆಪ ನೀಡಿದರು.
