ಇಂದು ಭಾರತ-ಇಂಗ್ಲೆಂಡ್​ ಮಹಿಳಾ ತಂಡಗಳ ನಡುವೆ ಮೊದಲ ಟಿ20 ಪಂದ್ಯ

ಮುಂಬೈ: ಭಾರತೀಯ ಮಹಿಳಾ ಕ್ರಿಕೆಟ್​ ತಂಡ ಸರಿಸುಮಾರು ಎರಡು ತಿಂಗಳ ಬಳಿಕ ಮರಳಿ ಕಣಕ್ಕಿಳಿಯಲು ಸಜ್ಜಾಗಿದ್ದು, ಬುಧವಾರದಿಂದ ಪ್ರವಾಸಿ ಇಂಗ್ಲೆಂಡ್​ ವಿರುದ್ಧ 3 ಪಂದ್ಯಗಳ ಟಿ20 ಸರಣಿ ಆಡಲಿದೆ. ಹರ್ಮಾನ್​ಪ್ರೀತ್​ ಕೌರ್​ ಬಳಗ ವರ್ಷದ ಕೊನೇ ಸರಣಿಯಲ್ಲಿ ಗೆಲುವು ದಾಖಲಿಸುವ ಹಂಬಲದಲ್ಲಿದೆ. ಹೊಸ ಕೋಚ್​ ಅಮೊಲ್​ ಮುಜುಮ್ದಾರ್​ ಮಾರ್ಗದರ್ಶನದಲ್ಲಿ ಭಾರತಕ್ಕೆ ಇದು ಮೊದಲ ಸರಣಿಯಾಗಿದೆ.

ಭಾರತ ಮಹಿಳಾ ತಂಡ ಹಾಲಿ ವರ್ಷ ದಣ ಆಫ್ರಿಕಾದಲ್ಲಿ ಆಡಿದ ತ್ರಿಕೋನ ಸರಣಿಯಲ್ಲಿ ಫೈನಲ್​ಗೇರಿದ್ದರೆ, ಬಾಂಗ್ಲಾದೇಶ ವಿರುದ್ಧ ಸರಣಿಯಲ್ಲಿ 2&1ರಿಂದ ಗೆದ್ದಿತ್ತು. ಹಾಂಗ್​ರೆೌ ಏಷ್ಯನ್​ ಗೇಮ್ಸ್​ನಲ್ಲೂ ಸ್ವರ್ಣ ಪದಕ ಗೆದ್ದು ಬೀಗಿತ್ತು. ಮತ್ತೊಂದೆಡೆ ಇಂಗ್ಲೆಂಡ್​ ತಂಡ ತವರಿನಲ್ಲಿ ಶ್ರೀಲಂಕಾ ಎದುರು 1&2ರಿಂದ ಸರಣಿ ಸೋತ ಹಿನ್ನಡೆಯೊಂದಿಗೆ ಕಣಕ್ಕಿಳಿಯಲಿದೆ.

ಭಾರತ ತಂಡ ತವರಿನ ಟಿ20 ಪಂದ್ಯಗಳಲ್ಲಿ ಉತ್ತಮ ದಾಖಲೆ ಹೊಂದಿಲ್ಲ. ಇಂಗ್ಲೆಂಡ್​ ವಿರುದ್ಧವೇ ಆಡಿರುವ 9 ಪಂದ್ಯಗಳಲ್ಲಿ 2ರಲ್ಲಿ ಮಾತ್ರ ಜಯಿಸಿದೆ. ಇದಲ್ಲದೆ ಇಂಗ್ಲೆಂಡ್​ ವಿರುದ್ಧ ಆಡಿರುವ ಒಟ್ಟಾರೆ 27 ಟಿ20 ಪಂದ್ಯಗಳಲ್ಲಿ 7ರಲ್ಲಿ ಮಾತ್ರ ಜಯಿಸಿದೆ. ಭಾರತ 2 ವರ್ಷಗಳ ಹಿಂದೆ ಅಂದರೆ 2021ರ ಮಾರ್ಚ್​ನಲ್ಲಿ ಕೊನೆಯದಾಗಿ ತವರಿನಲ್ಲಿ ಟಿ20 ಪಂದ್ಯ ಗೆದ್ದುಕೊಂಡಿದೆ. ತವರಿನಲ್ಲಿ ಆಡಿರುವ ಒಟ್ಟಾರೆ 50 ಟಿ20 ಪಂದ್ಯಗಳಲ್ಲಿ ಭಾರತ 19ರಲ್ಲಿ ಗೆದ್ದಿದ್ದು, 30ರಲ್ಲಿ ಸೋತಿದೆ. 1ರಲ್ಲಿ ಟೈ ಸಾಧಿಸಿದೆ.

ಮುಂದಿನ ವರ್ಷ ಸೆಪ್ಟೆಂಬರ್​-ಅಕ್ಟೋಬರ್​ನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್​ಗೆ ಸಿದ್ಧತೆಯ ದೃಷ್ಟಿಯಿಂದ ಭಾರತಕ್ಕೆ ಇದು ಮಹತ್ವದ ಸರಣಿಯಾಗಿದೆ. ಸರಣಿಯ ಕೊನೇ 2 ಪಂದ್ಯಗಳು ಶನಿವಾರ ಮತ್ತು ಭಾನುವಾರ ವಾಂಖೆಡೆ ಕ್ರೀಡಾಂಗಣದಲ್ಲೇ ನಡೆಯಲಿವೆ.

ಶ್ರೇಯಾಂಕ ಪದಾರ್ಪಣೆ ನಿರೀಕ್ಷೆ

ಆರ್​ಸಿಬಿ ಮತ್ತು ಭಾರತ ಎ ಮಹಿಳಾ ತಂಡಗಳ ಪರ ಮಿಂಚಿರುವ ಕರ್ನಾಟಕದ ಆಲ್ರೌಂಡರ್​ ಶ್ರೇಯಾಂಕ ಪಾಟೀಲ್​ ಭಾರತ ತಂಡದ ಪರ ಪದಾರ್ಪಣೆ ಮಾಡುವ ನಿರೀಕ್ಷೆ ಇದೆ. ಅವರೊಂದಿಗೆ ಎಡಗೈ ಸ್ಪಿನ್ನರ್​ಗಳಾದ ಪಂಜಾಬ್​ನ ಮನ್ನತ್​ ಕಶ್ಯಪ್​ ಮತ್ತು ಬಂಗಾಳದ ಶೇಕಾ ಇಶಾಕ್​ ಕೂಡ ಅವಕಾಶದ ನಿರೀಕ್ಷೆಯಲ್ಲಿದ್ದಾರೆ.

ಪ್ರೇಕ್ಷಕರಿಗೆ ಉಚಿತ ಪ್ರವೇಶ

ಮಹಿಳಾ ತಂಡಗಳ ಪಂದ್ಯಗಳನ್ನು ವೀಸಲು ವಾಂಖೆಡೆ ಕ್ರೀಡಾಂಗಣಕ್ಕೆ ಪ್ರೇಕ್ಷಕರಿಗೆ ಉಚಿತ ಪ್ರವೇಶ ನೀಡಲು ಬಿಸಿಸಿಐ ನಿರ್ಧರಿಸಿದೆ. ಮಹಿಳಾ ಕ್ರಿಕೆಟ್​ ಪಂದ್ಯಗಳಿಗೆ ಹೆಚ್ಚಿನ ಪ್ರೇಕ್ಷಕರನ್ನು ಸೆಳೆಯುವ ದೃಷ್ಟಿಯಿಂದ ಬಿಸಿಸಿಐ ಈ ನಿರ್ಧಾರ ತೆಗೆದುಕೊಂಡಿದೆ.

*ಆರಂಭ: ರಾತ್ರಿ 7.00

*ನೇರಪ್ರಸಾರ: ಜಿಯೋಸಿನಿಮಾ

https://www.vijayavani.net/rahul-dravid-son-anvay-shining-at-vijay-marchent-trophy